Meng Lai54
Mami dow David kowh meng chekhai. Mami meng aia tek mih dow Zifituüa tut-e aia tapet mih satang Sawl kowi Zifituüa kowtek pe khe kowh chekhai. Mami meng dow aiang uowi mih tünteu chang müa hown natekah kown mih chekhai.
1Aw Thurai, en kowh ming hown uang lawng ang diah;en kowh kür hown ang achinawmma pami uang tüng diah.2Aw Thurai, ang awr lü awr leng mih hawt sünta ang diah,ang kowh laiklow kowi hawt pe ching reng diah.3Tawngplawng kowchow panow akeng mih chenchapuüa dow kingküa ang khai;chang nowng chang powng miuüa dow kowngta ang kownkow sangkrang khai.Naiawngün maru-uüa dow Thurai kowi ringkaw dowi chekhai.4Nachenganchepaw Thurai dow ang kowh khowng miia chekhai,CHAKRAMANG dow tow ang sing reng chekhai.5Ransu-uüa chang ang angak mih dow amatni luk kowi aia pe tingah kown,aia takhamta khowk mih iawng amatni kowi aia nasaita kown.6Ang matia sak nau hown en tut-e ang nauang chang tawncher phuchua kown;Aw CHAKRAMANG, en dow aiungma chekhai.Naiawng rakowi ang nakiow en kown.7Tawngplawng kowchow panow en dow ang kowh phih maten hownia lawng ang khai;now ang ransu-uüa kowi en piakah mih dow ang matia mik hown ang khi khai.The Seed Company