Meng Lai145
Mami dow David kowh meng chekhai. Mami dow rowsi meng chekhai.
1Aw ang kowh Thurai, ang kowh mang, en vüi kowi ang natek meng kown;chowngchowng saksakma ang natek en rowsi meng kown.2Ang dow ni towng natek en rowsi meng kown,now chowngchowng saksakma en ming kowi ang nakiow kown.3CHAKRAMANG dow kri kraingma hai kiowrira kak taing chekhai,aia kowh kri kraingra dow amiapaw nowng tuk dowi chekhai.4En changah mih lup dow krungchak towng amatni kowh chauüa kowi natekla pe kown,now en changah mih kri kraingra lup lawnguan kowi amatni dow nacham krawi tek kown.5Ang dow en kowh kraingra hai kiowrira lawnguan kowi nakrawi tuak reng kown,now en kowh awdara lup lawnguan kowi paw nakrawi tuak reng kown.6Maru kawmuüa dow en kowh kramra uowi mih lup hai kürra lawnguan nakrawi tek kown,now ang dow en kowh kri kraingra ang nakrawi phuang kown.7Amatni dow en kowh iungra lawnguan maten nakrawi tek kown,now en achinawmma mih lawnguan kowi natek awmrawm meng büah kown.8CHAKRAMANG dow saksing sana hai pe lawt reng chekhai;aia dow kunmarau naklak dowi,now aia kowh achur uowi dowi mih sakraura dow kri kraingma chekhai.9CHAKRAMANG dow bowkbowk vüi kowi aiungma chekhai,aia dow aia uanh thawp maten luk kowi saksing sana reng chekhai.10Aw CHAKRAMANG, en thawpah mih uanh maten natek en awmrawm lai kown,ringkaw en miuüa maten nakiow en kown.11Amatni dow en pren kri kraing mih lawnguan nalawp kown,now en kowh kürra lawnguan natek büah kown.12Nahanow maru-uüa dow en kowh kürra hown en changah mih lup lawnguan natuk kown,now en kowh pren kri kraingma mih klangiungra atekma mih amatni natuk kown towbowt.13En kowh pren dow chowngchowng saksakma anikma nauowi reng kown,en kowh kruitownra dow chowngchowng saksakma nauowi reng kown.14CHAKRAMANG dow kla phih mih maru kowi lawngah reng,now tim mih maru kowi paw aia dow krüngah reng chekhai.15Maru kawmuüa dow sakowmma hown en prakowi tang mü reng chekhai,amatni kowi dow akhin now en peah chakkham reng chekhai.16En dow phat pe rut hanow asak uowi miuüa kowi en peah chakkham reng,now amatni kowi dow lakke mih srui peah reng chekhai.17CHAKRAMANG kowh tiama maten dow anowmma chekhai,now aia dow saksing sanara hown lup maten chang reng chekhai.18Aia kowi hawah miuüa tut-e dow CHAKRAMANG mih tawi uowila reng;aia kowi sak hown hawah miuüa tut-e dow atawnchow aia tawi uowila reng chekhai.19Aia kowi ringkawma hown kram miuüa kowi dow amatni nau mih aia peah reng chekhai,now amatni uang kar mih klow aia hawt sünta pe hanow aia takhula reng chekhai.20CHAKRAMANG kowi sakrau miuüa kowi dow aia takhula reng.Tawkche maru ngakuüa maten kowi dow aia napiakah kown.21Ang kowh nawr dow CHAKRAMANG kowi narowsi reng kown,asak uowi mih maten dow aia ming chimsaima mih kowi chowngchowng saksakma pacham kiow lah.The Seed Company