Meng Lai140
Mami dow David kowh meng chekhai.
1Aw CHAKRAMANG, maru ngakuüa rut hownia uang lawng ang diah,now chang nowng chang powng miuüa rut hownia uang towkala ang diah.2Amatni dow chang lup ngak kown mih kangowh tuak reng,now ni towng maru kowi krawi towk ran reng chekhai.3Amatni kowh dai dow rua kru uowima mih iawng chekhai,now amatni kowh ve krüa kowi dow rua kru iawng akru kangowh chekhai. [Sela]4Aw CHAKRAMANG, maru ngakuüa rut hownia uang towkala ang diah,now chang nowng chang powng miuüa rut hownia uang lawng ang diah.Amatni dow napiak ang kownkow thawp prengia ngak reng chekhai.5Bawrima miuüa dow ang vüi kowi krawi chak ang leng khai,amatni dow ang vüi tiama kowi krawi thang ang powk khai. [Sela]6Aw CHAKRAMANG, “En chowtaih ang kowh Thurai” pami ang tek en khowk,aw CHAKRAMANG, kar se ang awr lü mih hawt sünta ang diah.7Aw CHAKRAMANG Thurai, en dow ang kowh akürma mih lawng miia chekhai,tasen mih khin khe uang towkala ang reng mih dow en chowtaih.8Aw CHAKRAMANG, maru ngakuüa kowh sangkrangra dow hangkow pe tachiah diah,amatni naia chang bawri dowi kownkowamatni kowh sangkrangra ngak hangkow pe chawnah diah. [Sela]9Ang kowh ransu-uüa kowi hangkow pe awngah diah,ang vüi amatni kamrütta mih angak dow amatni luk kowi pe klaah diah.10Amatni luk kowi mairing pacham uang kla lah,nowng plai dowi bowt pat kuam abüpma mih kowi kuakah diah.11Dailama miuüa dow hangkow pacham tawi ka powng pren lah;chang nowng chang powng miuüa kowi dow phih pacham krawiah reng lah.12CHAKRAMANG dow maru changah nowng powng miuüa kowi natawi tangila reng kown,now ngarawng ngarai miuüa kowi nachet pe tara nowm reng kown pami ang tuk chekhai.13Achinawmma miuüa dow narowsi en ngengche kown,now amatni dow en hown natawi taiua uowi reng kown.The Seed Company