Mika2
1Nachang angak kownkow amatni mawk rah rawng kowisangkrang miuüa kowh piakra nauang ting kown mih dow kramra uowi lai kowbow!Uarthowi hanow amatni dow amatni nau iawng krawi chang büah khai.Tawngplawng kowchow panow naiawng nachang kown mih amatni kowh dow kür uowi chekhai.2Amatni dow kim, üa hai laih ün kowi lawpha rakowinaiawngün krawi rup büah reng chekhai.Amatni dow maru kowi limmaah hanowpipu-uüa tut-e kowh kaah mih dawngthawnguan ün khünta pe reng chekhai.3Naiawng rakowi CHAKRAMANG tek pe mih,“Sünta, enni vüi khin ngak ang kamrütta khowk,amia iawng mih paw nowngia talawng kown nadowi.Akrat pusara khin nauang ting kown chowbowt.Naiawng rakowi enni nanowng chang bawri kown nadowi bowt.4Nami khin khe dow lainowmma enni nanguk nakar kown,‘Anging tapiak bowk khowk.Anging kowh krawng bawn pawta anging khai bowt.CHAKRAMANG mih naiawngün pawta anging mih chekhai.Aia dow anging kowh üa hai laih paw ransu-uüa kowi cham peta khai,’padow maru natek enni khare meng kown,” pape khai.5Naiawng rakowi Thurai maru-uüa kowh krawng bawn naret kown mih nauowi kown nadowi bowt,enni pungmadawng hownia mia iawng mih paw nauowi kown nadowi bowt.6Mika kowi tek pe mih,“Naiawngün laiklow hang cham chia reng,naiawngün lawnguan hang cham phuang reng,anging luk kowi rukraira uang towm kown mih paw nadowi,” pakhai.7Aw Jakawb chuprek chaprekuüa,“CHAKRAMANG lümla dow kunma thawngma nadowi pabow?Aia dow naiawng mih lup chang naklak dowi,”pami enni natawi tek kown mapaw lahawm dowi chekhai.CHAKRAMANG laiklow dow tachi tanawm miuüa vüi chowtaih pe iungra reng.8CHAKRAMANG tek mih, “Ang maru-uüa kowi ransu-uüa kowi iawng enni kingküaah khai.Ang maru-uüa dow tasenra hownia kowh uang plan miuüa iawngpamatia kim kowi athaulangma nauowi kown mih tuak chowdiah.Tawkchedow amatni kowh tawnguat nakuta pe kownkow enni hawt chawngah khai.9Ang maru-uüa pungmadawng kowi kowh mamaimowuüa kowiamatni kowh kim klangiungma mih hownia enni prütah khai.Amatni kowh chauüa kowi dow chowngchowng saksakma vüiang prasira hownia enni pitta tiama pe khai.10Rü büah! powt büah,mami dow enni kowh uowi rah nadowi.Pren mih dow enni sürlawkah khai.Naiawng rakowi pren kowi dow piakra nauang towm kown.11Dai lai tek mih hai kuan mih uangah now,‘Enni kowh arak hai grep tui ahuma naphaw kown,’pahai uang tek enni mih uowi e downami maru kowi enni nachangla risi nowm kown,” pakhai.12CHAKRAMANG tek mih, “Aw Israeluüa,bowkbowk kowi ang nakua nalawm enni ngengche kown;Israeluüa ta lat mih maten kowi arasang ang natowah ngengche kown.Cham taw rah kowi kowh ruapur hawmh iawng hai,tung lak kowi kowh ruapur hawmh iawng dow arasang ang natow enni kown.Pren dow maru akawmma natek iawk kown,” pakhai.13Takhangra hownia nauang lawt kownkow uow pe tiama miia dow amatni pur kowi narik mang kown;amatni dow tapplawt mih nakhueah now nauang lawt büah kown.CHAKRAMANG amatni kowh mang dow amatni pur kowi narik mang kown.
The Seed Company