Meng Lai35
David kowh meng.
1Aw CHAKRAMANG, kingküa ang miuüa kowi en paw kingküaah diah,ang kowi kowh sen ang miuüa kowi en paw senah diah.2Kawngma iuk hai kawngma sowm dowk diah,now nakhowng ang kownkow uang iowngla ang diah.3Uang kawikrawi ang miuüa kowi reh hown hawt sawtah diah,now, “Ang lawng en sow,” pahai ang tut-e uang takham diah.4Saita ang kown nau miuüa dow pacham ka rukrai lah,napiak ang kownkow sangkrang miuüa dow ka rukrai hanow pacham plan lah.5Amatni dow li hown kowh chapli rown iawng pacham rown bowk lah,amatni kowi dow CHAKRAMANG kowh kramamu pacham prütah lah.6Amatni kowh tiama mih aiiuma hai aklaima pacham phaw lah,CHAKRAMANG kowh kramamu amatni kowi pacham krawiah lah.7Amatni dow aiawnglowma kuam luk kowi chak ang leng khai,alow akan uowi dowi matchang amatni dow thai ang kuam büah khai.8Naiawng rakowi amatni luk kowi mih linlanma piakra pacham ting lah,amatni chak ang mih leng kowi amatni tasowk hanow pacham piak lah.9Nakhowk khe dow CHAKRAMANG lawnguan kowi ang napiaw kown,aia pe ang mih lawngra rakowi ang naawmrawm kown.10Nakhowk khe dow ang kowh sak maiow natek kown mih,“Aw CHAKRAMANG, en iawng mih mia chow uowi?Kür uowi dowi miuüa kowi akürma miuüa rut hownia mia chow nowng lawng mih uowi?Ngarai miuüa kowi krawi thowk damra miuüa rut hownia mia chow nowng lawng mih uowi?” napa kown.11Dai lai saksiuüa dow nathuak saksi kownkow tara chetra kowi iowng khai,amatni dow ang tukah dowi mih lawnguan kowi bek ang angak khai.12Amatni dow ang changah aiung mih takcha chang ang angak khai,ang kowh sakowmra tama bowk khowk.13Nachenganchepaw amatni arau uowi khe ang khup sala uan khai,naiawng hai amatni vüi ang tawi uowila pe uiting uangtak khai.Ang khang pe hawm khükhü amatni vüi ang kham ngare khai,now amatni kowh arau naiungla kownkow ang chup pe Thurai khai.14Tainau hai auiua kowng khe kowh iawng amatni vüi ang uowi pe uiting uangtak khai,ang kowh u kowng khe kowh uowila uiting uangtak mih iawng ang uowi pe khai.15Nachenganchepaw ang krat mih khin khe dow amatni bowkbowk awmrawm khai,amatni dow ang ria kowi uang takuaah büah hanow changla ang rensi kau khai.Ang tukah dowi mih maru-uüa paw kingküa ang kownkow tawi tabawng khai,amatni dow amowt uowi dowi kowi chang ang naklak büah khai.16Amatni dow prawngren dawma miuüa iawng prawngren ang khai,amatni dow sui ang kowh mik ngak hown mü ang khai.17Aw CHAKRAMANG, mün ni tak chow naiawng en mü ang phülü kown?Chang nowng chang powng miuüa rut hownia uang towkala ang diah,maiawngün krangsi hawmh rut hownia ang kowh chownglawng pe plai ang diah.18Nahanow en maru-uüa takua talawmra kowi ang natek en awmrawm lai kown,maru akawmma dawng kowi ang natek en rowsi meng kown.19Aiawnglowma nüla ang ransu miuüa rut kowi hauang pe chowng ang rensi kau diah,alow akan uowi dowi matchang sui ang miuüa kowi ang krat mih khi hanow hangkow pe renah diah.20Amatni dow taking tasangra laiklow tek dowi chekhai,amatni dow pren kowi kowh athaulangma miuüa kowi krawi dai krawi kuan khai.21Amatni dow ang lawnguan kowi atün atünma tek dai lai mih,“Khi, khi! En chang lup ngak mih anging matia mik hown anging khi lowmow,” pakhai.22Aw CHAKRAMANG, naiawngün en khi bowk chekhai;naiawng rakowi ririmma hang uowi diah,ang hownia alakma hang cham uowi diah.23Aw ang kowh Thurai, awr rü hanow uang tangila ang diah,aw CHAKRAMANG, ang prakowi tangila mih lai uang tek diah.24Aw CHAKRAMANG, en dow achinawmma chekhai;naiawng rakowi anowmma mih tara uang chet ang diah,ang kowh ransu-uüa kowi hangkow pe awmrawmah diah.25“Cham na bowt lah, cham na bowt lah!Naiawng phaw mih chowbowt anging nau.Aia kowi a-i nowng iawnta khowk,” pahai sakdawng kowi amatni hang pacham ka tek büah lah.26Ang kla phih mih khi hanow awmrawm miuüa maten pacham ka rukrai lah,ang lak-e amatni lang iung pahai tatuak miuüa dow pacham rukrai bowk lah.27Nachenganchepaw tiama nowm kowi ang mang mih laiklow ta kown nau miuüa pacham piaw lah,amatni dow awmrawm rakowi atünma how se pacham piaw lah.Amatni dow atünma, “CHAKRAMANG dow kri kraingma chekhai;aia dow aia naruüa iung mih kowi awmrawm reng,” pahai pacham tek lah.28Nahanow ang kowh dai hown en tachi tanawm mih laiklow ang natek reng kown,now ni chut chi en rowsi meng ang natek reng kown.The Seed Company