Tarüa5
1CHAKRAMANG tek pe Mosi mih,2“Mami ang kowh ana pek Israeluüa kowi kowtek pe diah: Asür alawkma mih maru maten kowi dow tangbung khup rah uat kowi nalawtta kown takla. Pik rawka ngak phaw mih kowi, khampha uanh tui towk mih kowi, cham kakta uak kowh tasür talawk mih kowi dow tangbung khup rah uat kowi enni nacham towah kown.3Masiuüa chepaw, kachakuüa chepaw tasür talawk mih kowi dow tangbung khup rah uat kowi nalawtta kown takla. Israeluüa pungmadawng kowi ang tawi uowi reng rakowi tasür talawk mih maru kowi dow tangbung khup rah uat kowi enni nacham towah kown takla,” pakhai.4Naiawng rakowi Israeluüa mih asür alawkma mih maru maten kowi tangbung khup rah uat kowi cham lawtta khai bowt. Amatni dow Mosi kowi kowh CHAKRAMANG peah mih ana iawng chang büah khai.5Nami kung kowi CHAKRAMANG tek pe Mosi mih,6“Israeluüa kowi maiawng kowtek pe diah: Masiuüa chepaw, kachakuüa chepaw CHAKRAMANG ana pek chün dowi kowi lowkkowlowk luk kowi changta angak khai hanow chang angak mih maru nataphuang ngengche kown takla. Now ari kowi uowi iawng aia changah angak mih maru tut-e aia naiaw kown takla. Nami klen kowi ari uowi mih kowi changah tanga bak now pabak sung aia nachüt pela kown takla.8Napaw aiawk kownkow aia changah angak mih maru kowh che aia hai aia kowh tasin taken mih miapaw uowi dowi hanow nami iawk tangka dow CHAKRAMANG kowh nachowng kown; nami tangka dow uamow kowi aia napeah kown. Nami klen kowi aia kowh angak nalawtta pe kownkow angak lawt lük müa ruapurla paw uamow tut-e aia nauang pawla papum kown takla.9Uamow tut-e kowh Israeluüa uang pawla mih chimsaima mih uanh maten dow uamow kowh nachowng kown towbowt.10Uamow rut kowi kowh uang apta khowk mih uanh srui dow uamow kowh chekhai,” pakhai.11Nami kung kowi CHAKRAMANG tek pe Mosi mih, “Israeluüa kowi maiawng kowtek pe diah: Laiuan kowi, masi chang iang khai. Tawkche ka khümah dowi, saksi paw uowi dowi kowh chalow hanow amasi kowi uamow tut-e ahua nakowpawla kown. Nami klen kowi iakmow hown kowh thawpah mih kawmdi paw aia napawla aset hown 400 gram kown takla. Nami kawmdi kowi dow kanrawn sau hai anam iungma mih maikhük towk müa than nathe pe kown nadowi. Tawngplawng kowchow panow nami dow khowrbown uanap chekhai. Nahanow amasi chang iang mih chang iang dowi mih natuk kown towbowt.16“Nami masiuüa kowi dow uamow napawla hanow phuchuara ria kowi nape iowngah kown.17Now uamow nauang pawla pe chimsaima mih tui hanow bawn hown kowh bia kowi natowah kown, now taklowp taklangra te chimsaima mih lak kowi kowh dinchow napawah ditchow now nami bia kowi kowh tui kowi napruiah kown.18Nami kung kowi dow nami masiuüa kowh sam uamow naiiata pe kown, now nami masiuüa rut kowi naap pe khowrbown uanap kown. Now natek pe kown mih, ‘En che chang iawt chang iang dowi hanow mami tui khak kham chepaw tawngpaw en naown kown nadowi. Tawkchedow en che chang iawt chang iang khai hanow mami tui khak khamta now CHAKRAMANG hownia kowh piati en pacham kaah; en kowh mu pacham taphawah, now en kowh siri kowng hanow chah mih hang pacham kaah. Now maru cham tape piati towng pacham rükla en ming lah,’ napape kown.
“Nakhowk khe nami masiuüa natek kown mih, ‘Ang che chang iawt chang iang khai hanow en tek iawng ang luk kowi pacham phawah,’ napa kown.23“Now nami piati laiklow dow chak pik kowi uamow naruiah now tui khak kowi nasauah kown.24Now nami masiuüa rut kowi kowh khowrbown uanap dow uamow napawah now CHAKRAMANG pur kowi nakrowngah kown, now phuchuara re-e nakowpawla kown. Now nami khowrbown uanap hownia nachawmah pachawm now phuchuara luk kowi uamow natikah kown. Nami kung kowi dow nami masiuüa kowi nami tui khak uamow nape khamah kown.27Nami masiuüa che chang iawt chang iang khai hanow nami tui khamta hown krowksang mu nataphaw kown, now aia kowh siri paw nakowng kown towbowt. Now maru cham tape piati towng paw nami masiuüa kowh ming narükla kown towbowt.28Nachenganchepaw aia che chang iawt chang iang dowi hanow nami tui kham chepaw tawngpaw naown kown nadowi. Aia dow naia ka chah reng kown taih.29“Mami dow takhowr tabown khe kowh rirow chekhai. Laiuan kowi, amasi chang iang naown padow ahua ka tuak khai. Tawkche ka khümah dowi, saksi paw uowi dowi. Nakhowk khe amasi luk kowi mami rirow kowi uowi iawng ahua nachang pe kown: Owm masi dowi kowh chalow now amasi kowi uamow tut-e ahua nakowpawla kown. Now mami rirow iawng nami masiuüa luk kowi uamow nachang pe kown.31Amasi chang iang dowi kowi naiawng ahua changah chepaw ahua dow naka ripra kown nadowi. Tawkche amasi che chang iang khai nowm hanow aia mih naka ripra kown,” pakhai.
“Nakhowk khe nami masiuüa natek kown mih, ‘Ang che chang iawt chang iang khai hanow en tek iawng ang luk kowi pacham phawah,’ napa kown.23“Now nami piati laiklow dow chak pik kowi uamow naruiah now tui khak kowi nasauah kown.24Now nami masiuüa rut kowi kowh khowrbown uanap dow uamow napawah now CHAKRAMANG pur kowi nakrowngah kown, now phuchuara re-e nakowpawla kown. Now nami khowrbown uanap hownia nachawmah pachawm now phuchuara luk kowi uamow natikah kown. Nami kung kowi dow nami masiuüa kowi nami tui khak uamow nape khamah kown.27Nami masiuüa che chang iawt chang iang khai hanow nami tui khamta hown krowksang mu nataphaw kown, now aia kowh siri paw nakowng kown towbowt. Now maru cham tape piati towng paw nami masiuüa kowh ming narükla kown towbowt.28Nachenganchepaw aia che chang iawt chang iang dowi hanow nami tui kham chepaw tawngpaw naown kown nadowi. Aia dow naia ka chah reng kown taih.29“Mami dow takhowr tabown khe kowh rirow chekhai. Laiuan kowi, amasi chang iang naown padow ahua ka tuak khai. Tawkche ka khümah dowi, saksi paw uowi dowi. Nakhowk khe amasi luk kowi mami rirow kowi uowi iawng ahua nachang pe kown: Owm masi dowi kowh chalow now amasi kowi uamow tut-e ahua nakowpawla kown. Now mami rirow iawng nami masiuüa luk kowi uamow nachang pe kown.31Amasi chang iang dowi kowi naiawng ahua changah chepaw ahua dow naka ripra kown nadowi. Tawkche amasi che chang iang khai nowm hanow aia mih naka ripra kown,” pakhai.
The Seed Company