Tarüa10
1CHAKRAMANG tek pe Mosi mih,2“Tai hown phengah now thawp baw pre buk büa diah. Nami baw dow kuala Israeluüa kownkow hai tangbung khup rah nacham sütta kown khe uamowuüa kowi en nape tumah kown.3Israeluüa maten kowi taklowp taklangra te plawt re-e en kuaah kown en nau khe nami baw pre buk trui aiatma uamowuüa natumah kown.4Israeluüa pungmadawng kowi kowh chowlowkkow krungchak aluchowuüa ngetchow kowi en kuaah kown en nau khe dow baw lowkchow aiatma uamowuüa kowi en nape tumah kown.5Now nacham sütta tangbung khup rah kown khe dow atownchow en nape tumah baw kown. Naiawng uamow rik tum khe dow taklowp taklangra te satlawt pra kowh khup tangbung miuüa narik tarowng mang kown.6Nami kung kowi atownchow plan tum baw iawk khe dow taklowp taklangra te mrawkphak pra kowh khup tangbung miuüa natarowng mang kown. Nacham süt tangbung khup rah kown khe dow naiawng atownchow uamowuüa natum baw kown.7Nachenganchepaw amülüngma mih takua talawm khin khe dow arasang maru kawmuüa nauangla kownkow aiatma uamowuüa kowi en nape tumah baw kown.8“Nami baw pre buk mih dow uamow Arawn kowh krungchakuüa chowtaih naia tum kown. Nami dow enni hai enni kowh krungchakuüa vüi chowngchowng saksakma ari arow chekhai.9Enni matia pren kowi enni kowuowi mih khin khe chang enni nowng mih ransu-uüa hown enni tasen natakla kown. Naiawng rakowi enni cham tarü tasen kown chowbowt khe baw pre buk trui atownchow uamowuüa natumah kown. Nahanow CHAKRAMANG enni kowh Thurai dow natuak enni kown towbowt, now aia dow ransu-uüa rut hownia nalawng enni kown towbowt.10Nami klen kowi chang pawi kowh enni piaw mih khin khe paw uamowuüa natum enni baw kown. Khowm bowkta enni mih uanap pawi khe, la uown kowi tikah mih uanap pawi khe hai taking tasangra uanap pawi khe amatni natum enni baw kown. Nami baw tün hown dow Thurai natuak enni kown towbowt. Ang dow CHAKRAMANG enni kowh Thurai chekhai,” pakhai.11Aigupta pren hownia amatni uang lawt mih pre ning hown pre la khe kowh lacher pirmi ni khe dow taklowp taklangra te luk hownia uangnim tatowng khai bowt.12Nakhowk khe Israeluüa dow Sinai hungh uowi mih süngrüp süngkangma hownia lawt büah khai. Now Paran pami süngrüp süngkangma re-e uangnim iowng dowi mowr dow mang büah khai.13Mosi kowi kowh CHAKRAMANG peah mih ana iawng amatni cham süt tangbung mih dow nakhe tak chekhai.14Auown kowi rik mang mih thumchak dow Juda thumchak chekhai. Amatni dow amatni thumchak kowh tamkhuown ruangla se rik mang büah khai.
Juda krungchakuüa kowh aluchow dow Aminadab kowh chapa Nasawn chekhai.15Isakar krungchakuüa kowh aluchow dow Zuar kowh chapa Nethanel chekhai.16Zebulun krungchakuüa kowh aluchow dow Helawn kowh chapa Eliab chekhai.17Nami kung kowi dow Levi krungchak Gersawnuüa hai Merariuüa tawi lawt khai. Amatni dow taklowp taklangra te lutla hanow nami uanh kawtla büah khai.18Kowbüah kung kowi kowh krawi ta mang miuüa dow Reuben thumchak chekhai. Amatni paw amatni thumchak kowh tamkhuown ruangla se krawi ta mang büah khai.
Reuben krungchakuüa kowh aluchow dow Sedeur kowh chapa Elizur chekhai.19Simiawn krungchakuüa kowh aluchow dow Zurisadai kowh chapa Selumiel chekhai.20Gad krungchakuüa kowh aluchow dow Deuel kowh chapa Eliasaf chekhai.21Nami kung kowi dow taklowp taklangra te kowi kowh chimsaima mih uanh kawtla now Levi krungchak Kohatuüa krawi ta mang khai. Tangbung khup rah sar kowi Kohat krungchakuüa kowting dowi rawn taklowp taklangra te dow rik ki changta kown mih laiklow uowi chekhai.22Kowbüah kung kowi kowh krawi ta mang miuüa dow Efraim thumchak chekhai. Amatni paw amatni thumchak kowh tamkhuown ruangla se krawi ta mang büah khai.
Efraim krungchakuüa kowh aluchow dow Amihud kowh chapa Elisama chekhai.23Manase krungchakuüa kowh aluchow dow Pedazur kowh chapa Gamaliel chekhai.24Benjamin krungchakuüa kowh aluchow dow Gideawni kowh chapa Abidan chekhai.25Achur nowm nowm kowi kowh krawi ta mang miuüa dow Dan thumchak chekhai. Amatni paw amatni thumchak kowh tamkhuown ruangla se krawi ta mang büah khai. Amatni dow akeng mih thumchakuüa kowh mingkhet mih iawng hai krawi ta mang mih chekhai. Amatni dow kung hownia ransu-uüa uang krawi ia sen dowi pat pami rakowi ta mang mih chekhai.
Dan krungchakuüa kowh aluchow dow Amisadai kowh chapa Ahizer chekhai.26Aser krungchakuüa kowh aluchow dow Okran kowh chapa Pakiel chekhai.27Naptali krungchakuüa kowh aluchow dow Enan kowh chapa Ahira chekhai.28Naiawng hai Israeluüa dow athum athumchow mang büah reng chekhai.29Mosi pu Jethraw kowh chapa Hobab pami Midian prenchak uowi lowk ia. Nami kowi Mosi tek pe mih, “Nai ow, CHAKRAMANG nape anging kownkow kham anging mih pren prakowi anging tarü mih chowbowt chaw. En paw anging hown tawi snow. Anging Israeluüa kowi ahuma nape anging iungra kownkow CHAKRAMANG takham khowk. En che tawi hanow en kowi paw anging napela en iungra kown taih,” pape khai.30Mosi kowi Hobab tek pe mih, “Ang tawi dowi tham ba, nai. Anging pren kowi ang kimchakuüa tut-e ang kowplan kown towbowt,” pape khai.31Mosi tek pe mih, “Nai, naiawng nadowi. Sakrauma hown hauang towla anging hüah diah. Süngrüp süngkangma kowi tawng mih re-e chow khup tangbung e iung kown mih en tuk. En dow anging kowh tiama tüng mih naown kown.32Anging hown che en tawi now CHAKRAMANG pe anging mih iungra maten hownia en kowi paw anging bakla en kown taih,” pape khai.33Naiawng rakowi Hobab paw amatni hown tawi kown mih nauta khai.
Israeluüa dow Sinai hungh uowi mih süngrüp süngkangma hownia lawt hanow sum ni mang rawng mowr mang büah khai bowt. Uangnim cham iowng rah kowi narik thik tanaira kownkow nami sum ni mowr dow CHAKRAMANG kowh sangbowk laitawm tawkpla kawt miuüa amatni pur kowi rik mang khai.34Naiawng Israeluüa cham mang mih khin khe CHAKRAMANG kowh uangnim dow amatni luk kowi tawi uowi reng chekhai.35Sangbowk laitawm tawkpla kawt miuüa tarowng mang towng Mosi tek mih, “Aw CHAKRAMANG, awr rü bowt! En kowh ransu-uüa kowi setta plawt bowt! Sui en miuüa kowi en pur hownia henta bowt!” pakhai.36Now tanaira kowi cham ting towng atowk rah kowi sangbowk laitawm tawkpla towta kung kowi Mosi tek mih, “Aw CHAKRAMANG, athawng aiawng mih Israeluüa pungmadawng kowi uang plan bowt!” pakhai.
Juda krungchakuüa kowh aluchow dow Aminadab kowh chapa Nasawn chekhai.15Isakar krungchakuüa kowh aluchow dow Zuar kowh chapa Nethanel chekhai.16Zebulun krungchakuüa kowh aluchow dow Helawn kowh chapa Eliab chekhai.17Nami kung kowi dow Levi krungchak Gersawnuüa hai Merariuüa tawi lawt khai. Amatni dow taklowp taklangra te lutla hanow nami uanh kawtla büah khai.18Kowbüah kung kowi kowh krawi ta mang miuüa dow Reuben thumchak chekhai. Amatni paw amatni thumchak kowh tamkhuown ruangla se krawi ta mang büah khai.
Reuben krungchakuüa kowh aluchow dow Sedeur kowh chapa Elizur chekhai.19Simiawn krungchakuüa kowh aluchow dow Zurisadai kowh chapa Selumiel chekhai.20Gad krungchakuüa kowh aluchow dow Deuel kowh chapa Eliasaf chekhai.21Nami kung kowi dow taklowp taklangra te kowi kowh chimsaima mih uanh kawtla now Levi krungchak Kohatuüa krawi ta mang khai. Tangbung khup rah sar kowi Kohat krungchakuüa kowting dowi rawn taklowp taklangra te dow rik ki changta kown mih laiklow uowi chekhai.22Kowbüah kung kowi kowh krawi ta mang miuüa dow Efraim thumchak chekhai. Amatni paw amatni thumchak kowh tamkhuown ruangla se krawi ta mang büah khai.
Efraim krungchakuüa kowh aluchow dow Amihud kowh chapa Elisama chekhai.23Manase krungchakuüa kowh aluchow dow Pedazur kowh chapa Gamaliel chekhai.24Benjamin krungchakuüa kowh aluchow dow Gideawni kowh chapa Abidan chekhai.25Achur nowm nowm kowi kowh krawi ta mang miuüa dow Dan thumchak chekhai. Amatni paw amatni thumchak kowh tamkhuown ruangla se krawi ta mang büah khai. Amatni dow akeng mih thumchakuüa kowh mingkhet mih iawng hai krawi ta mang mih chekhai. Amatni dow kung hownia ransu-uüa uang krawi ia sen dowi pat pami rakowi ta mang mih chekhai.
Dan krungchakuüa kowh aluchow dow Amisadai kowh chapa Ahizer chekhai.26Aser krungchakuüa kowh aluchow dow Okran kowh chapa Pakiel chekhai.27Naptali krungchakuüa kowh aluchow dow Enan kowh chapa Ahira chekhai.28Naiawng hai Israeluüa dow athum athumchow mang büah reng chekhai.29Mosi pu Jethraw kowh chapa Hobab pami Midian prenchak uowi lowk ia. Nami kowi Mosi tek pe mih, “Nai ow, CHAKRAMANG nape anging kownkow kham anging mih pren prakowi anging tarü mih chowbowt chaw. En paw anging hown tawi snow. Anging Israeluüa kowi ahuma nape anging iungra kownkow CHAKRAMANG takham khowk. En che tawi hanow en kowi paw anging napela en iungra kown taih,” pape khai.30Mosi kowi Hobab tek pe mih, “Ang tawi dowi tham ba, nai. Anging pren kowi ang kimchakuüa tut-e ang kowplan kown towbowt,” pape khai.31Mosi tek pe mih, “Nai, naiawng nadowi. Sakrauma hown hauang towla anging hüah diah. Süngrüp süngkangma kowi tawng mih re-e chow khup tangbung e iung kown mih en tuk. En dow anging kowh tiama tüng mih naown kown.32Anging hown che en tawi now CHAKRAMANG pe anging mih iungra maten hownia en kowi paw anging bakla en kown taih,” pape khai.33Naiawng rakowi Hobab paw amatni hown tawi kown mih nauta khai.
Israeluüa dow Sinai hungh uowi mih süngrüp süngkangma hownia lawt hanow sum ni mang rawng mowr mang büah khai bowt. Uangnim cham iowng rah kowi narik thik tanaira kownkow nami sum ni mowr dow CHAKRAMANG kowh sangbowk laitawm tawkpla kawt miuüa amatni pur kowi rik mang khai.34Naiawng Israeluüa cham mang mih khin khe CHAKRAMANG kowh uangnim dow amatni luk kowi tawi uowi reng chekhai.35Sangbowk laitawm tawkpla kawt miuüa tarowng mang towng Mosi tek mih, “Aw CHAKRAMANG, awr rü bowt! En kowh ransu-uüa kowi setta plawt bowt! Sui en miuüa kowi en pur hownia henta bowt!” pakhai.36Now tanaira kowi cham ting towng atowk rah kowi sangbowk laitawm tawkpla towta kung kowi Mosi tek mih, “Aw CHAKRAMANG, athawng aiawng mih Israeluüa pungmadawng kowi uang plan bowt!” pakhai.
The Seed Company