Meng Lai112
1CHAKRAMANG kowi kiow büa diah.CHAKRAMANG kowi ringkawma hown kram mih dow ka prasi reng,aia kowh ana pek chün kown mih kowi awmrawm mih dow ka prasi reng:2Aia kowh chauüa dow lusa kowi akürma naphaw kown,aia kowh krungchakuüa dow naka prasi kown;3aia kowh kimchak dow kurengma hai dawngthawnguan atekma nauowi kown,aia kowh tachi tanawmra dow chowngchowng saksakma anikma nauowi reng kown.4Achinawmma mih maru vüi dow iiu dawng kowi anowi uowi reng chekhai,aia dow saksing sana maru reng, now nowm paw anowmma chekhai.5Saksing sana maru reng mih hai pe lowi reng mih maru dow ka iungra reng,now chang lup nowm reng mih paw ka iungra reng chekhai.6Achinawmma mih maru dow anikma nauowi reng kown,aia kowi dow chowngchowng saksakma maru natuakah reng kown.7Aia dow ta satang ngak kown mih kowi nakram kown nadowi,aia dow anikma CHAKRAMANG luk kowi neplawng nesak reng chekhai.8Aia kowh saktuak dow anikma rakowi aia dow kram dowi chekhai,achur kowi aia dow aia kowh ransu-uüa sum mih nakhi kown.9Aia dow kawklawma hown ngarai miuüa kowi khowng reng chekhai,aia kowh lup iung chang lawnguan dow chowngchowng saksakma maru natuakah reng kown.Aia kowh kürra hai ringkawra dow nahu ngamlam kown.10Maru ngakuüa dow nami khita hanow nakunmarau büah kown,amatni kunmarau rakowi nakrit iüng kown, now nachum büah kown.Amatni nauah mih iawng katpaw nauang phaw kown nadowi.
The Seed Company