Meng Lai46
Mami dow Kora krungchakuüa kowh meng chekhai. Mami meng dow alowngma natekah kown takla.
1A-i kowh tatung tanimra hai kürra dow Thurai chowtaih,aia dow a-i kla phih khe nauang khowng a-i kownkow kamrüt reng chekhai.2Naiawng rakowi lihowngma uang chepaw a-i nakram kown nadowi,hungma mawngma ün sata kowi takla bun chepaw a-i nakram kown nadowi.3Sata tui awr talowng phunglung se apawp talowi chualua chepaw a-i nakram kown nadowi,tuilowng rakowi hungma mawngma chür nurlur chepaw a-i nakram kown nadowi. [Sela]4Thurai kowh marow kowi tui uang hawr reng mih aw uowi lowk;nami aw rakowi marowchakuüa dow awmrawm reng,lang kri lang kraing mih Thurai uowi rah chimsaima mih dow awmrawm reng chekhai.5Nami marow kowi dow Thurai tawi uowi reng chekhai.Naiawng rakowi nami marow dow anikma nauowi kown.Aia kowi dow sat lawt dowi rawn Thurai nakhowngah reng kown.6Thurai hek hanow lusa mih napiak kown;chenchapuüa dow kram hown nachurla kluk kown,now pren ün paw napiak bowk kown.7Mukuang siphaiuüa kowh CHAKRAMANG dow a-i tut-e tawi uowi reng,a-i kowh akhawtma mih kangchawngra kimkrowng dow Jakawb kowh Thurai chowtaih.8CHAKRAMANG kowh lup uang mü diah,aia dow lusa kowi uang pawla piakra khai.9Aia dow lusa kowi kowh tasen maten taingta bowk khai;aia dow salangba ün klowkta pe khai,reh ün aia dungta pe naknak khai,kawrnga kari ün paw maih kowi aia nawmta pe bowk khai.10CHAKRAMANG tek mih, “Taingta tasen büah bowt;ang chowtaih Thurai pami tukah büah reng diah.Chen towng chap towng maru-uüa dow nakiow ang kown,palusama maru-uüa dow nakiow ang reng kown,” pakhai.11Mukuang siphaiuüa kowh CHAKRAMANG dow a-i tut-e tawi uowi reng,a-i kowh akhawtma mih kangchawngra kimkrowng dow Jakawb kowh Thurai chowtaih.The Seed Company