Meng Lai12
Mami dow David kowh meng chekhai. Mami meng dow tünteu chang müa hown anemchow natekah kown mih chekhai.
1Aw CHAKRAMANG, uang khowng ang diah;ringkaw en reng mih maru-uüa dow uowi dowi bowt chekhai,now kaah sakowm miuüa paw tama bowk khowk.2Maru maten dow miapaw tatek lainowm dowi bowt;amatni kowh ve dow krawi sowr lai iung reng,amatni kowh sak dow limmara atekma chekhai.3Krawi dai maru reng mih ve dow CHAKRAMANG pacham hiata pe lah,krawi changla bawri mih dai ün paw CHAKRAMANG pacham hiata pe lah.4Naiawngünuüa tek mih, “Dai lai kür hown anging naawng kown,miapaw nowngia hang anging kown nadowi tham,” pakhai.5Nachenganchepaw CHAKRAMANG tek mih,“Ngarai miuüa kowi maru ngakuüa changah naklak mih ang khi khowk,akawm akrat hown uowi miuüa kowh nguk klow kar klow ang ta khowk.Naiawng rakowi kawmat dow ang naawr rü bowt kown,now amatni kowi dow ang nalawngah bowt kown,” pakhai.6CHAKRAMANG kowh laiklow dow achangma mih tai iawng chekhai.Nami dow maih kowi awpah ranit kat kowh achangma changah mih tai iawng chekhai.7Aw CHAKRAMANG, ngarai miuüa kowi dow thaulangma en natowah reng kown,mami chowng kowi kowh maru ngakuüa hownia amatni kowi en nalawngah reng kown.8Tawngplawng kowchow panow angak kowi maru ringkawah khe,maru ngakuüa dow thaulangma krawi len panglang reng chekhai.The Seed Company