Meng Lai50
Asaf kowh meng.
1Mukuang siphaiuüa kowh CHAKRAMANG Thurai tek lai khowk;aia dow satlawt hownia satkup mowr lusa kowi uowi mih maten kowi hawah khai.2Lang klangiung mih Zaiawn hungh hownia,Thurai kowh anowi dow uang krawi sawt khai.3A-i kowh Thurai dow uang tarü khowk,aia dow rarimma nauowi kown nadowi.Aia dowi rawn maih mih narik kamta bowk kown,aia riaret kowi dow liku uangchak nauang kown.4Aia maru-uüa kowi nauang chet pe tara kownkowmukuang hai lusa kowi aia towngla saksi khai.5Aia tek mih, “Ringkaw ang miuüa maten kowi ang tut-e uang kuala diah,tawncher phuchua hown kowh ang hown tatow sangbowk laitawm miuüa kowi kuaah diah,” pakhai.6Aia kowh tara nowm dow mukuang mih phuangah khai bowt.Tawngplawng kowchow panow Thurai dow tara chet miia chekhai.7Thurai tek mih, “Ang kowh maru-uüa low, sünta büa diah, ang tek tak;aw Israel, en kowi kingküala mih saksi ang thuak en kown.Ang dow Thurai chekhai, en kowh Thurai chowtaih.8En chang tawncher phuchua kowh ang bek en angak mih nadowi,en kowh tikah mih uanap dow atungma ang pur kowi uowi reng chekhai.9En kowh chia rum kowi kowh chiala ang lakke dowi,en kowh rua tung kowi kowh rua paw ang hau dowi chekhai.10Tawngplawng kowchow panow kaurawng uaramchak maten mih ang kowh chowtaih,hungma mawngma kowi kowh tawncher maten paw ang kowh chowtaih.11Hungh kowi kowh uakling uaber maten paw ang kowh chowtaih,dowm kowi kowh asak uowi mih maten paw ang kowh chowtaih.12Ang hawm sakkrai khai chepaw ang tek en dowi tham.Tawngplawng kowchow panow palusama dow ang kowh chowtaih,now alak kowi kowh uowi mih chap maten paw ang kowh chowtaih.13Chiala nga ang kowh chakkham pabow en ka tuak?Rua vi ang kham reng pabow en ka tuak?14Thurai tut-e en tek awmrawm lai mih phai en kowh phuchua pana lah,lang kri lang kraing mih Thurai tut-e en takhamta mih chang reng diah.15Nahanow en kla phih mih ni khe haw ang diah,ang nauang lawng en kown taih,now en naringkaw ang kown towbowt,” pakhai.16Tawkche maru ngakuüa kowi dow Thurai tek pe mih,“Ang kowh ari aiang laiklow natek kown mih en kowh alow uowi khai bow?Ang kowh sangbowk laitawm laiklow natek kown mih en kowh alow uowi khai bow?17En dow ang kowh pringhawi laiklow kowi en sui khai,ang kowh laiklow sünta kown khowm en nau dowi chekhai.18En dow khi kuk mih now tawi tahum reng chekhai,chang iang mih maru hown en dow tawi taiua reng chekhai.19En kowh nawr kowi dow laiklow ngak atekma chekhai,en kowh dai dow kuanla kown mih laiklow kangowh tek reng.20Chowm parasang en tainau kowi en kingküaah khai,now aia kowi dow en prawng renah khai.21“Naiawng en chang mih maten ang tuk; tawkche ang lai dowi chekhai.Naiawng rakowi ang kowi mih en matia iawng en nüla ang khai.Tawkche kawmat dow en kowh angak ang natüng en bowt kown,en kowh angak maten en pur kowi lowkchow lowkchow ang tüng en kown.22Thurai kowi tamata miuüa maten mami laiklow tuakah büah kaneu diah,nadowi now adi asekma ang nachangta enni naknak kown.Nakhowk khe miapaw nalawng enni kown mih nauowi kown nadowi.23Tek ang awmrawm lai kownkow chang phuchua miuüa dow ringkaw ang mih chekhai,ang tiama kowi mang miuüa kowi dow ang nalawngah ngengche kown,” pakhai.The Seed Company