Chanlai Lawng2
1Chapa ow, ang laiklow sünta diah,ang kowh ana pek maten sak kowi towah diah.2Chanlaira laiklow prakowi pe param diah,aiung angak tuk müa prakowi pe ching diah.3Prengia iung krawi lü reng diah,aiung angak tukra krawi cham reng diah.4Krawi cham tai mih iawng krawi cham prengia diah,krawi cham asung khakma mih uanh iawng krawi cham prengia diah.5Nahanow CHAKRAMANG kowi ringkawma hown kram mih krang en natuk kown,now Thurai lawnguan kowi natukla kown mih tukra en naka kown towbowt.6Tawngplawng kowchow panow CHAKRAMANG dow chanlaira pek mih chekhai,prengia hai tukra dow aia nawr hownia uang lawt reng chekhai.7Aia dow saktuak achi anawmma miuüa vüi krüm pe chanlaira reng,anowmma uowi miuüa vüi aia dow kawngma iawng tawi towkala reng.8Aia dow tara nowm chet miuüa kowi mingkhetah reng,aia dow aia kaah sakowm miuüa kowi towkala reng chekhai.9Ang laiklow che en sünta khai panü dow tataing mih, taka mih hai anowmma mih en natuk kown chowdiah;ang tek en mih laiklow che en chün khai panü dow aiungma mih tiama maten en natuk kown chowdiah.10Tawngplawng kowchow panow en sak kowi mih chanlaira nauang kup bowt kown,now tukra mih en sak kowi nape en awmrawmra bowt kown.11Aiung angak tukra dow angak hownia nahen en kown,en kowh tukra dow en kowh kangchawng mih iawng naown kown.12Chanlaira dow maru ngakuüa tiama hownia nahen en kown;nami chanlaira dow tek dai lai miuüa hownia paw nahen en kown,13now aiiuma mih tiama kowi namang kownkow atengma mih tiama nuata miuüa hownia,chang lup ngak khe hai tiama ngak kowi mang khe kowh awmrawm miuüa hownia,tiama akuima mih kowi hai piakra tiama kowi mang miuüa hownia nami dow nahen en kown.16Chanlaira chowtaih chang iang mih masiuüa hownia nahen en kown,chanlaira chowtaih lai ding lai sau tek kiakma mih masiuüa hownia nahen en kown.17Naiawng mih masiuüa dow ning diachow hownia kowh aia tachawngah mih hua kowi khua mih chekhai,aia dow tachawng khe kowh Thurai pur kowi kowh laikham piak mih chekhai.18Amatni kowh kim kowi che en cham kup hanow kowngra prakowi en mang mih chekhai,amatni hown en cham taiua hanow kowngra hown en cham tatawn mih chekhai.19Amatni tut-e cham kowi miuüa dow katpaw uang plan dowi bowt chekhai,amatni tut-e cham tawi miuüa dow singra tia kowi katpaw uang plan dowi bowt.20Naiawng rakowi maru iunguüa kowh tiama kowi en namang kown takla,now achinawmma miuüa uowi iawng en nauowi kown takla.21A-i kowh pren kowi naia uowi kown mih dow maru iunguüa chowtaih,a-i kowh pren kowi nanowng uowi kown mih dow achinawmma miuüa chowtaih.22Nachenganchepaw maru ngakuüa kowi dow pren hownia nahenta kown,kaah sakowm dowi mih maru-uüa kowi dow pren hownia namitta kown.
The Seed Company