Leviuüa3
Taking tasangra uanap
1CHAKRAMANG plan tek mih, “Lowra maru CHAKRAMANG hown taking tasangra nauowila kownkow taking tasangra uanap che chia hown chang kown nau khai hanow nami chia mih ala lah, ama lah aser auowk naia uowi kown nadowi.2Nachangla phuchua kownkow uang pawla chia mih maru dow nami chia lu kowi aia kowh rut natangah kown. Nami chia dow taklowp taklangra te plawt re-e aia nangenah kown. Nami chia vi dow uamowuüa napawla hanow phuchuara kowi tavir lut nakrawi thetah kown.3Nami taking tasangra uanap chang müa ngar kowi kowh kawlak sau maten dow CHAKRAMANG vüi chakkham uanap nachangla kownkow uamowuüa kowi napeah kown. Naiawngün dow riaklah sau, akeng mih sau,4asau hailawm akia pre buk hai plawng ram lang iuk mih chekhai.5Naiawngün dow phuchuara kowi kowh lün pluplup mih sawp luk kowi uamowuüa nakownawmah kown. Nami dow chakkham uanap chekhai. Nami uanap nam hown dow CHAKRAMANG awmrawm reng chekhai.6“Lowra maru CHAKRAMANG hown taking tasangra nauowila kownkow taking tasangra uanap che ruapur hown chepaw, rua hown chepaw chang kown nau khai hanow nami ruapur hai rua mih ala lah, ama lah aser auowk naia uowi kown nadowi.7Uanap chang müa kowi ruapur chah che uang pawla khai hanow uang chang phuchua mih maru nami ruapur chah kowi taklowp taklangra te plawt re-e CHAKRAMANG pur kowi nakowpawla kown takla.8Now uang pawla ruapur chah mih maru mih nami ruapur chah lu kowi aia kowh rut natangah kown. Nami ruapur chah dow taklowp taklangra te plawt re-e aia nangenah kown. Now nami ruapur chah vi dow uamowuüa napawla hanow phuchuara kowi tavir lut nakrawi thetah kown.9Nami taking tasangra uanap chang müa ngar kowi kowh kawlak sau maten dow CHAKRAMANG vüi nachangla chakkham uanap kownkow uamowuüa kowi napeah kown. Naiawngün dow amai tut, riaklah sau, akeng mih sau,10akia pre buk hai akia kowi kowh tabawm mih sau hai plawng ram lang iuk mih chekhai.11Naiawngün dow phuchuaah mih chakkham iawng hai phuchuara luk kowi uamow lowk ia mih natikah kown. Nami dow CHAKRAMANG vüi chakkham uanap chekhai.12“Nachangla phuchua kownkow rua che uang pawla khai hanow nami rua dow taklowp taklangra te plawt re-e CHAKRAMANG pur kowi nakowpawla kown takla.13Now uang pawla rua mih maru dow nami rua lu kowi aia kowh rut mih natangah kown. Nami rua dow taklowp taklangra te plawt re-e aia nangenah kown. Now nami rua vi dow uamowuüa napawah hanow phuchuara kowi tavir lut nakrawi thetah kown.14Nami taking tasangra uanap chang müa ngar kowi kowh kawlak sau maten dow CHAKRAMANG vüi nachangla chakkham uanap kownkow uamowuüa kowi napeah kown. Naiawngün dow riaklah sau, akeng mih sau,15akia pre buk hai akia kowi kowh tabawm mih sau hai plawng ram lang iuk mih chekhai.16Naiawngün dow phuchuaah mih chakkham uanap iawng hai phuchuara luk kowi uamowuüa natikah kown. Nami dow chakkham uanap chekhai. Nami uanap nam hown dow CHAKRAMANG awmrawm reng chekhai. Phuchuala mih tawncher sau maten dow CHAKRAMANG vüi bak chekhai.17Asau hai avi dow enni naiung cha kown nadowi. Nami dow lowra kowi enni cham uowi chepaw chowngchowng saksakma pat enni vüi ari arow naown kown,” pakhai.The Seed Company