Meng Lai24
David kowh meng.
1Lusa hai alak kowi kowh maten CHAKRAMANG kowh chekhai,lusa hai alak kowi kowh uowi miuüa paw aia kowh chekhai.2Tawngplawng kowchow panow aia dow sata luk kowi kowh lusa tow miia chekhai,aia dow tui abüpma mih luk kowi nami lusa towah khai.3CHAKRAMANG hungh kowi pün kown tataing mih mia chow uowi?Aia kowh kim chimsaima mih kowi iowng kown tataing mih mia chow uowi?4Chang lup ngak dowi mih hai saktuak chimsaima mih maru chowtaih,chup arup dowi mih hai tek dai lai dowi mih chowtaih tataing.5Aia kowi dow CHAKRAMANG napeah prasi kown, now nalawngah kown,aia dow achinawmma pami aia kowh lawng miia naphuangah kown.6Tawngplawng kowchow panow amatni dow CHAKRAMANG kowi cham reng chekhai.Amatni dow Jakawb kowh Thurai kowi chupiia reng chekhai. [Sela]7Aw marow tapplawtuüa low, auarma tauow büa diah;aningma mih kimplawtuüa low, auarma tauow büa diah,kri kraingma mih mang nauang kup kown chekhai.8Kri kraingma mih mang dow mia chow?Aia dow CHAKRAMANG chekhai.Aia dow lang kri lang kraing mih,tasen kiakma mih CHAKRAMANG chekhai.9Aw marow tapplawtuüa low, auarma tauow büa diah;aningma mih kimplawtuüa low, auarma tauow büa diah,kri kraingma mih mang nauang kup kown chekhai.10Kri kraingma mih mang dow mia chow?Aia dow mukuang siphaiuüa kowh CHAKRAMANG chekhai,aia dow kri kraingma mih mang chekhai. [Sela]The Seed Company