Meng Lai41
Mami dow David kowh meng chekhai.
1Ngarawng ngarai miuüa kowi khowng mih dow prasira uowima chekhai,aia kla phih mih khin khe aia kowi CHAKRAMANG nakhowngah reng kown.2CHAKRAMANG mih aia kowi natakhula reng kown,aia kowi dow CHAKRAMANG natowah sing reng kown.Aia dow pren kowi aiungma naka uowi kown,aia kowi dow aia kowh ransu-uüa hownia CHAKRAMANG nalawngah kown.3Arau uowi kowh phangbek kowi mawk mih khin khe aia kowi CHAKRAMANG napeah kür kown,aia kowi dow phangbek hownia CHAKRAMANG nakrüngah kown.4Ang tek mih, “Aw CHAKRAMANG, kingküala en mih angak ang changta khai.Nachenganchepaw saksing sana ang diah, ang kowh arau iungta ang diah,” pakhai.5Ang ransu-uüa dow nau ang angak kowh tek mih,“Tawng khe chow nami maru nakowng kown?tawng khe chow aia kowh ming natama kown?” pakhai.6Amatni dow uang mü ang hanow asung uowi dowi mih laiklow uang talawp khai.Nakingküala ang kownkow amatni dow ang lawnguan kowi angakma mih laiklow kumla büah khai,now ang kowh angak lawnguan dow maru kawmuüa tut-e krawi uetah khai.7Sui ang miuüa dow kingküa ang kownkow cham ku tatek laisin reng,amatni dow napiak ang kown mih kangowh tatuak büah khai.8Amatni tek mih, “Aia luk kowi kramra uowima mih rawka ngak phaw khowk,aia mawk rah hownia dow aia naia rü kown nadowi bowt,” pabüah khai.9Kawmat dow ang auiua sin khowm kingküa ang khai,aia dow ang hown taiua cha chakkham reng mih chowdiah,aia dow ang lang owmah mih chowdiah.10Nachenganchepaw aw CHAKRAMANG, en dow saksing sana ang diah,ang ransu-uüa kowi ang naia satla klai kownkow ang kowh arau iungta ang diah.11Ang luk kowi en sak-ih reng mih ang tuk chekhai.Tawngplawng kowchow panow ransu-uüa nowng ang dowi bowt.12Ang achinawmma rakowi en khowng ang reng chekhai,chowngchowng saksakma en pur kowi en tow ang reng chekhai.13CHAKRAMANG Israeluüa kowh Thurai dow akiow pauowi reng lah!kawmat hownia chowngchowng saksakma aia dow akiow pauowi lah!Amen! Amen!The Seed Company