Meng Lai141
Mami dow David kowh meng chekhai.
1Aw CHAKRAMANG, nauang khowng ang kownkow ang uang haw en khai.Alenma uang khowng ang diah!Ang haw en mih khin khe ang kowh hawk klow hawt sünta ang diah.2Ang awr lü awr leng mih dow nam iungma mih maikhük iawng en tut-e pacham chowng lah.Nami dow sat kowi khe kowh phuchua iawng en tut-e pacham chowng lah.3Aw CHAKRAMANG, ang natek naklak dowi kownkow khak ang reng diah;ang kowi dow hauang pe tek ang lai ngak diah.4Ang kowh sak kowi dow nachang lup ngak kown mih saktuak hauang pe tingah diah,now maru ngakuüa kowh chakkham iung paw hauang pe cha ang diah.Nahanow maru ngakuüa hown ang natawi chang lup ngak kown nadowi bowt.5 Ringkaw Thurai mih maru dow saksing sana ang rakowi pacham bawp ang lah.Aia nang ang mih dow ang lu kowi phawk ang sau mih iawng chekhai.Tawkche lup ngak chang miuüa vüi dow naka ripra kownkow ang nachup pe Thurai reng kown.6Amatni kowh pren kruitown miuüa kowi dow alowngma mih hungh hownia naiu kuakta kown.Nakhowk khe dow ang kowh laiklow aching pami maru natuk bowt kown.7Thawn laih khe laithawn tim thowk lawi hownia bawn awr talowi reng chekhai,nami iawng dow anging kowh hut paw tadupra mowr kowi takuakla pan khai.8Nachenganchepaw aw CHAKRAMANG, ang dow en prakowi tang mü reng chekhai,ang dow en tut-e chowtaih uang tatung tanim reng.Naiawng rakowi hauang pe kowng ang diah.9Ang vüi kowi amatni chakah mih leng hownia uang hen ang diah,maru ngakuüa chak ang mih leng hownia uang lawng ang diah.10Maru ngakuüa dow amatni matia chakah mih leng kowi pacham tasowk lah,nahanow athaulangma ang naia mang kown towbowt.The Seed Company