Leviuüa2
1“CHAKRAMANG vüi kawmdi uanap che enni uang ap kown nau khai hanow kawmdi aiungma mih nauang ap kown takla. Nami kawmdi luk kowi dow enni naklai pe kanrawn sau kown, now anam iungma mih maikhük towk müa than paw nami luk kowi enni natowla pe kown takla.2Nami kawmdi dow uamowuüa tut-e enni nauang pawla kown, now nami kawmdi uanap hownia naap-ah kown mih krowngchow uamow napawah achawm hanow phuchuara kowi kowh maih kowi nanawmah kown. Nami dow CHAKRAMANG vüi kowi apta khowk pami amat müa chekhai. Nami dow chakkham uanap chekhai. Nami uanap nam hown dow CHAKRAMANG awmrawm reng chekhai.3Nami kawmdi uanap kowi kowh ta lat mih srui dow uamowuüa kowh vüi bak naown kown. Naiawngün ta lat mih dow CHAKRAMANG vüi kowi ap-ah mih chekhai rakowi chimsaima chekhai.4“Kawmdi uanap che taping kowi kowh awpah mih kawm hown enni nauang ap kown nau khai hanow kawmdi lang iung mih hown kowh thawpah mih kawm naown kown takla. Nami kawm dow kanrawn sau hown kowh lawkah mih lah, plik pe sau mih lah enni nauang pawla kown. Tawkche naiawngün kawm kowi mih enni nathela pe tuah kown nadowi.5“Kawmdi uanap che apherklapma mih angai müa hown enni heuah mih chekhai hanow kawmdi lang iung mih kowi kowh lawk pe kanrawn sau mih kawm naown kown takla. Nami kawm kowi paw enni nathela pe tuah kown nadowi.6Nami kung kowi dow naiawngün kawm mih enni nasekah hanow naklai pe kanrawn sau kown takla; nami paw kawmdi uanap chekhai.7“Kawmdi uanap che puh hown kowh ngaiah mih kawm hown enni nauang ap kown nau khai hanow kawmdi lang iung mih kowi lawk pe kanrawn sau mih hown kowh thawpah mih kawm naown kown takla.8CHAKRAMANG vüi uang pawla mih naiawngün kawmdi uanap maten dow uamowuüa rut kowi enni nauang peah kown, now naiawngün dow phuchuara kowi uamow nakowpawla kown.9Now kawmdi uanap maten hownia uamow napawah achawm hanow phuchuara kowi kowh maih kowi nanawmah kown. Nami dow CHAKRAMANG vüi apta khowk pami amat müa chekhai. Nami dow chakkham uanap chekhai. Nami uanap nam hown dow CHAKRAMANG awmrawm reng chekhai.10Nami kawmdi uanap kowi kowh ta lat mih srui dow uamowuüa kowh vüi bak naown kown. Naiawngün ta lat mih dow CHAKRAMANG vüi kowi ap-ah mih chekhai rakowi achimsaima chekhai.11“CHAKRAMANG vüi kowi kowh uang pawla mih kawmdi uanap maten kowi enni nathela pe tuah kown nadowi. CHAKRAMANG vüi kowi kowh chakkham uanap kowi tuah lah, kuai tui lah enni nathe kown nadowi.12Nachenganchepaw enni uang ap uih müng khe dow tuah hai kuai tui mih CHAKRAMANG pur kowi enni nauang ia pawla kown. Tawkche tuah hai kuai tui dow phuchuara kowi kowh maih kowi katpaw enni natikla kown nadowi.13Now kawmdi uanap kowi kowh enni uang pawla mih uanh maten kowi dow enni nathela pe awisa reng kown takla. Nahanow enni Israeluüa hown Thurai kowh chowngchowng saksakma mihsangbowk laitawm dow enni naka tuak kown towbowt. Enni kowh kawmdi uanap kowi dow awisa thek enni naia tamata kown nadowi. Enni kowh uanap maten kowi enni nathela awisa ngengche kown takla.14“CHAKRAMANG vüi uih-ien pantawn kowi kowh uih müng enni uang ap khe dow arumma enni natungah now nahaiah kown takla. Now nami ahaiia dow CHAKRAMANG tut-e enni nauang pawla kown.15Nami luk kowi dow enni naklai pe kanrawn sau kown, now anam iungma mih maikhük towk müa than paw enni natowla kown takla. Nami dow kawmdi uanap chekhai.16Now kawmdi uanap maten hownia uamow napawah achawm hanow phuchuara kowi kowh maih kowi nanawmah kown. Nami dow CHAKRAMANG vüi apta khowk pami amat müa chekhai. Nami dow chakkham uanap chekhai,” pakhai.
The Seed Company