Meng Lai142
Mami dow David kowh meng chekhai. Mami dow puk kowi uowi khe kowh David awr chup Thurai mih meng chekhai.
1Ang dow CHAKRAMANG tut-e atünma ang uang kar khai,aia nauang saksing sana ang kownkow ang uang lü uang leng khai.2Ang kowh tuak kawm tuak kratra laiklow maten aia pur kowi ang uang tek khai,ang kowh akrat pusara laiklow maten aia pur kowi ang uang phowk pe khai.3Ang sak nen mih khin khe ang lawnguan kowi en tuk chekhai.Maru ngakuüa dow ang manglan kowi ku chak ang leng khai.4Ang ria ang ret kowi ang krawi tang mü khai;nauang khowng ang kown mih maru amiapaw ang khi dowi chekhai.Ang kowh dow nacham powtla kown mih arah uowi dowi bowt chekhai,amiapaw nauang lawng ang kown mih tuak dowi chekhai.5Aw CHAKRAMANG, ang dow en tut-e chowtaih uang kar reng,ang tek mih, “Ang kowh tatung tanimra dow en chowtaih,mami lusa kowi ang kowh dawngthawnguan dow en chowtaih,” pakhai.6Ang uang kar mih kowi hawt sünta diah;tawngplawng kowchow panow ang dow lainowmma ngare khai.Krawi ang miuüa rut hownia dow lawng ang diah.Tawngplawng kowchow panow amatni dow ang lak-e lang kür chekhai.7Thawngrum kowi cham uowi iawng mih kratra hownia lawng ang diah,nahanow en ming kowi ang naia tek awmrawm lai kown towbowt.Thurai kowi ringkaw miuüa dow nauang umta ang lut hanow napiaw kown.Tawngplawng kowchow panow en dow nape ang iungra kown.The Seed Company