Meng Lai115
1Anging nadowi, aw CHAKRAMANG, anging nadowi,en lowkchow taih akiow kak taing.Tawngplawng kowchow panow en dow kaah sakowmma chekhai,now en kowh achur uowi dowi mih sakraura dow akhowk uowi dowi chekhai.2“Tawng kowi chow enni kowh Thurai?” pahaitawng rakowi chow akeng chenchapuüa natek anging kown?3Anging kowh Thurai dow mukuang kowi;lup matiow dow aia nau iawng changah mih chekhai.4Akeng chenchapuüa kowh arup aren dow kuh hai tai hown kowh thawpah mih taih,naiawngün arup aren dow rut hown kowh maru thawpah mih chowtaih.5Amatni kowh dow nawr uowi tawkche nowng lai dowi,mik uowi tawkche khi dowi chekhai.6Amatni kowh dow param uowi tawkche ta dowi,nakawng uowi tawkche ta anam dowi chekhai.7Amatni kowh dow rut uowi tawkche ia dowk dowi,klowng uowi tawkche ia mang dowi,kraw uowi tawkche ia chang atün dowi chekhai.8Naiawngün arup aren thawp miuüa hai naiawngün luk kowi owm miuüa pawnaiawngün arup aren iawng natawi own kown.9Israeluüa low, CHAKRAMANG luk kowi neplawng nesak büa diah,enni kowh akhowng miia hai kawngma dow aia chowtaih.10Arawn krungchakuüa low, CHAKRAMANG luk kowi neplawng nesak büa diah,enni kowh akhowng miia hai kawngma dow aia chowtaih.11CHAKRAMANG kowi ringkaw miuüa low, CHAKRAMANG luk kowi neplawng nesak büa diah,enni kowh akhowng miia hai kawngma dow aia chowtaih.12CHAKRAMANG dow ka tuak a-i reng chekhai,aia dow nape a-i prasi kown.Aia dow Israeluüa kowi napeah prasi kown,aia dow Arawn krungchakuüa kowi napeah prasi kown.13Aia dow aia kowi kowh ringkaw miuüa maten kowi napeah prasi kown,aia dow aiuk asowm bowkbowk kowi napeah prasi kown.14CHAKRAMANG dow pacham pe prung enni reng lah,aia dow enni kowh krungchakuüa kowi paw pacham pe prungah reng lah.15CHAKRAMANG dow mukuang pren hai lusa thawp miia chekhai,aia dow pacham pe enni prasi reng lah.16Mukuang pren dow CHAKRAMANG kowh chowtaih,now lusa dow maru-uüa kowi aia peah khai.17Kowng miuüa dow CHAKRAMANG kowi kiow dowi bowt chekhai;tadup kuam kowi tadup khowk miuüa dow aia kowi rowsiah dowi bowt chekhai.18Nachenganchepaw a-i sing uowi reng tak miuüa dow CHAKRAMANG kowi nakiow kown,aia kowi dow kawmat hownia chowngchowng saksakma pat a-i nakiowah reng kown.CHAKRAMANG kowi kiow büa diah.
The Seed Company