Nehemia5
1Akung kowi maru kawmuüa hai amatni kowh masi hawmuüa dow akeng mih Judauüa kowi kingküaah mih laiklow tek büah sawmlawm khai.2Tawngbak mih tek mih, “Anging kowh dow chauüa kawmma. Naiawng rakowi nasingla kownkow anging vüi chakkham lakke huma chekhai,” pabüah khai.3Akeng mih maru tek mih, “Khown kuak rakowi anging naranla chakkham kownkow anging kowh krawng bawn, grep krum hai kim üa ün anging cham pawngta takla khai,” pabüah khai.4Tawngbak mih plan tek iawk mih, “Anging kowh krawng bawn muh hai grep krum muh napela kownkow anging lowi pawk takla khai.5A-i bowkbowk achen sang taih diah. Nachenganchepaw sing müa tangka pawisa lakke rakowi anging kowh chauüa kowi maru nachangla nar kownkow anging cham sumta takla khai, now anging kowh chamauüa kowi khowm maru nachangla narma kownkow anging rik sumta mih uowi ne khowk chekhai. Kawmat mih anging kowh ia changra tawngpaw uowi dowi bowt. Tawngplawng kowchow panow anging kowh krawng bawn hai grep krum dow akeng maru-uüa pawta anging bowk khowk,” pabüah khai.6Maru kawmuüa naiawng chawkla lai prungrung mih ang ta hanow nowm nowm ang kunmarau khai.7Now naiawngün lawnguan kowi ang pawtuak khai. Nami kung kowi dow maru iukuüa hai aluchowuüa kowi ang tek pe mih, “Enni kowh tainau-uüa kowi enni pe khawiah tangka mih khin khe enni paw pe achüt khai,” pakhai. Naiawng rakowi naiawngün lawnguan kowi aluchowuüa hown natalawp kownkow takua talawmra kri ang thawp lowk khai.8Nami takua talawmra kowi ang tek pe aluchowuüa mih, “A-i tainau Judauüa pungmadawng hownia maru nachangla nar kownkow akeng pren kowi cham sumta miuüa kowi dow ia mowr anging krawi klanta khowk. Nachenganchepaw enni dow naiawngün enni kowh tainau-uüa kowi maru nachangla nar kownkow enni plan sumah khai iawk. Kawmat dow kowbüah kowi a-i aklan takla iawk nadowi ü?” pape khai. Nami laiklow tata hanow aluchowuüa dow ka lai tekra dowi bowt kowh ririmma uowi büah khai.9Ang plan tek pe amatni mih, “Enni kowh lup taka dowi. Akeng chenchap a-i kowh ransu-uüa naia kharela a-i dowi kownkow a-i kowh Thurai kowi ringkawma hown kram se a-i nauowi kown takla.10Ang, ang tainau hai ang kowh maru iukuüa paw maru kawmuüa kowi tangka pawisa hai luprak ün pe khawiah mih uowi tak. Nachenganchepaw chu, naiawngün hownia nau ka achüt tak mih a-i lawtta pe diah sik.11Amatni kowh krawng bawn, grep krum, kanrawn khang hai kim üa ün kawmat planta pe büa diah. Now tangka pawisa, luprak, grep tui sar hai kanrawn sau enni pe khawiah mih kowi enni paw pe achüt mih paw planta pe diah,” pakhai.12Nami laiklow tata hanow amatni tek ang mih, “En tek iawng anging chang kown towbowt. Amatni hownia kowh anging pawah mih maten dow anging planta pe bowk kown towbowt. Now amatni hownia tawngpaw anging nakük pe kown nadowi bowt,” pakhai.
Nami kung kowi dow uamowuüa kowi ang uang hawla khai. Now maru iukuüa hai aluchowuüa kowi dow amatni takhamta iawng nachang lup kown mih uamowuüa pur kowi ang pe takhamah khai.13Now ang khupah mih kowrmow pur pra kowh uen kowi dowkah hanow thürah se ang tek pe mih, “Mami sawi kham laiklow chün dowi mih maru-uüa kowi dow amatni kowh kim hai dawngthawnguan hownia Thurai mih maiawng nathürah kown. Amatni kowh uowi mih maten dow Thurai mih napawta pe bowk kown,” pakhai.
Nami laiklow ta hanow maru kawmuüa maten tek mih, “Amen,” pabüah khai. Now amatni dow CHAKRAMANG kowi kiow büah khai. Nami kung kowi maru iukuüa dow amatni takhamta iawng chang büah khai.14Persia pren kowi Artazerzes chowm mang mih 20 ning hownia 32 ning mowr khe Juda pren kowi kruitown mih dow ang chekhai. Nami laipre ning ang kruitown pren mih khin khe ang hai ang tainau-uüa dow pren kruitown mih vüi kowi kowh chakkham tawi cha dowi chekhai.15Nachenganchepaw ang dowi rawn kowi kowh kruitown miuüa dow maru kawmuüa luk kowi kurdik huma tang pe khai, now chakkham hai grep tui ün kük pe reng chekhai. Nami klen kowi ni towng tai 40 iun chi maru kawmuüa hownia amatni paw pe reng chekhai. Naiawngün kruitown miuüa kowh maru iukuüa khowm maru kawmuüa luk kowi changah anowng apowng reng chekhai. Nachenganchepaw ang dow Thurai kowi kram kowh naiawng mih lup ang chang dowi chekhai.16Ang dow naplan chang tap kown mih lup kowi ang lang towsak rowt khai. Tawng iawng mih krawng bawn paw ang tawi ran dowi chekhai. Ang kowh naruüa maten paw ang hown nami lup tawi taiua chang khai.17Nami klen kowi ang cha chakkham mih khin khe paw Juda maru iukuüa 150 ia hailawm ariaret kowi kowh chenchapuüa hownia uang miuüa ün tawi taiua cha chakkham reng chekhai.18Ang dow ni towng chiala apum, lang kloah mih ruapurla taruk pum hai ua sangrum chi aeng müa pek takla reng. Nami klen kowi hamüt ni kowi pakat chi grep tui huma ang pe takla reng. Nachenganchepaw pren kruitown mih chakkham dow katpaw ang tawi kük dowi chekhai. Tawngplawng kowchow panow naiawngün ang kük hanow maru kawmuüa luk kowi mangmu nahu ngamlam kown towbowt.19Aw ang kowh Thurai, maiawngün maru kawmuüa vüi ang chang pe mih lup maten hangkow tamata diah, now pe ang iungra diah.
Nami kung kowi dow uamowuüa kowi ang uang hawla khai. Now maru iukuüa hai aluchowuüa kowi dow amatni takhamta iawng nachang lup kown mih uamowuüa pur kowi ang pe takhamah khai.13Now ang khupah mih kowrmow pur pra kowh uen kowi dowkah hanow thürah se ang tek pe mih, “Mami sawi kham laiklow chün dowi mih maru-uüa kowi dow amatni kowh kim hai dawngthawnguan hownia Thurai mih maiawng nathürah kown. Amatni kowh uowi mih maten dow Thurai mih napawta pe bowk kown,” pakhai.
Nami laiklow ta hanow maru kawmuüa maten tek mih, “Amen,” pabüah khai. Now amatni dow CHAKRAMANG kowi kiow büah khai. Nami kung kowi maru iukuüa dow amatni takhamta iawng chang büah khai.14Persia pren kowi Artazerzes chowm mang mih 20 ning hownia 32 ning mowr khe Juda pren kowi kruitown mih dow ang chekhai. Nami laipre ning ang kruitown pren mih khin khe ang hai ang tainau-uüa dow pren kruitown mih vüi kowi kowh chakkham tawi cha dowi chekhai.15Nachenganchepaw ang dowi rawn kowi kowh kruitown miuüa dow maru kawmuüa luk kowi kurdik huma tang pe khai, now chakkham hai grep tui ün kük pe reng chekhai. Nami klen kowi ni towng tai 40 iun chi maru kawmuüa hownia amatni paw pe reng chekhai. Naiawngün kruitown miuüa kowh maru iukuüa khowm maru kawmuüa luk kowi changah anowng apowng reng chekhai. Nachenganchepaw ang dow Thurai kowi kram kowh naiawng mih lup ang chang dowi chekhai.16Ang dow naplan chang tap kown mih lup kowi ang lang towsak rowt khai. Tawng iawng mih krawng bawn paw ang tawi ran dowi chekhai. Ang kowh naruüa maten paw ang hown nami lup tawi taiua chang khai.17Nami klen kowi ang cha chakkham mih khin khe paw Juda maru iukuüa 150 ia hailawm ariaret kowi kowh chenchapuüa hownia uang miuüa ün tawi taiua cha chakkham reng chekhai.18Ang dow ni towng chiala apum, lang kloah mih ruapurla taruk pum hai ua sangrum chi aeng müa pek takla reng. Nami klen kowi hamüt ni kowi pakat chi grep tui huma ang pe takla reng. Nachenganchepaw pren kruitown mih chakkham dow katpaw ang tawi kük dowi chekhai. Tawngplawng kowchow panow naiawngün ang kük hanow maru kawmuüa luk kowi mangmu nahu ngamlam kown towbowt.19Aw ang kowh Thurai, maiawngün maru kawmuüa vüi ang chang pe mih lup maten hangkow tamata diah, now pe ang iungra diah.
The Seed Company