Meng Lai143
Mami dow David kowh meng chekhai.
1Aw CHAKRAMANG, ang uang lü uang leng mih hawt sünta diah,kar se ang uang lü uang leng mih kowi hawt pe param diah.En kowh kaah sakowmma mih rah hai anowm hown uang klang ang diah.2Ang dow en kowh nar chekhai; hauang chet ang tara diah.Tawngplawng kowchow panow en mik kowi dow amiapaw achinawmma nadowi chekhai.3Ransu-uüa dow uang kawikrawi ang khai,amatni dow krawng kowi dita ang naknak khai.Achük alai khe kowng mih maru-uüa iawng,amatni dow aiiu dawng kowi towta ang hüah khai.4Naiawng rakowi ang dow sak nen khai bowt,ang kowh sakkraingra dow tama khai bowt.5Ang dow alai khe kowh lawnguan ang krawi ka tuak khai;en changah mih lup lawnguan maten ang krawi tuak khai,now en rut hown kowh lup lawnguan kowi ang krawi tuak khai.6En prakowi iawla rut se ang uang lü uang leng khai,krawng kangkhawngma mih nau tui iawng ang kowh sak mih sakkrai en khai.7Aw CHAKRAMANG, alenma uang klang ang diah.Tawngplawng kowchow panow ang kowh sakowmra chur bowk khowk chekhai.Kowng miuüa iawng ang nauowila dowi kownkowang hownia hang cham dangta ang lumowr diah.8Rau towng en kowh achur uowi dowi mih sakraura laiklow pe sünta ang reng diah.Tawngplawng kowchow panow ang dow en luk kowi chowtaih neplawng nesak reng;tawng mih tiama kowi chow namang kown mih uang tüng ang diah.Tawngplawng kowchow panow ang kowh sak dow en tut-e ang uang ap en khai.9Aw CHAKRAMANG, ransu-uüa rut hownia uang lawng ang diah.Tawngplawng kowchow panow ang dow uang tatung tanim kownkow en tut-e uang iowm khai.10En nau iawng nachang lup kown mih sang ang diah.Tawngplawng kowchow panow ang kowh Thurai dow en chowtaih.En kowh aiungma mih lümla hown tiama atengma kowi pawla ang diah.11Aw CHAKRAMANG, en kowh ming iung nang iung naia townla reng kownkow pe sing ang diah,now krat pusara hownia en kowh iungra hown uang lawng ang diah.12En kowh achur uowi dowi mih sakraura hown sakrau ang diah;ang kowh ransu-uüa kowi piakta diah,now amatni kowi mih saita bowk diah.Tawngplawng kowchow panow ang dow en kowh nar chekhai.The Seed Company