Meng Lai40
Mami dow David kowh meng chekhai.
1Kunma thawngma hown CHAKRAMANG kowi ang chawngah khai,aia dow ang kowh laiklow hai ang kowh kar klow sünta ang khai.2Sakowmra uowi dowk mih kuam hownia aia dow uang lawng ang khai,kramra uowima mih krawng uapma hownia aia dow uang lawng ang khai.Now huaklu aiukma mih luk kowi aia pe iowng ang khai,akhawtma mih bawn luk kowi aia pe mang ang khai.3Aia dow ang kowh nawr kowi pe ang meng sar khai,aia dow aia kiow müa pe ang meng sar khai.Aia kowh lawngra lup dow maru akawmma nakhi kown;amatni sak kowi mih ringkawma hown kramra nauowi kown,now amatni dow CHAKRAMANG luk kowi naneplawng nesak kown.4CHAKRAMANG luk kowi neplawng nesak mih,bawrima hai arup chup mih prakowi dang dowi mih dow prasira uowima.5Aw CHAKRAMANG, ang kowh Thurai,en changah mih awdara lup dow ahuma chekhai;anging vüi en tuakah mih dow nowng phuangah dowi mowr chekhai.Nami dow tek reng chepaw achur nauowi kown nadowi.En iawng mih miapaw uowi dowi bowt chekhai.6Tawncher phuchua hai akeng mih uanap kowi en awmrawm dowi chekhai,tikah mih uanap hai angak lawt lük müa uanap paw en lakke dowi chekhai;nami lak-e en laiklow ta hanow natuktala kownkow en thawp ang param khai.7Naiawng rakowi ang tek mih, “Mow, ang uang khowk chaw;ang lawnguan dow rirow bowih kowi arui uowi chekhai.8Aw ang kowh Thurai, en nau iawng chang mih kowi ang awmrawm reng,en kowh ana pek ang sak lak kowi uowi reng chekhai,” pakhai.9Aw CHAKRAMANG, en lawng anging mih laiklow takua talawmra kri kowi ang phuang reng;ang kowh nawr dow ang kowpta phülü dowi mih en aiawng tuk chekhai.10En changah mih lup iung lawnguan sakdawng kowi ang towah phülü dowi;en kowh kaah sakowmma mih hai lawngra lup lawnguan ang tek reng chekhai.En kowh achur uowi dowi mih sakraura hai kaah sakowm mih rah dow ang itah dowi chekhai.Nami dow takua talawmra kri kowi ün ang phuangah reng chekhai.11Aw CHAKRAMANG, en natüng ang saksing sanara kown mih hangkow taingta diah,en kowh kaah sakowm mih rah hai achur uowi dowi mih sakraura dow atungma pacham towkala ang lah.12Tawngplawng kowchow panow phih ahuma uang umta ang lut khai;naiawngün dow nowng rüaah dowi mowr chekhai.Angak dow uang kawikrawi ang hanow uang krawi ka dowkta ang khai bowt.Naiawng rakowi ang khi tiama dowi bowt chekhai.Naiawngün angak dow aiun kawm krang ang lu kowi kowh sam lak-e hu chekhai.Naiawng rakowi ang kowh dow sakkraingra pami hing uowi dowi bowt chekhai.13Aw CHAKRAMANG, sakrauma hown uang lawng ang diah,aw CHAKRAMANG, nauang lawng ang kownkow alenma uang diah.14Kowngta ang kownkow sangkrang miuüa dow pacham ka rukrai lah,ang piak mih khi kown nau miuüa dow mumla tulu se pacham plan büah lah.15Khi ang kowh chit ang miuüa dow pacham plan büah lah,amatni dow ka rukrai hanow pacham plan bowk büah lah.16Nachenganchepaw en nau iawng mang miuüa pacham piaw lah,amatni dow en rakowi pacham awmrawm büah lah.En changah mih lawngra lup kowi nau miuüa dow,“CHAKRAMANG dow kri kraingma,” pahai pacham tek reng lah.17Ang dow ngaraima hai kür uowi dowi chekhai.Nachenganchepaw ang lawnguan kowi en tuak reng.Aw ang kowh Thurai, hangkow kra tham bowt;en chowtaih ang kowh khowng mih hai lawng miia.The Seed Company