Tara chet miuüa7
1Auai rau dow Gideawn hai aia kowh maru maten mih murpa rü hanow Harawd pami tuikuam re-e kowkhup tangbung khai. Nakhowk khe amatni kowh ransu Midianuüa uowi mih dow Harawd pami tuikuam tawngphak pra kowh Mawre hungh re-e kowh lawngrawi kowi chekhai.2Gideawn kowi CHAKRAMANG tek pe mih, “En kowh maru iun kawm lai bowt. Naiawng rakowi Midianuüa kowi enni rut kowi ang naap enni kown nadowi. Ang ap enni khai hanow enni natamata ang kown chekhai; enni natek kown mih, ‘Anging ka lawngra mih anging matia kür hown chowtaih,’ napa kown.3Naiawng rakowi maru kawmuüa kowi kowtek pe diah, ‘Kram miuüa dow Gilead hungh hownia kim prakowi naia plan kown taih,’ pape diah,” pakhai. Nahanow maru iun 22,000 ia dow plan khai, now ta uowi mih dow maru iun 10,000 ia chekhai.4Nakhowk khe Gideawn kowi CHAKRAMANG tek pe mih, “Kawmat paw maru iun hu lai tak. Naiawngün maru kawmuüa kowi aw kowi kowpawla diah. Nakowi mih en vüi amatni kowi ang nakloah kown. ‘Nami maru en hown natawi kown,’ pache ang tek now nami maru en hown natawi kown. Now, ‘Nami maru en hown natawi kown nadowi,’ pache ang tek now nami maru en hown natawi kown nadowi,” pakhai.5Naiawng rakowi Gideawn mih maru kawmuüa kowi aw kowi kowpawla khai. Nakowi CHAKRAMANG tek pe mih, “Rutpha hown vürah kowh kham tui miuüa hownia tua kung se kui iawng bia laplap kham tui miuüa kowi lang kraah diah,” pape khai.6Now maru iun 300 ia dow amatni kowh rutpha hown vürah now kham tui khai. Tawkche akeng miuüa dow kham tui khe tua kung se kui iawng bia laplap khai.7Nakhowk khe Gideawn kowi CHAKRAMANG tek pe mih, “Rutpha hown vürah now kham tui mih maru 300 ia hown ang nalawng enni kown, now Midianuüa kowi ang naap enni kown. Akeng miuüa dow kowmatia kim kowi pacham mang bowk lah,” pakhai.8Naiawng rakowi Gideawn mih maru iun 300 ia mih kowi towah khai, now akeng miuüa kowi dow chakkham hai baw maten ta pe towla hanow chowlowkkow kim kowi plan chinta bowk khai.
Midianuüa kowh tangbung khup rah dow Gideawn kowh tangbung khup rah dakchow kowi kowh lawngrawi kowi chekhai.9Nami iak khe Gideawn kowi CHAKRAMANG tek pe mih, “Rü diah, kowdowm now kowbüah kowh tangbung khup rah kowi kowsen diah. Kowbüah kowh tangbung khup rah dow en rut kowi ang apta mih chowbowt.10Kowsen kown che en kram khai hanow en kowh nar Fura kowi pawla now Midianuüa kowh tangbung khup rah re-e kowkowi diah.11Now tawng ngai chow tatek büah mih kowsam sünta madiah. Nahanow amatni kowi nasenah kownkow en nakram kown nadowi bowt,” pakhai. Naiawng rakowi Gideawn mih aia kowh nar Fura kowi pawla now Midian siphaiuüa kowh tangbung khup rah ria kowi kowkowi khai.12Gideawn kowdowmah mih lawngrawi kowi uowi mih dow Midianuüa, Amalekuüa hai satlawt pra kowh pren hownia kowh maru atekma chekhai; amatni dow dung kawm iawng thur liplip khai. Now amatni kowh ut kawm paw sata pang kowi kowh sema nowng rüaah dowi mih iawng chekhai.13Nakowi Gideawn kowtowm khe maru lowk ia mih aia auiua kowi phat pe mang khai. Aia tek pe mih, “Auiua ow, ang khi mang lowk. Mang lak kowi ang khi mih maiawng: Püm hown kowh thawpah mih kawm uang lün lutlut now a-i Midianuüa kowh tangbung lowk mih kowi uang chawnah khai. Nami kawm dow amaisang uang chawnah mih a-i kowh tangbung taplan pluk now hing tim khai,” pakhai.14Nakhowk khe a-auiua klangah mih, “Nami dow Israel chenchap Joas kowh chapa Gideawn kowh saidawng klen kowi tawngpaw nadowi chekhai. Thurai mih a-i Midianuüa hailawm a-i kowh tangbung khup rah maten Gideawn rut kowi apta mih chowbowt,” pape khai.15Nami uarmang hai nami auan tata now Gideawn mih tabawkah krawm se CHAKRAMANG kowi chupah khai. Now aia dow Israeluüa kowh tangbung khup rah kowi uang plan hanow atünma uang tek mih, “Rü büa diah. Thurai mih Midianuüa kowh siphaiuüa kowi a-i rut kowi apta khowk,” pakhai.16Now maru iun 300 ia kowi aia changah sum thum khai. Aia dow lowk ia e baw lowk, tuikawng khaw lowk, now nami tuikawng lak kowi tow pe maitawng lowk chi khai.17Nami kung kowi aia tek pe mih, “Enni bowkbowk ang prakowi napela ching reng kown takla, now ang chang iawng enni paw natawi chang kown takla. Tangbung khup rah re-e ang kowting khe ang chang iawng enni natawi chang kown takla.18Now ang hown kowh tawi miuüa hailawm anging bowkbowk tum baw khe tangbung khup rah riaret hownia enni paw natawi tum baw kown. Now atünma enni natek kown mih, ‘CHAKRAMANG vüi hai Gideawn vüi,’ napa kown,” pape khai.19Uar dawng khe kowh kangchawng miuüa tale mih khin khe Midianuüa kowh kangchawng mih tale klowpchow kung kowi Gideawn hai aia kowh 100 ia mih maru-uüa dow tangbung khup rah re-e kowting khai. Gideawn hai aia hown kowh tawi miuüa dow amatni kowh baw mih tum büah hanow amatni kowh tuikawng khaw teuta büah khai.20Now akeng mih pre thum trui paw akrowksang naiawng chang büah khai. Amatni kowh lakuai rut hown dow maitawng, now hawmlawm rut hown dow baw dowkla büah khai. Amatni dow atünma tek mih, “Mami saidawng dow CHAKRAMANG hai Gideawn vüi chekhai,” pabüah khai.21Tangbung khup rah tapat lut khowm bowkta mih iowngra re-e Gideawn kowh maru-uüa iowng khe Midianuüa maten dow hekla se powt mih iowmla prung khai.22Maru iun 300 ia awr tum baw mih khin khe tangbung khup rah lak kowi kowh uowi miuüa mih amatni lala saidawng hown tatu tasawt prungrung kown mih CHAKRAMANG chang pe khai. Nahanow Midianuüa kowh siphai hawmh dow Zerera pra kowh Bet-Sitta mowr, now Tabat marow re-e kowh Abel-Mehola marow rihi mowr kowpowt büah khai.23Nakhowk khe Israeluüa pungmadawng hownia Naptali, Aser hai Manase krungchakuüa maten kowi Gideawn uang hawla khai, now Midianuüa kowi kawikrawiah büah khai.24Akung kowi Gideawn mih Efraim hungma mawngma süng maten kowi krawi chin pe maru hanow krawi tek pe mih, “Enni bowkbowk uang dowm büa diah. Now Midianuüa kowi uang tawi khowng sen büa diah. Bet-Bara mowr mih awchawng awlang hai Jawrdan aw nowng pownah krowngchow mih arah maten kowkrawi powngta büa diah,” pape khai. Nahanow Efraim kowi kowh maru maten dow takua talawm now Jawrdan aw nowng pownah krowngchow mih arah maten hai awchawng awlang maten Bet-Bara mowr krawi powngta khai.25Amatni dow Midianuüa kowh aluchow Oreb hai Zeb iüah kowi khümta khai. Now Oreb kowi dow Oreb kowh huamang re-e saita büah khai, now Zeb kowi dow Zeb kowh grep uih küara re-e saita büah khai. Amatni dow Midianuüa kowi kawikrawiah khai, now Oreb hai Zeb iüah kowh lu dung dow Jawrdan aw paipra pown kowi Gideawn tut-e kowpawla büah khai.
Midianuüa kowh tangbung khup rah dow Gideawn kowh tangbung khup rah dakchow kowi kowh lawngrawi kowi chekhai.9Nami iak khe Gideawn kowi CHAKRAMANG tek pe mih, “Rü diah, kowdowm now kowbüah kowh tangbung khup rah kowi kowsen diah. Kowbüah kowh tangbung khup rah dow en rut kowi ang apta mih chowbowt.10Kowsen kown che en kram khai hanow en kowh nar Fura kowi pawla now Midianuüa kowh tangbung khup rah re-e kowkowi diah.11Now tawng ngai chow tatek büah mih kowsam sünta madiah. Nahanow amatni kowi nasenah kownkow en nakram kown nadowi bowt,” pakhai. Naiawng rakowi Gideawn mih aia kowh nar Fura kowi pawla now Midian siphaiuüa kowh tangbung khup rah ria kowi kowkowi khai.12Gideawn kowdowmah mih lawngrawi kowi uowi mih dow Midianuüa, Amalekuüa hai satlawt pra kowh pren hownia kowh maru atekma chekhai; amatni dow dung kawm iawng thur liplip khai. Now amatni kowh ut kawm paw sata pang kowi kowh sema nowng rüaah dowi mih iawng chekhai.13Nakowi Gideawn kowtowm khe maru lowk ia mih aia auiua kowi phat pe mang khai. Aia tek pe mih, “Auiua ow, ang khi mang lowk. Mang lak kowi ang khi mih maiawng: Püm hown kowh thawpah mih kawm uang lün lutlut now a-i Midianuüa kowh tangbung lowk mih kowi uang chawnah khai. Nami kawm dow amaisang uang chawnah mih a-i kowh tangbung taplan pluk now hing tim khai,” pakhai.14Nakhowk khe a-auiua klangah mih, “Nami dow Israel chenchap Joas kowh chapa Gideawn kowh saidawng klen kowi tawngpaw nadowi chekhai. Thurai mih a-i Midianuüa hailawm a-i kowh tangbung khup rah maten Gideawn rut kowi apta mih chowbowt,” pape khai.15Nami uarmang hai nami auan tata now Gideawn mih tabawkah krawm se CHAKRAMANG kowi chupah khai. Now aia dow Israeluüa kowh tangbung khup rah kowi uang plan hanow atünma uang tek mih, “Rü büa diah. Thurai mih Midianuüa kowh siphaiuüa kowi a-i rut kowi apta khowk,” pakhai.16Now maru iun 300 ia kowi aia changah sum thum khai. Aia dow lowk ia e baw lowk, tuikawng khaw lowk, now nami tuikawng lak kowi tow pe maitawng lowk chi khai.17Nami kung kowi aia tek pe mih, “Enni bowkbowk ang prakowi napela ching reng kown takla, now ang chang iawng enni paw natawi chang kown takla. Tangbung khup rah re-e ang kowting khe ang chang iawng enni natawi chang kown takla.18Now ang hown kowh tawi miuüa hailawm anging bowkbowk tum baw khe tangbung khup rah riaret hownia enni paw natawi tum baw kown. Now atünma enni natek kown mih, ‘CHAKRAMANG vüi hai Gideawn vüi,’ napa kown,” pape khai.19Uar dawng khe kowh kangchawng miuüa tale mih khin khe Midianuüa kowh kangchawng mih tale klowpchow kung kowi Gideawn hai aia kowh 100 ia mih maru-uüa dow tangbung khup rah re-e kowting khai. Gideawn hai aia hown kowh tawi miuüa dow amatni kowh baw mih tum büah hanow amatni kowh tuikawng khaw teuta büah khai.20Now akeng mih pre thum trui paw akrowksang naiawng chang büah khai. Amatni kowh lakuai rut hown dow maitawng, now hawmlawm rut hown dow baw dowkla büah khai. Amatni dow atünma tek mih, “Mami saidawng dow CHAKRAMANG hai Gideawn vüi chekhai,” pabüah khai.21Tangbung khup rah tapat lut khowm bowkta mih iowngra re-e Gideawn kowh maru-uüa iowng khe Midianuüa maten dow hekla se powt mih iowmla prung khai.22Maru iun 300 ia awr tum baw mih khin khe tangbung khup rah lak kowi kowh uowi miuüa mih amatni lala saidawng hown tatu tasawt prungrung kown mih CHAKRAMANG chang pe khai. Nahanow Midianuüa kowh siphai hawmh dow Zerera pra kowh Bet-Sitta mowr, now Tabat marow re-e kowh Abel-Mehola marow rihi mowr kowpowt büah khai.23Nakhowk khe Israeluüa pungmadawng hownia Naptali, Aser hai Manase krungchakuüa maten kowi Gideawn uang hawla khai, now Midianuüa kowi kawikrawiah büah khai.24Akung kowi Gideawn mih Efraim hungma mawngma süng maten kowi krawi chin pe maru hanow krawi tek pe mih, “Enni bowkbowk uang dowm büa diah. Now Midianuüa kowi uang tawi khowng sen büa diah. Bet-Bara mowr mih awchawng awlang hai Jawrdan aw nowng pownah krowngchow mih arah maten kowkrawi powngta büa diah,” pape khai. Nahanow Efraim kowi kowh maru maten dow takua talawm now Jawrdan aw nowng pownah krowngchow mih arah maten hai awchawng awlang maten Bet-Bara mowr krawi powngta khai.25Amatni dow Midianuüa kowh aluchow Oreb hai Zeb iüah kowi khümta khai. Now Oreb kowi dow Oreb kowh huamang re-e saita büah khai, now Zeb kowi dow Zeb kowh grep uih küara re-e saita büah khai. Amatni dow Midianuüa kowi kawikrawiah khai, now Oreb hai Zeb iüah kowh lu dung dow Jawrdan aw paipra pown kowi Gideawn tut-e kowpawla büah khai.
The Seed Company