Meng Lai47
Mami dow Kora krungchakuüa kowh meng chekhai.
1Aw chenchap maten, apiawma hown phek rut büa diah,Thurai vüi kowi atünma tek rowsi meng büa diah.2Lang kri lang kraing mih CHAKRAMANG dow ringkawra hai kramra uowima chekhai,aia dow palusama kowi kowh lang kri mih mang chekhai.3Akeng chenchapuüa kowi aia dow a-i nimkrüa kowi towah khai,amatni kowi dow a-i khawk daw kowi aia towah khai.4A-i uowiah mih pren dow aia lang klo a-i mih chekhai,nami pren dow aia lang sakrauah mih Jakawb lang nauah mih chekhai.5Thurai dow piaw klow hown aia kowh mang chowm rah kowi awr pün khai,CHAKRAMANG dow baw tün hown aluk kowi awr pün khai.6Thurai vüi tek rowsi meng diah, tek rowsi meng diah;a-i kowh Mang vüi tek rowsi meng diah, tek rowsi meng diah.7Tawngplawng kowchow panow palusama kowi kowh mang dow aia chowtaih,aia vüi kowi tek rowsi meng diah.8Chenchap maten luk kowi chowm mang mih dow Thurai chowtaih;aia dow aia kowh mang chowm rah chimsaima mih kowi chowm mang khai.9Lusa kowi kowh pren kruitown miuüa maten dow takua talawm khai,amatni dow Abraham kowh Thurai maru-uüa hown takua talawm khai.Tawngplawng kowchow panow lusa kowi kowh manguüa maten dow Thurai kowh chekhai,aia dow bowkbowk lak-e kowh rowsira lang uowi mih chekhai.The Seed Company