Meng Lai110
Mami dow David kowh meng chekhai.
1CHAKRAMANG dow ang kowh mang chakramang kowi tek pe mih,“En ransu-uüa kowi en khawk daw kowi ang uang pawla dowi mowrang hawmlawm prakowi chowm diah,” pakhai.2CHAKRAMANG dow Zaiawn hownia en kowh mangra kür nauang huah kown,aia natek en kown mih, “En ransu-uüa kowi dow en nakruitownah kown,” napa kown.3 En cham tasen mih khin khe en maru-uüa dow natawi tarü tasen kown,en kowh klanguüa hawmh dow rau-e khe kowh nang kla iawng en tut-e nauang kown.4CHAKRAMANG dow takham se tek mih,“En dow chowngchowng saksakma vüi Melkizedek iawng mih uamow chekhai,” pakhai.Aia dow nami lawnguan kowi saktuak naklowiah kown nadowi chekhai.5CHAKRAMANG dow natowkala en kownkow en hawmlawm prakowi tawi uowi reng chekhai,now aia kunmarau mih khin khe aia mih manguüa kowi napiakah kown.6Aia dow chenchapuüa kowi naripah kown;lusa kowi kowh ransu-uüa kowi dow aia napiakta nak kown.Now lusa kowi dow kowng uak apanma aia nachangah kown.7Mang dow ransu-uüa kowi kawikrawiah mih khin khe tiama rawng kowi nakham awchawng tui kown,now aia plan kür hanow amatni kowi aia nanowngta kown.The Seed Company