Meng Lai146
1CHAKRAMANG kowi kiow büa diah,aw ang kowh sak, CHAKRAMANG kowi kiow diah.2Sing uowi sak uowi mowr CHAKRAMANG kowi ang nakiowah kown,ang kowh Thurai kowi dow chownglawng prat ang natek pe rowsi meng kown.3Maru iukuüa luk kowi hang neplawng nesak büa diah,amia iawng mih maru luk kowi paw hang neplawng nesak büa diah.Tawngplawng kowchow panow naiawngünuüa dow nowng lawng enni dowi chekhai.4Kowng hanow amatni dow tadupra kowi uowi reng chekhai,now amatni kowh sangkrangra maten paw tawi chur reng chekhai.5Tawkche Jakawb kowh Thurai khowngah reng miuüa dow prasira uowima chekhai,aia kowh CHAKRAMANG Thurai luk kowi owmsak miuüa dow prasira uowima chekhai.6CHAKRAMANG dow mukuang hai lusa thawpah khai,now sata hai sata kowi kowh uowi mih maten paw aia thawpah khai.Aia dow chowngchowng saksakma kaah sakowmma hai uowi reng chekhai.7Maru changah anowng apowng miuüa kowi aia chet pe tara nowm reng;sakkrai miuüa kowi dow aia peah chakkham reng chekhai.Nar kowi takhang miuüa kowi dow CHAKRAMANG lawngah reng chekhai,8aia dow mik duma miuüa kowi pe khi-ah reng chekhai.Aia dow tatheu miuüa kowi krüngah reng chekhai,now achinawmma miuüa kowi dow aia sakrauah reng chekhai.9CHAKRAMANG dow anging pren kowi kowh uowi mih prenlang maru-uüa kowi lawngah reng,now saratchowuüa hai mamaimowuüa kowi dow aia mingkhetah reng chekhai.Tawkche maru ngakuüa kowi dow aia piakah reng chekhai.10CHAKRAMANG dow chowngchowng saksakma nachowm mang reng kown,aw Zaiawn, en kowh Thurai dow chowngchowng saksakma nachowm mang reng kown.CHAKRAMANG kowi kiow büa diah.
The Seed Company