Meng Lai36
Mami dow David kowh meng chekhai.
1Maru ngakuüa kowh dow sak lak kowi angak uang kup reng,amatni dow Thurai kowi ringkaw hai kram dowi chekhai.2Amatni dow bawrima rakowi tatuak mih,“Thurai naka dowk ang angak kown nadowi,Thurai nasui ang kown nadowi,” pakhai.3Amatni kowh nawr kowi dow lai ngak hai limmara atekma chekhai,amatni dow chanlaira hai lup iung kowi nau büah dowi chekhai.4Phangbek kowi mawk khe paw amatni dow thawp prengia ngak reng chekhai,angak prakowi hing tape büah khai, now angak kowi sui büah dowi chekhai.5Aw CHAKRAMANG, en kowh achur uowi dowi mih sakraura dow kuang kowi tawk khai,en kowh kaah sakowmma mih rah dow uangnim luk kowi chüt prang chekhai.6En kowh tachi tanawmra dow hungh aiukma mih iawng chekhai,en kowh tara nowm dow sata abüpma mih iawng chekhai.Aw CHAKRAMANG, en dow lusa maru hai asadua maten kowi khetah reng chekhai.7Aw Thurai, en kowh achur uowi dowi mih sakraura dow ia ranah dowi chekhai,en lap krüa kowi dow lusa maru-uüa mih ka tatung tanimra reng chekhai.8Anging lakke mowr en tut-e dow chakkham uowi chekhai,anging lakke mowr iungra aw tui en pe kham anging khai.9Lowra chap kowi pe singra reng mih dow en chowtaih.En kowh anowi rakowi anging tawi khi anowi mih chekhai.10Tuk en miuüa kowi dow en kowh achur uowi dowi mih sakraura tüng pe reng diah,saktuak achinawmma miuüa kowi dow anowmma mih tara chet pe reng diah.11Bawrima miuüa nauang sen ang kownkow hang pacham nowng uang lah,maru ngakuüa mih hang pacham nowng prüt ang lah.12Sam mü madiah, maru ngakuüa dow tim khai bowt,amatni kowi dow kuakta khai bowt, now nowng rü dowi bowt chekhai.The Seed Company