Meng Lai113
1CHAKRAMANG kowi kiow büa diah.CHAKRAMANG lup chang miuüa low, CHAKRAMANG kowi kiow diah,CHAKRAMANG ming kowi kiow büa diah.2CHAKRAMANG ming dow akiow pauowi lah,kawmat hownia chowngchowng saksakma akiow pauowi lah.3Satlawt hownia satkup mowrCHAKRAMANG ming dow akiow pauowi lah.4Chenchap maten luk kowi CHAKRAMANG dow chowm mang khai;aia kraingra dow mukuang luk kowi paw uowi khai.5CHAKRAMANG a-i kowh Thurai iawng mia chow uowi?Aia kowh uowira dow mukuang luk kowi chekhai.6Aia dow mukuang hai lusa kowi iu tang müah reng chekhai.7Mawngchawng kuakra kowi kowh uowi mih ngarai miuüa kowi aia dow krüngah khai,dinchow dawng kowi kowh uowi mih ngarema miuüa kowi paw aia dow krüngah khai.8Amatni kowi dow mang chapauüa hown aia pe tawi taiua chowmah khai,now aia maru kowh mang chapauüa hown paw aia pe tawi taiua chowmah khai.9Ka chah dowi mih masiuüa kowi dow aia pe kaah chah khai,naiawng hai naiawng mih masiuüa kowi dow aia pe awmrawmah khai.CHAKRAMANG kowi kiow büa diah.
The Seed Company