Meng Lai116
1CHAKRAMANG kowi ang sakrauah khai.Tawngplawng kowchow panow ang awr lü mih aia hawt sünta ang khai.2Ang kowh laiklow dow nasünta kownkow aia pe param khai.Naiawng rakowi ang sing uowi mowr aia kowi ang nahaw kown.3Kramra uowima mih kowngra dow umta ang lut khai;tadupra kowi kowh kramra dow ang luk kowi uang ting khai.Taprüa taiia hai akrat pusa hown ang uowi khai.4Nakhowk khe CHAKRAMANG ming kowi maiawng ang awr haw khai;“Aw CHAKRAMANG, en tut-e ang uang lü khai,sakrauma hown uang lawng ang diah,” pakhai.5CHAKRAMANG dow saksing sana dawma hai achinawmma chekhai;anging kowh Thurai dow saksing sanara atekma chekhai.6CHAKRAMANG dow sakowmra uowi dowi bowt miuüa kowi takhula reng;ang kla phih mih khin khe aia dow uang lawng ang khai.7Ang kowh sak ow, thaulangma uowi bowt.Tawngplawng kowchow panow CHAKRAMANG mih ahuma pe ang iungra khai.8Aw CHAKRAMANG, kowngra hownia en towkala ang khai;ang kowh mik tui vüng mih dow en taingta ang khai,now ang natatheu kown mih hownia en town ang khai.9Naiawng rakowi lusa kowi ang uowi mowr dow CHAKRAMANG nau iawng ang nauowi kown;ang sing uowi sak uowi mowr dow CHAKRAMANG nau iawng ang namang reng kown.10“Ang kowh akrat pusa hu lai,” pahai ang tek mih khin khe pawen luk kowi ang owm reng chekhai.11“Lusa maru dailama kangowh,” pah ang tek mih khin khe pawen luk kowi ang owmsak reng chekhai.12CHAKRAMANG dow ahuma pe ang iungra khai,nami takcha aia kowi tawng chow ang napeah kown?13Aia dow phih hownia uang lawng ang khai;naiawng rakowi aia tut-e khamah mih uanap ang nachang kown,now aia ming kowi ang nakiow kown.14CHAKRAMANG tut-e ang takhamta mih uanap dow ang nachangta kown;nami dow aia maru-uüa maten pur kowi ang nachangah kown.15Aia maru-uüa kowng mih kowiCHAKRAMANG dow lainowmma sak tawi rau reng chekhai.16Aw CHAKRAMANG, ang dow achingma mih en kowh nar chekhai,ang dow en kowh nar chekhai, ang dow en kowh narma chapa chekhai.Kowngra hownia lawng ang mih dow en chekhai.17En vüi kowi awmrawmra uanap ang nachang kown,now en ming kowi ang nahaw kown.18CHAKRAMANG tut-e ang takhamta mih uanap maten dow ang nachangta kown;nami dow aia maru-uüa maten pur kowi ang nachangah kown.19Nami dow Jerusalem marow kowi kowhCHAKRAMANG kim viadawng kowi ang nachang kown.CHAKRAMANG kowi kiow büa diah.
The Seed Company