Chanlai Lawng25
1Maiawngün paw Sawlawmawn kowh chanlai lawng chekhai. Maiawngün dow Juda pren mang Hezekia kowh maru iukuüa krawi pawah now plan ruiah mih chekhai.2Thurai ka ringkawra mih dow lowra sia itah rakowi chekhai,mang ka ringkawra mih dow naiawngün sia krawi phuang rakowi chekhai.3Mukuang lowng mih hai lusa büp mih krang dow miapaw nowng nowk nowng khai dowi,nami iawng dow manguüa kowh saktuak paw miapaw ia tuk dowi chekhai.4Tai kowi kowh akih lang kuakta pe diah,nahanow uanh thawp sara mih nami tai hown uanh klangiungma mih naia thawp kown.5Maru ngak kowi dow mang pur hownia prütta diah,nahanow lup iung changra hownia aia kowh mang chowm rah dow anikma nauowi kown towbowt.6Mang pur kowi kowmatia kowi hang tanü maru iuk diah,maru iukuüa pungmadawng kowi paw hang tawi chowm diah.7“En chowm rah nadowi,” pahai maru iukuüa pur kowi ka rukrai mih lak-e“Mami re-e phai uang chowm,” pahai haw en mih lang iung.8En khi-ah mih lawnguan kowi nachet tara kownkow tara chetra kowi alenma hangkow kowi diah,akeng mih maru thuak en saksi rakowi en sum khai e dow tawng chow en nachangah kown?9Kimping namkhet hown en taran khai hanow enni matia taiungah diah,now a-it takla mih laiklow dow hang cham phuangah diah.10A-it takla mih laiklow maru ta hanow maru naprawng naren en kown,now en kowh ming ngak nang ngak dow katpaw naprowng kown nadowi.11Lakke takla khe kowh prengia lai dow asung uowima.Nami dow tai bia kowi tow kuh klu mih iawng chekhai.12Kuh ramseng hai kuh uanh lak-echanlaima mih maru kowh prengia lai sünta mih lang iung chekhai.13Kaah sakowmma mih satang phowng mih dow luprak ngen khin khe kowh nang kla mih iawng chekhai;Aia dow aia kowi kowh chinah miia kowi pe sak-ihah reng chekhai.14Pe kown takham kowh pe dowi mih maru dow uang iawng chekhai;aia dow uangnim hai li uowi chepaw uang uang dowi mih iawng chekhai.15Town sak mih maru dow mang kowh saktuak nowng klowi reng,laiklow klamra hownia dow nau sünta laiklow dowi mih maru kowh saktuak paw nowng klowi reng.16Ka kuai tui hanow lakke mowrchow chaah diah,cha hu lai now en nahük kown.17En kowh kimping namkhet kim kowi hang cham pua naknak,en cham pua lai now aia nasilik khi en kown chekhai.18Kimping namkhet luk kowi thuak dai lai saksi mih maru dow maru piak müa chekhai;naiawng mih maru dow müa dung, saidawng hai achukma mih salangba sek iawng chekhai.19Kla phih mih khin khe kaah sakowm dowi mih maru luk kowi neplawng nesak mih maru dow maiawng chekhai:nami dow iüng talowk mih hown cha chakkham mih iawng hai klowng baima mih hown mang mih iawng chekhai.20Saktuak pusa mih maru kowi hangkow tek pe piaw meng diah;kowtek pe mih dow chungrau khe kowh klüp kowrmow mih hai ma sing kowi the sur tui mih iawng chekhai.21En kowh ransu che sakkrai khai hanow pe chaah chakkham diah,aia che tui sakkrai khai hanow pe khamah tui diah.22Naiawng en chang now aia mih narukrai hanow kunmarau naprowng kown towbowt,now CHAKRAMANG dow nape en awmrawm sung kown.23Tawngphak hownia kowh uang mih li dow uang pawla uang reng,nami iawng dow prawngren dawma mih maru kowh laiklow rakowi maru kunmarau reng.24Taran dawma mih masi hown taiua uowi mih lak-ekimluk kowi kowmatia malowkchow cham lang uowi mih lang iung chekhai.25Tui sakkrai mih maru kowi dow peah tui rua hanow kow sowr reng,nami iawng dow alakma hownia kowh satang iung ta hanow sak sowr reng chekhai.26Maru ngak rakowi achinawmma mih maru tawi chang ngak mih dow tui pua iawng chekhai;aia dow achimchow mih tuikuam kowi kowh asürlawkma mih tui iawng chekhai.27Ahuma kham kuai tui mih iung dowi chekhai,nami iawng nakala ringkawra kownkow chang lup mih paw iung dowi.28Nowng town sak dowi mih maru dow marow iawng chekhai;aia dow tap apiaknama mih marow iawng chekhai.
The Seed Company