Meng Lai48
Mami meng dow Kora krungchakuüa tekah mih chekhai.
1A-i kowh Thurai marow kowi, aia kowh chimsaima mih hungh kowi,CHAKRAMANG dow kri kraingma hai kiowrira uowima chekhai.2Thurai kowh uowi rah dow paimi Zaiawn hungh kowi chekhai,hungh lowngma kowi kowh nami marow dow klangiungma chekhai.Nami lang kri lang kraing mih mang kowh marow khita hanowpalusama maru-uüa mih awmrawm reng chekhai.3Thurai matia ngengche dow nami marow kowi tawi uowi reng,aia dow nami marow kowi kowh taka müa iawng hai uang tatüng khai.4Manguüa dow amatni kowh siphaiuüa kowi kuaah lawmah khai,now nauang sen marow kownkow uang ting büah khai bowt.5Tawkche nami marow khita hanow amatni dow takrow khai,now lainowmma kram büah hanow powt bowk khai.6Kram lai rakowi amatni dow chürla kluk khai,penchow kimuowi mu rau iawng bowm büah khai.7Thurai dow satlawt li akürma mih uang chin pe khai,now Tarsis marow kowi kowh chawnlawng uang piakta pe khai.Naiawng hai amatni kowi dow aia piakta khai.8Mukuang siphaiuüa kowh CHAKRAMANG marow lawnguan anging ta chekhai,now kawmat dow nami marow mih mik hown anging khi khowk chekhai.Nami marow dow chowngchowng saksakma vüi aia natowah kown.9Aw Thurai, en kowh achur uowi dowi mih sakraura laiklow anging tuak khai,nami lawnguan dow en kim kowi anging tuak reng chekhai.10Aw Thurai, en lawnguan kowi maru tuk bowk chekhai,en kowi dow prenchur nammowt kowi pat maru kiow en reng chekhai.En tut-e dow nachang lup iung kown mih kür uowi huma chekhai.11En kowh anowmma mih lup khita hanow Zaiawn hungh kowi kowh maru-uüa pacham piaw lah,Juda pren kowi kowh marowchakuüa dow pacham awmrawm lah.12Thurai maru-uüa low, Zaiawn hungh tapat lut krawi len büa diah,nakowi mün khowt chow kimkrowng uowi mih krawi rüa diah.13Nakowi kowh tap ün mün khowt chow khikhawt mih krawi mü büa diah,now nakowi kowh kimkrowng ün mün khowt chow khawt mih krawi mü diah.Nahanow naiawngün lawnguan mih enni kowh chauüa tut-e enni naia lawpla kown towbowt.14Enni natekla pe kown mih, “A-i kowh chowngchowng saksakma mih Thurai dow nami Thurai chowtaih,aia dow a-i kowng dowi mowr natüng a-i tiama reng kown,” pakhai.The Seed Company