Meng Lai25
David kowh meng.
1Aw CHAKRAMANG, ang kowh sak mih en tut-e ang uang ap en khai.2Aw ang kowh Thurai, en luk kowi chowtaih ang neplawng nesak reng;naiawng rakowi hauang pe ka ang rukrai diah,ang lawnguan kowi ang kowh ransu-uüa mih hang pacham ka piaw lah.3En luk kowi kowh owmsak mih maru dow naka rukrai kown nadowi.Tawkche kingküa en miuüa dow naka rukrai kown.4Aw CHAKRAMANG, en kowh tiama tüng ang diah,en tiama kowi namang kown mih sang ang diah.5En kowh anowmma mih lawnguan kowi sang ang hanow krui ang diah.Tawngplawng kowchow panow en chowtaih ang kowh lawng miia Thurai,ang dow atungma en luk kowi chowtaih ang owmsak reng.6Aw CHAKRAMANG, en kowh saksing sanara hai achur uowi dowi mih sakraura sak kowi towah reng diah,naiawngün dow achük alai hownia en tut-e uowi reng mih chekhai.7Ang klanguüa khe kowh angak hai kingküa en mih maten sak kowi hangkow towah diah,en kowh achur uowi dowi mih sakraura hown ang kowi mih sak kowi towah reng diah.Tawngplawng kowchow panow aw CHAKRAMANG, en dow aiungma chekhai.8CHAKRAMANG dow aiungma hai anowmma chekhai.Naiawng rakowi aia dow maru ngakuüa kowi tüng pe tiama nowm reng chekhai.9Aia dow khamsum khamdaw miuüa kowi tiama anowmma mih kowi kruila reng,now aia kowh tiama anowmma mih lawnguan kowi tüngsangah reng chekhai.10CHAKRAMANG kowh sangbowk laitawm hai ari aiang iawng mang miuüa kowi dow aia kruiah reng chekhai,amatni kowi dow aia kowh achur uowi dowi mih sakraura hai kaah sakowmma mih rah hown aia kruiah reng chekhai.11En kowh ming iung nang iung naia townla reng kownkowAw CHAKRAMANG, ang kowh ngak maten lawtta ang diah.12CHAKRAMANG kowi ringkawma hown kram miuüa kowi dow aia natüng pe tiama kown,amatni kowi dow tawng mih tiama kowi chow amang takla mih aia natüng pe kown.13Naiawng mih maru-uüa dow aiungma hown naia sun chownglawng kown,amatni kowh krungchakuüa dow naka powng pren reng kown.14CHAKRAMANG dow aia kowi ringkaw miuüa kowi changla auiua reng chekhai,aia dow aia kowh sangbowk laitawm amatni kowi tüngsangah reng chekhai.15Ang dow nakala khowng kownkow atungma CHAKRAMANG prakowi tang mü reng chekhai.Tawngplawng kowchow panow phih hownia uang lawng ang mih dow aia chowtaih.16Aw CHAKRAMANG, ang prakowi uang dang diah,now saksing sana ang diah.Tawngplawng kowchow panow ang dow lowk iachow hai akawm akratma chekhai.17Ang kowh tuak kawm tuak kratra uang hu ngamlam chekhai,akrat pusara maten hownia uang towkala ang diah.18Ang kowh tuak krat pusara sam mü ang madiah,ang kowh angak maten uang lawtta ang diah.19Ang kowh ransu-uüa kawm krang sam mü madiah,amatni dow lainowmma sui ang khai.20Uang takhula ang diah, now uang lawng ang diah, hauang pe ka ang rukrai diah.Tawngplawng kowchow panow en tut-e chowtaih ang uang tatung tanim khai.21Ang kowh anowmma mih lup hai aiungma mih lup rakowi uang takhula ang diah.Tawngplawng kowchow panow en tut-e chowtaih ang neplawng nesak khai.22Aw Thurai, akrat pusara maten hownia en maru Israeluüa kowi uang lawngah diah.The Seed Company