Meng Lai13
Mami dow David kowh meng chekhai.
1Aw CHAKRAMANG, mün ni tak chow en natamata ang kown?Chowngchowng saksakma bow en tamata ang kown?Ang hownia mün ni tak chow en nacham dangta ang lumowr kown?2Mün ni tak chow tuak krat hown ang nauowi kown?Tuak kawm tuak krat hown ni towng bow ang nauowi kown?Ang kowh ransu-uüa mün ni tak chow nanowng ang kown?3Aw CHAKRAMANG ang kowh Thurai, tang mü ang diah,now uang klang ang diah.Uang plan pe ang kür diah,nadowi now ang nakowng kown chekhai.4Nakhowk khe ang ransu-uüa natek kown mih,“Aia kowi a-i nowngta khai,” napa kown.Amatni nowngta ang khai hanow naawmrawm büah kown chekhai.5Nachenganchepaw ang dow en kowh achur uowi dowi mih sakraura luk kowi neplawng nesak reng,en nauang lawng ang kown mih rakowi ang kowh sak dow awmrawm reng chekhai.6CHAKRAMANG dow uang pe ang iungra khai.Naiawng rakowi aia kiow meng ang natek kown.The Seed Company