Meng Lai56
Mami dow David kowh meng chekhai. Mami dow Gat marow kowi Filistinuüa khümah khe kowh aia tekah mih meng chekhai. Mami meng dow “Ririm raramma mih prenlang uatur” meng owi iawng natekah kown.
1Aw Thurai, uang saksing sana ang diah.Tawngplawng kowchow panow maru kawmuüa dow kawikrawi ang khai;amatni dow ni chut chi uang krawi sen ang hanow towk ang kawm khai.2Ang kowh ransu-uüa dow atungma kawikrawi ang reng,tawngbak mih dow bawrima hown uang sen ang khai.3Nachenganchepaw ang kram mih khin khe en luk kowi ang neplawng nesak reng kown.4Ang neplawng nesak mih dow Thurai luk kowi chowtaih.Naiawng rakowi tawngpaw ang nakram kown nadowi.Aia kowh laikham rakowi Thurai kowi ang kiowah reng.Tawng chow lusa maru nowng chang ang kown chow?5Ang kowh ransu-uüa dow atungma khüm ang atawi reng chekhai,now nachang ang angak kown mih lawnguan kowi atungma talawp talai büah reng chekhai.6Amatni dow takua talawm hanow hawt pawm ang büah reng,amatni dow tawng chow ang chang mih krawi kumit ang reng chekhai.Tawngplawng kowchow panow amatni dow sai ang kown nau chekhai.7Aw Thurai, amatni changta lup ngak mih rakowi amatni kowi peah ripra diah,en kunmarauah rakowi chenchapuüa kowi piakah diah.8Akawm akrat hown mün khowt chow ang uowi mih en tuk chekhai;mün khowt chow ang kowh mik tui hawk mih en klowkah reng chekhai.Naiawngün dow en kowh chabowih kowi en ruiah khowk chekhai.9Nauang khowng ang kownkow ang haw en mih khin khe ang kowh ransu-uüa dow napowt büah kown.Tawngplawng kowchow panow Thurai tawi tangila ang reng mih ang tuk chekhai.10Aia kowh laikham rakowi Thurai kowi ang kiowah reng chekhai,aia kowh laikham rakowi CHAKRAMANG kowi ang kiowah reng chekhai.11Ang neplawng nesak mih dow Thurai luk kowi chowtaih;tawngpaw ang nakram kown nadowi.Tawng chow lusa maru nowng chang ang kown chow?12Aw Thurai, en tut-e kowh ang takham mih uanap ang nauang chang kown,en tut-e awmrawm lai tek uanap ang nauang chang kown.13Tawngplawng kowchow panow en dow kowngra hownia uang towkala ang khai,now ang natatheu kown mih hownia paw en town ang khai.Nami dow en pur kowi kala singra mih nowi kowi ang pacham ia mangla pakowh chekhai.The Seed Company