Meng Lai111
1CHAKRAMANG kowi kiow büa diah.Ang kowh sak maiow hown CHAKRAMANG kowi ang nakiow kown,aia kowh maru-uüa takua talawmra kowi aia kowi ang nakiow kown.2CHAKRAMANG kowh lup dow kri kraingma chekhai;aia kowh lup kowi awmrawm miuüa dow aia kowh lup lawnguan tuak reng chekhai.3Aia changah mih lup maten dow aia kowh rowsira hai kraingra uang tüng reng,aia kowh tachi tanawmra dow chowngchowng saksakma anikma uowi reng chekhai.4CHAKRAMANG dow aia kowh awdara lup mih pe tamata a-i dowi;aia tut-e dow saksing sanara atekma chekhai.5Aia kowi ringkaw miuüa kowi dow aia peah chakkham reng,aia towah mih sangbowk laitawm dow katpaw aia tamata dowi chekhai.6Aia dow akeng chenchapuüa kowh pren aia maru-uüa kowi pe powngah reng,naiawng hai aia dow aia kowh nowng changra kür aia maru-uüa kowi tüng pe reng chekhai.7Aia changah mih lup maten dow kaah sakowmma hai aiungma kangowh chekhai,aia kowh ana pek maten dow sakowmra uowima kangowh chekhai.8Naiawngün alow pek dow chowngchowng saksakma anikma uowi reng,naiawngün dow kaah sakowmma hai anowmma aia thawpah mih chekhai.9Aia maru-uüa kowi dow aia uang klanla khai,now amatni hown dow chowngchowng saksakma vüi aia tatow sangbowk laitawm khai.Aia dow chimsaima,aia kowh ming dow ringkawra hai kramra uowima chekhai.10CHAKRAMANG kowi ringkawma hown kram mih dow chanlaira uown tarowng mih chekhai,aia kowh ana chün miuüa maten dow ka prengia iung reng chekhai.CHAKRAMANG dow chowngchowng saksakma pacham ka rowsira lah.
The Seed Company