Meng Lai49
Mami dow Kora krungchakuüa kowh meng chekhai.
1Aw chenchap maten, ang laiklow sünta büa diah,mami lusa kowi kowh uowi miuüa maten, ang laiklow kowi pe ching büa diah.2Maru iuk hai maru sowmuüa, ang laiklow sünta büa diah,kureng hai ngarai miuüa, ang laiklow kowi pe ching büa diah.3Ang kowh laiklow kowi dow chanlaira uowi reng,now ang sak kowi dow prengia uowi reng chekhai.4Ang dow chanlai lawng prakowi pe ching reng chekhai,taraw tün hown tek meng se laipet ün ang phuang reng chekhai.5Akrat pusa uang ting khe, ransu-uüa uang umta ang lut khe,tawngplawng kowchow ang nakram kown?6Amatni dow dawngthawnguan luk kowi neplawng nesak miuüa chowtaih,now amatni kowh kurengra hown chang bawri miuüa chowtaih.7Nachenganchepaw chowngchowng saksakma nasingla kown mih vüi miapaw nowng pe tangka pawisa dowi chekhai,achowngma nasingla kown mih vüi dow Thurai nau mowr miapaw nowng pe dowi chekhai.8Tawngplawng kowchow panow lusa maru kowh chownglawng dow asung uowima chekhai,chowngchowng saksakma nasingla kown mih sung dow a-i nowng thaw dowi chekhai.10Chanlaima mih maru paw kowng reng,nami iawng prengia uowi dowi mih maru paw kowng reng,now aiung angak tukra uowi dowi mih maru paw kowng reng chekhai.Amatni dow kowng hanow amatni kowh dawngthawnguan ta towla hüah reng,now naiawngün dawngthawnguan dow akeng miuüa vüi ta chowng reng chekhai.11Amatni sing uowi khe dow amatni kowh krawng bawn uowi chekhai;kowng kung kowi kowh amatni kowh uowi rah dow tadupra towbowt,achowngma pat amatni nauowi kown mih dow nakowi towbowt.12Amatni dow kurengma chepaw kowng hownia naia plai kown nadowi,amatni dow tawncher chap maten kowng iawng nakowng kown.13Kowmatia luk kowi neplawng nesak mih maru-uüa luk kowi dow naiawng nauang ting kown,now naiawngünuüa laiklow chün miuüa luk kowi paw naiawng nauang ting kown.14Ruapur thing mih ruapur hawmh kowi dow angenra prakowi cham pawla reng,nami iawng kowngra mih naiawngün maru-uüa kowi kowngra prakowi nacham pawla kown.Nakowi dow amatni kowh uak mih nasu bunlun kown.Nakhowk khe achinawmma miuüa dow amatni luk kowi naawng kown.15Tawkche Thurai dow ang kowh chownglawng mih kowngra hownia nalawng ang kown,aia dow tadupra hownia nauang lawng ang hanow aia tut-e napawla ang ngengche kown.16Naiawng rakowi amatni awr kureng chepaw hangkow kram diah,amatni kimchakuüa kowh dawngthawnguan uang hu ngamlam chepaw hangkow kram diah.17Tawngplawng kowchow panow amatni kowng mih khin khe tawngpaw naia pawla kown nadowi,amatni kowh dawngthawnguan paw amatni tadupra kowi natawi kown nadowi.18Amatni dow sing uowi sak uowi reng tak khe kowmatia kowi prasira uowima pahai tatuak reng,ka iungra miuüa kowi dow maru mih prasira uowima pahai tek pe reng chekhai.19Nachenganchepaw amatni pipu-uüa iawng dow amatni paw nakowng kown,now amatni mih katpaw nakhi ni nowi kown nadowi.20Kurengma chepaw tukra uowi dowi hanow,tawncher kowng mih iawng chowtaih chekhai.The Seed Company