Meng Lai114
1Aigupta pren hownia Israeluüa kowi Thurai uang lawtla khe,akeng chenchapuüa pungmadawng hownia Jakawb krungchakuüa kowi aia uang lawtla khe,2Juda süng kowi dow aia kowh chimsaima mih uowi rah aia changla khai,Israel luk kowi dow aia chowm mang khai.3Naiawng kowbüah uang lawt mih sata Rik khita hanow tui taah lang khai,Jawrdan aw kowi kowh hawr klunglung mih tui sa dow tatat ban khai.4Nami khita hanow aiuk aiukma mih hungma mawngma dow kram khai,now asowm asowmchow mih hungh paw takrow khai.5Sata ow, tawngplawng kowchow en taak lang khai?Jawrdan ow, tawngplawng kowchow en kowh tui sa tatat ban khai?6Aiuk aiukma mih hungma mawngma ow,tawngplawng kowchow ruapur iawng en chet khai?Asowm asowmchow mih hungh ow,tawngplawng kowchow ruapur chah iawng en tapowr dawklawk khai?7Lusa ow, CHAKRAMANG pur kowi chür diah,Jakawb kowh Thurai pur kowi chür diah.8Aia dow huamang kowi changla kanh khai,aia dow huaklu akhawtma mih hownia tui mih uang pe lawtah khai.
The Seed Company