Mika6
1Aw CHAKRAMANG, awr iowng now en kowh laiklow mih hungma mawngma pur kowi tekah diah;tawng ngai chow en tek kown uowi mih en saksi vüi kowi hungh maten paw pacham tawi sünta en lah.Aw hungma mawngma, CHAKRAMANG laiklow sünta diah,aw achowngma pren chüng maten, enni paw sünta büa diah.Tawngplawng kowchow panow aia maru-uüa luk kowiCHAKRAMANG natek kown mih uowi ne chekhai;aia dow Israeluüa hown chet tara khai.Israeluüa low, CHAKRAMANG laiklow sünta büa diah.3CHAKRAMANG tek mih, “Ang maru-uüa low,tawng chow ang changta enni khai?Tawng iawng chow ang towk enni kawmkrat khai?Tek ang büah madiah.4Aigupta pren hownia ang uang lawtla enni khai,Aigupta nar hownia ang lawng enni khai.Nauang khowng enni kownkow ang uang chin enni maru khai,Mosi, Arawn hai Miriam büah kowi ang uang chin enni khai.5Aw ang kowh maru-uüa, Moab kowi kowh mang Balak napiak enni kownkow kamrüt khai,now Beur chapa Balam tawng laiklow chow tek mih sam tuak büah madiah.Tawng iawng chow ang lawng enni mih lup enni natukla kownkowSittim hownia Gilgal mowr enni awr mangla mih sam tuak büah madiah,” pakhai.6CHAKRAMANG pur kowi tawng chow ang nakowpawla kown,tawng iawng chow mukuang Thurai kowi ang nakowchupiia kown?Tikah mih uanap vüi aningchow mih chia chah aia pur kowi ang nakowpawla ne kown bow?7Athawng aiawng ruapur ang kowpawla pe e CHAKRAMANG awmrawm kown bow?Hamüt thawng aw tek pat ang kowpawla pe kanrawn sau e CHAKRAMANG awmrawm kown bow?Ang kowh ngak rakowi ang kowh chapa ta kowi ang nachangla phuchua müa kown bow?ang kowh aprek rakowi ang matia kowh chah ang naphuchuata kown bow?8Aw maru-uüa, tawng ngai chow iung mih aia tüng enni khowk.Anowmma mih lup chang, Thurai hai lusa maru kowi kaah sakowmma hown sakrau kown mih,enni kowh Thurai tut-e khamsum khamdawma uowi kown mih,now aia laiklow chün kown mih klen kowi CHAKRAMANG dow enni tut-e tawngpaw nau dowi chekhai.9Chanlaima miuüa dow CHAKRAMANG kowi kram hai ringkaw khai.CHAKRAMANG dow marow kowi kowh maru-uüa kowi hawah khai.Aia tek mih, “Marow kowi kowh uowi mih chenchapuüa low, sünta büa diah.10Maru ngakuüa kim kowi kowh angak hown kaah mih dawngthawnguan ang sui,now kuanla maru mih akhai müa kowi paw ang sui chekhai.11Kuanla maru mih set hai iutla adik mih akhai müa uowi miuüa kowiangak uowi dowi pahai ang natuakah kown pabow?12Enni kureng miuüa dow chang anowng apowng hai küa dai khai,enni kowh nawr dow limmara laiklow tek reng chekhai.13Naiawng kowh enni kowh aprek rakowi rip chamang ang narip enni kown,now ang napiakta enni kown.14Enni cha chepaw naduh kown nadowi;enni kowh mu dow sakkrai hown nauowi hüah kown.Dawngthawnguan ün dow enni nakrümah kown.Nachenganchepaw tawngpaw enni nowng lawng kown nadowi.Enni nowng lawng khai ne chepaw ang nauang pawla pe tasenra kown,now naiawngün dawngthawnguan mih ang napiakta enni bowk kown.15Aliu dow enni nasawt kown;tawkche auih dow enni naka ngen kown nadowi.Enni naküa kanrawn kown;tawkche nami sau mih enni matia naka tawng kown nadowi.Enni naküa grep uih kown;tawkche nami tui enni naka kham kown nadowi.16Angakma mih mang Awmri kowh rirow enni chün khai,angakma mih mang Ahab hai aia kimchakuüa kowh kiang ngak maten enni tawi kiang khai.Amatni pe enni prengia iawng enni tawi mang khai.Naiawng rakowi piakra hai maru prawng renra ang nathawp enni kown;Akeng chenchap maten enni piak mih krang nakhi kown,” pakhai.
The Seed Company