Meng Lai14
Mami dow David kowh meng chekhai.
1Abualama mih maru-uüa dow Thurai uowi dowi padow tuak reng,amatni dow lup ngak hai suiiai kaniaima mih lup chang reng chekhai.Lup iung chang mih maru amiapaw uowi dowi bowt chekhai.2CHAKRAMANG dow mukuang pren hownia lusa maru kowi iu tang müah reng;chanlaima hown mang mih uowi ne chünchü mih natukla kownkow chekhai,now aia kowi cham mih uowi ne chünchü mih natukla kownkow chekhai.3Tawkche maru kawmuüa dow tiama nowm hownia plan bowk khowk,amatni dow lup ngak kangowh towbowt chang büah khai.Lup iung chang mih maru lowk iachow khowm uowi dowk chekhai.4Chang lup ngak mih maru-uüa tawng chow khowt pat tuk buala khai?Amatni dow cha chakkham khe kowh iawng ang maru-uüa kowi piakah khai,amatni dow CHAKRAMANG tut-e katpaw awr lü awr leng dowi chekhai.5Tawkche akung kowi dow naiawngün maru ngakuüa mih lainowmma nakram kown.Tawngplawng kowchow panow CHAKRAMANG dow aia kowi ringkawah miuüa tut-e tawi uowi reng chekhai.6Maru ngakuüa dow ngarawng ngarai miuüa kowh sangkrangra piakta pe hanow peah rukrai reng.Tawkche CHAKRAMANG dow ngarawng ngarai miuüa kowi lawngah reng chekhai.7Israeluüa kowi lawngah kown mih dow Zaiawn hungh hownia pacham uang lah,CHAKRAMANG dow aia maru-uüa kowi naplan peah iungra iawk kown.Nami khin khe Jakawb krungchakuüa dow naawmrawm kown,now Israel krungchakuüa paw napiaw bowt kown.The Seed Company