Meng Lai26
David kowh meng.
1Aw CHAKRAMANG, ang kowh angak uowi dowi pami phuangah diah;tawngplawng kowchow panow ang dow anowmma mang reng chekhai,now ang dow anikma en luk kowi neplawng nesak reng chekhai.2Aw CHAKRAMANG, uang chaing ang diah,ang sak lak kowi tawng chow uowi mih sam mü ang madiah.3Tawngplawng kowchow panow en kowh achur uowi dowi mih sakraura dow ang tamata dowi chekhai,en kowh kaah sakowm mih rah sak kowi ang towah reng chekhai.4Ang dow dailama miuüa hown taiua dowi chekhai,now kuanlama miuüa hownia ang lang tahen reng chekhai.5Chang lup ngak mih thumchakuüa kowi ang suiah reng chekhai,maru ngakuüa hown tawi taiua kown mih ang nau dowi chekhai.6Aw CHAKRAMANG, ang kowh angak uowi dowi mih natüngla kownkow ang nasia rut kown,now nauang chupiia en kownkow en kowh phuchuara kowi ang nauang kown.7Natek en awmrawm lai kownkow atünma ang natek meng kown,now en changah mih awdara lup lawnguan maten maru-uüa kowi ang natek pe kown.8Aw CHAKRAMANG, en kowh kraingra dow en uowi rah kowi uowi reng chekhai,nami arah kowi dow ang sakrau khai.9Maru ngakuüa thum kowi hauang klowkla ang diah,sai maru miuüa hown hauang saila ang diah.10Maru ngakuüa kowh sangkrangra dow nachang ngak kown mih kangowh,now amatni dow cha büm cha sua reng chekhai.11Nachenganchepaw ang dow anowmma mang reng chekhai.Naiawng rakowi sana ang diah, now lawng ang diah.12Ang dow thaulangma mih arah kowi ang iowng khai,aia maru-uüa pur kowi CHAKRAMANG kowi ang nakiowah kown.The Seed Company