Tarüa20
1Aigupta pren hownia uang lawt mih 40 ning kowi kowh la uown khe Israeluüa mih Zin pape mih süngrüp süngkangma kowi kowtowm khai bowt, now nakowi kowh Kades marow re-e kowuowi büah khai. Nakowi uowi khe Miriam dow kowng khai, now aia kowi dow nakowi dupah khai.2Nakowi dow tui uowi dowi rakowi Israeluüa mih takrüpah hanow Arawn hai Mosi iüah kowi kamcheah khai.3Amatni dow Mosi kowi nangah se tek pe mih, “CHAKRAMANG pur kowi anging kowh tainau-uüa kowng khe anging paw tawi kowng bowt panü dow iung diah!4Tawngplawng kowchow CHAKRAMANG kowh maru-uüa kowi mami süngrüp süngkangma kowi en uang tuk pawla khai? Anging hailawm anging kowh tawncher hawmh pacham kowng bowk lah pakowh bow?5Aigupta hownia uang lawtla anging hanow tawngplawng kowchow maiawng mih angakma mih arah kowi en uang tuk pawla anging khai? Makowi dow luprak paw uowi dowi, uidut uih paw uowi dowi, grep rui paw uowi dowi, now dalim uih paw uowi dowi chekhai. Nami klen kowi khamah kown mih tui khowm padow uowi dowi,” pakhai.6Naiawng rakowi Mosi hai Arawn iüah mih maru kawmuüa hownia powt khai. Now taklowp taklangra te plawt re-e kowkowiah hanow krawng kowi tabawk krawm iüah khai. Nakhowk khe CHAKRAMANG kowh kraingra dow amatchi pur kowi uang tatüng khai.7CHAKRAMANG tek pe Mosi mih,8“Mosi, sangbowk laitawm tawkpla pur kowi kowh uowi mih raitua kowpawla diah. Now en hai en taimow Arawn enchi mih Israeluüa kowi arasang kowkua kowlawmah diah. Pai iow, paimi re-e huamang uowi lowk. Paimi huamang hownia tui nauang towkla kownkow maru kawmuüa pur kowi huamang kowi dow peah ana diah. Nahanow paimi huamang hownia tui nauang towk kown towbowt. Naiawng hai maru kawmuüa hown amatni kowh tawncher hawmh nakhamah kown mih tui dow huamang hownia en nauang pe lawtah kown,” pakhai.9Now CHAKRAMANG kowh ana pek iawng rowprowp Mosi dow CHAKRAMANG pur hownia nami raitua pawla khai.10Mosi hai Arawn iüah dow nami huamang re-e maru kawmuüa kowi arasang kuaah khai. Nakhowk khe Mosi tek pe mih, “Kingküa dawma miuüa low, sünta büah. Tawngplawng kowchow enni nakhamah kown mih tui mami huamang hownia angching uang pe lawtah kown takla khai?” pakhai.11Now Mosi mih aia kowh raitua hown nami huamang kowi tupah pre kat khai; nahanow tui dow ahuma uang lawt iualua khai. Now Israeluüa mih amatni kowh tawncher hailawm nami tui kham büah khai bowt.12Nachenganchepaw Mosi hai Arawn iüah kowi CHAKRAMANG tek pe mih, “Ang luk kowi enchi neplawng nesak dowi chekhai, now ang dow chimsaima pami Israeluüa pur kowi enchi tüng pe dowi chekhai. Naiawng rakowi Israeluüa kowi ang napeah kown mih pren kowi naiawngünuüa kowi enchi kowia pawla kown nadowi,” pakhai.13Nami re-e kowh arah dow Meriba tuikuam pahai chap pe ming khai. (Meriba pami dow “Tanang” pami chekhai). Tawngplawng kowchow panow nami re-e Israeluüa mih CHAKRAMANG hown tanang khai, now CHAKRAMANG dow aia kowh chimsaira amatni kowi uang tüng pe khai.14Kades marow re-e Israeluüa uowi reng tak khe Mosi dow Edawm pren kowi kowh mang tut-e kowchin maru khai. Aia krawi tek pe mih, “Anging dow en kowh tainau Israeluüa chekhai. Anging kowh akawm akrat lawnguan dow enni tuk.15Anging kowh pipu-uüa dow Aigupta pren kowi kowkowi khai, now nakowi dow ning akrama anging kowuowi khai. Aigupta prenchakuüa dow anging hai anging kowh pipu-uüa luk kowi chang anowng apowng khai.16Naiawng rakowi aprüa aiiama hai CHAKRAMANG tut-e anging lü khowng khai. Aia dow anging awr lü mih ta hanow aia kowh kramamu kowi uang chin anging khai, now Aigupta pren hownia uang lawtla anging khai.
“Kawmat dow en kowh pren sünghi re-e Kades marow kowi anging uowi.17Sakrauma hown en kowh pren iawng pe mang anging diah. Enni kowh üa, laih hai grep krum iawng anging cham mangla kown nadowi, now tuikuam hownia tui khowm padow anging khamla kown nadowi. En kowh pren klen dowi mowr dow tiama rowkrowk taih anging namang kown; akeng prakowi anging cham mangla kown nadowi,” pakhai.18Nachenganchepaw Edawm kowi kowh mang krawi klangah mih, “Anging kowh pren iawng enni uang ia mang kown nadowi. Enni che uang mang hanow anging nahawt dowk enni tasen kown,” pape khai.19Israeluüa krawi plan tek pe iawk mih, “Tiama rowkrowk taih anging mang kown. Anging hai anging kowh tawncher hawmh che en kowh pren hownia khamla tui hanow asung dow anging napela enni kown taih. En kowh pren iawng mang krowngchow kown mih taih anging nau. Nami klen kowi tawngpaw anging nau dowi chekhai,” pakhai.20Edawmuüa krawi plan tek pe iawk mih, “Anging kowh pren iawng enni naia mang kown nadowi,” pakhai.
Nami kung kowi Edawmuüa dow Israeluüa kowi nauang dowkah tasen kownkow amatni kowh siphai akürma miuüa hown uang lawt khai.21Edawmuüa dow amatni kowh pren iawng pe mangah dowi rakowi Israeluüa dow akeng prakowi cham mang büah khai.22Israeluüa dow Kades marow hownia lawt hanow Hawr hungh kowi kowtowm büah khai.23Hawr hungh dow Edawm pren sünghi re-e chekhai. Nakowi uowi reng tak khe Mosi hai Arawn iüah kowi CHAKRAMANG tek pe mih,24“Arawn dow nakowng hanow aia pipu-uüa tut-e nauowi kown takla. Israeluüa kowi kowh ang peah mih pren kowi aia natawi ka kup kown nadowi. Tawngplawng kowchow panow Meriba tuikuam lawnguan kowi ang kowh ana pek enchi chün dowi chekhai.25Arawn hai achapa Eleazar kowi pawla now Hawr hungh luk kowi kowpün diah.26Nakowi dow Arawn kowh uamow tawnguat klüpta pe hanow achapa Eleazar kowi khup pe diah. Tawngplawng kowchow panow Arawn dow kowng hanow aia kowh pipu-uüa tut-e nauowi kown takla; aia dow nami hungh luk kowi nakowng kown,” pakhai.27Mosi dow CHAKRAMANG kowh ana pek iawng chang khai. Israeluüa pur kowi amatni sum ia trui Hawr hungh kowi awr pün khai.28Nakowi dow Arawn kowh uamow tawnguat Mosi klüpta pe hanow achapa Eleazar kowi khup pe khai. Now Arawn dow nami hungh chut kowi kowng khai bowt. Nami kung kowi Mosi hai Eleazar iüah dow hungh hownia uang dowm khai bowt.29Arawn kowng khai bowt pami satang tata hanow Israel pachenma Arawn vüi 30 ni mowr uowila uiting uangtak khai.
“Kawmat dow en kowh pren sünghi re-e Kades marow kowi anging uowi.17Sakrauma hown en kowh pren iawng pe mang anging diah. Enni kowh üa, laih hai grep krum iawng anging cham mangla kown nadowi, now tuikuam hownia tui khowm padow anging khamla kown nadowi. En kowh pren klen dowi mowr dow tiama rowkrowk taih anging namang kown; akeng prakowi anging cham mangla kown nadowi,” pakhai.18Nachenganchepaw Edawm kowi kowh mang krawi klangah mih, “Anging kowh pren iawng enni uang ia mang kown nadowi. Enni che uang mang hanow anging nahawt dowk enni tasen kown,” pape khai.19Israeluüa krawi plan tek pe iawk mih, “Tiama rowkrowk taih anging mang kown. Anging hai anging kowh tawncher hawmh che en kowh pren hownia khamla tui hanow asung dow anging napela enni kown taih. En kowh pren iawng mang krowngchow kown mih taih anging nau. Nami klen kowi tawngpaw anging nau dowi chekhai,” pakhai.20Edawmuüa krawi plan tek pe iawk mih, “Anging kowh pren iawng enni naia mang kown nadowi,” pakhai.
Nami kung kowi Edawmuüa dow Israeluüa kowi nauang dowkah tasen kownkow amatni kowh siphai akürma miuüa hown uang lawt khai.21Edawmuüa dow amatni kowh pren iawng pe mangah dowi rakowi Israeluüa dow akeng prakowi cham mang büah khai.22Israeluüa dow Kades marow hownia lawt hanow Hawr hungh kowi kowtowm büah khai.23Hawr hungh dow Edawm pren sünghi re-e chekhai. Nakowi uowi reng tak khe Mosi hai Arawn iüah kowi CHAKRAMANG tek pe mih,24“Arawn dow nakowng hanow aia pipu-uüa tut-e nauowi kown takla. Israeluüa kowi kowh ang peah mih pren kowi aia natawi ka kup kown nadowi. Tawngplawng kowchow panow Meriba tuikuam lawnguan kowi ang kowh ana pek enchi chün dowi chekhai.25Arawn hai achapa Eleazar kowi pawla now Hawr hungh luk kowi kowpün diah.26Nakowi dow Arawn kowh uamow tawnguat klüpta pe hanow achapa Eleazar kowi khup pe diah. Tawngplawng kowchow panow Arawn dow kowng hanow aia kowh pipu-uüa tut-e nauowi kown takla; aia dow nami hungh luk kowi nakowng kown,” pakhai.27Mosi dow CHAKRAMANG kowh ana pek iawng chang khai. Israeluüa pur kowi amatni sum ia trui Hawr hungh kowi awr pün khai.28Nakowi dow Arawn kowh uamow tawnguat Mosi klüpta pe hanow achapa Eleazar kowi khup pe khai. Now Arawn dow nami hungh chut kowi kowng khai bowt. Nami kung kowi Mosi hai Eleazar iüah dow hungh hownia uang dowm khai bowt.29Arawn kowng khai bowt pami satang tata hanow Israel pachenma Arawn vüi 30 ni mowr uowila uiting uangtak khai.
The Seed Company