Kar Meng4
Risi tek lai mih
1Kuh kowh anowi tawk mih dow tama khai bowt,kuh achangma mih dow taklowi khai bowt.Asung khakma mih hua ün tauet khai bowt,tiama kui towng kowi krawi tauet khai bowt.2Pakat khe dow Jerusalem marow kowh chapauüa kuh iawng chowdiahamatni dow asung khakma chowdiah;kawmat dow puh thawp miuüa thawpah mih puh iawng,bawn puh iawng dow amatni kowi changla khai bowt.3Brenkhui hawmh khowm padow amatni kowh chauüa kowi iawnah reng.Nachenganchepaw ang maru-uüa dow naiawng nadowi chekhai.Amatni dow sangching khawmma mih ut uakling iawng chekhai,amatni dow amatni kowh chauüa kowi khowm mingah khetah dowi chekhai.4Amatni kowh chauüa dow lainowmma tui sakkrai khai,sakkrai lai bowt kowh kraw kang khai bowt.Ngeuüa hawmh dow lü hawm khai.Nachenganchepaw miapaw peah dowi chekhai.5Pakat khe kowh aiung aiung cha miuüa dow kowng khai bowt;amatni dow hawm khawr hown tiama towng kowng khai bowt.Sowmchow hownia asung khakma mih uanh khup miuüa dow plawi dawng kowi mawk khai bowt;amatni dow kawmat mawngchawng dawng kowi mawk khai bowt.6Amiapaw kakah dowi kowi amaisang Sawdawm marow dow piak khai,Sawdawm marow angakma mih kowi kowh ripah mih lak-e ang maru-uüa kowh ripra lang ngah khai.7Amatni ruiah mih aluchowuüa dow nang lak-e khowm anowi tawk chowdiah,now iawn tui lak-e khowm lang kaw chowdiah.Amatni dow kow iungma chowdiah,now amatni dow kür paw akürma chowdiah.8Nachepaw kawmat dow puh lawi lak-e khowm lang num büah khai bowt;tiama kowi amiapaw tuk matah dowi bowt chekhai.Amatni kowh pik dow hut kowi taiap khai bowt,singh iawng dow amatni kowh pik paw keu khai bowt.9Khown hown kowng mih lak-etasenra kowi alenma kowng mih lang iung.Ang maru-uüa dow khawr chakkham khai,hawm sakkrai hown kowng ngialia büah khai.10Chah kowi sakrauma mih u-uüa dow amatni chauüa kowi engah khai;ang maru-uüa piakra kowi uowi mih khin khe amatni chauüa dow chowng amatni kowh chakkham khai.11CHAKRAMANG mih mapaw aia sak-ih dowi mih dow lawtta bowk khai;aia kowh kunmarau lün pluplup mih dow uang iu khükah khai.Zaiawn kowi dow maih hown aia towkah khai,nakowi kowh achüng ün pat towkta pe khai.12Jerusalem kowi ransu-uüa nowng kup kown mih manguüa owm dowi chowdiah;tapplawt hownia ransu-uüa nowng kup kown pami lusa kowi kowh maru miapaw owm dowi chowdiah.13Naiawngün phaw mih dow risiuüa hai uamowuüa rakowi chekhai,aia kowh risiuüa dow chang angak khai,now aia kowh uamowuüa paw chang lup ngak khai.Amatni dow marow kowi sai maru iung büah khai.14Naiawng rakowi risiuüa hai uamowuüa dow mikdu-uüa iawng chekhai,tiama towng cham mang panglang büah khai.Amatni dow lainowmma vi hown tasür talawk khai bowt,amiapaw amatni kowh uanh khowm kak kown nau dowk.15Naiawng kowh maru-uüa dow, “Lang süt, enni asür alawkma.Lang süt, lang süt, hauang kak anging,” padow atünma tek büah khai.Naiawng rakowi amatni dow pren towng kowi cham powtla pang khai.Tawkchedow amatni kowi miapaw pe uowiah dowi chekhai.16Amatni kowi uetah mih dow CHAKRAMANG chekhai;aia dow amatni luk kowi pe pe ching dowi bowt.Uamowuüa kowi miapaw ringkawah dowi bowt,lawngtang aluchowuüa kowi paw miapaw sanaah dowi bowt.Jerusalem maru-uüa kar mih
17Naka khowng kownkow aiawnglowma anging tang mü khai,anging kowh mik dow ri khai bowt;nowng lawng anging kown nadowi mih chenchap prakowianging dow hing tang müta hüah chowdiah.18Ransu-uüa dow krawi lim anging khai.Naiawng rakowi tawng kowi paw anging cham ia len dowi bowt.Anging kowh chur khin dow uang tawn khai bowt,anging kowh ni ün dow khowk khai bowt.19Uang krawi anging miuüa dow lainowmma len khai;mukuang kowi kowh uamu lak-e lang len büah khai.Amatni dow hungh towng kowi krawi anging khai,now süngrüp süngkangma kowi uang krawi lim anging khai.20CHAKRAMANG kloah mih mang, anging kowh sakowmra,aia dow ransu-uüa leng kowi cham tasowk khai.Thaulangma uowi kownkow aia luk kowi chowdiah anging owmsak,akeng chenchapuüa hownia nalawng anging kown mih anging sakowmah chowdiah.21Uz pren kowi kowh Edawm maru-uüa low, kawmat piaw büa diah,anging kowh ransu-uüa low, kawmat awmrawm büa diah.Thurai kunmaraura enni luk kowi paw nauang ting kown,now enni paw narukrai kown.22Zaiawn maru-uüa low, enni kowh ripra dow nachur bowt kown,aia dow takhangra kowi towta enni hüah dowi bowt tham.Nachenganchepaw Edawm maru-uüa low, enni kowh angak ripra nape enni kown,enni kowh aprek dow naphuang enni bowt kown.The Seed Company