Kar Meng5
Jerusalem maru-uüa chup Thurai mih
1Aw CHAKRAMANG anging luk kowi tawng chow own mih sam tuak madiah;anging ka rukrai mih sam mü madiah.2Anging vüi bak dow prenlang maru kowi peta khai bowt,anging kowh kim üa dow akeng chenchapuüa kowh chowng khai bowt.3Anging chowng saratchow chah khai, anging kowh pa uowi dowi,anging kowh u-uüa paw chowng mamaimow khai bowt.4Khamah kown mih tui anging ran kla khai bowt;pe pe asung khü che sawp paw anging ka iang.5Krawi anging miuüa dow anging tut-e uang tatawn khai bowt;lainowmma anging bowm khai, mapaw ka tanai dowi chekhai.6Chakkham alawkma kala kownkow maru low kowi anging cham uowi khai,Aigupta hown Asuria pren nimkrüa kowi anging cham uowi khai.7Anging kowh pipu-uüa chang angak khai; kawmat amatni dow uowi dowi bowt.Nachenganchepaw amatni kowh ripra dow anging ta kur khai.8Naruüa dow anging luk kowi chang alow khai;amatni rut hownia lawng anging kown mih miapaw uowi dowi.9Anging dow singsing kowngkowng anging krawi kram chak reng chekhai;tawngplawng kowchow panow süngrüp süngkangma kowi maru sai mih uowi chekhai.10Hawm sakkrai lai bowt kowh anging krau prang towbowt.Naiawng rakowi anging kowh pik mih sikua iawng adenma towbowt.11Jerusalem masiuüa hawmh kowi dow piakah khai,Juda pren kowi kowh malauüa hawmh maten kowi paw piak pe siri khai.12Maru iukuüa kowi dow tawmah now tarah khai;lawngtang aluchowuüa kowi dow ringkawah dowi chekhai.13Klanguüa hawmh kowi dow pe tungah mi khai;ngeuüa hawmh dow sawp dik kur hown tim bawilawi khai.14Marow kowi kowh tapplawt kowi lawngtang aluchowuüa chowm dowi bowt;malauüa hai klanguüa hawmh paw tep tingteng taraw dowi bowt.15Anging kowh piawra uowi dowi bowt,anging plai mih takcha anging nguk kar khai.16Anging kowh mang lukruk dow lu hownia dowh khai bowt.Anging chang angak khai rakowi kramra uowi lai kowbow!17Naiawng rakowi anging kowh sak paw kawm khai bowt,naiawngün maten rakowi anging kowh mik paw chim dowi bowt.18Jerusalem kowi kowh Zaiawn hungh kowi maru akhaw aklaima chekhai;brenkhui hawmh dow nami luk kowi krawi len khai.19Aw CHAKRAMANG, achowngma chowm mang diah;en kowh mang chowm rah dow chowngchowng saksakma anikma chekhai.20Achowngma pat en tamata anging kown chekhai bow?Tawngplawng kowchow khin krama en cham powtta anging khai?21Aw CHAKRAMANG, en che nuata anging tangtang mih nadowi hanow,en che anging luk kowi mapaw sak-ih dowi mih nadowi kowh chalow nowen tut-e anging uang ia planla kownkow plankut paw anging iawk diah.Auown khe kowh iawng akri akraingma kutplan pe uowi anging iawk diah.The Seed Company