Tara chet miuüa6
1Akung kowi dow Israeluüa mih CHAKRAMANG mik kowi angakma mih lup ta plan chang khai iawk. Naiawng rakowi CHAKRAMANG dow Israeluüa kowi ranit ning mowr Midianuüa nimkrüa kowi pe uowiah khai.2Now Midianuüa dow Israeluüa kowi lainowmma changah anowng apowng khai. Naiawng rakowi Israeluüa mih puk kowi hai akhawtma mih kangchawngra kim kowi ün cham tapet khai.3Israeluüa sawt liu mih khin khe Midianuüa, Amalekuüa hai Satlawt pra kowh pren hownia maru-uüa uangah hanow Israeluüa kowi uang senah reng chekhai.4Amatni dow Israeluüa uowi rah kowi uang krawi khup tangbung khai, now Israeluüa kowh luprak srui Gaza marow mowr piakta pe büah khai. Now chia, rua hai ruapur paw pawta pe bowk büah khai. Naiawng hai Israeluüa kowh dow singla kown mih tawngpaw uowi dowi bowt chekhai.5Amatni dow tawncher hawmh hai tangbung uang pawla büah khai; amatni dow plawng hawmh iawng uang büah khai. Amatni kowh maru iun hai ut kawm dow nowng rüaah dowi mowr chekhai. Amatni dow Israeluüa kowh süng hing piakta pe nak khai.6Midianuüa mih Israeluüa kowh uanh maten pawta pe bowk khai. Naiawng rakowi Israeluüa mih CHAKRAMANG tut-e kar se awr lü khowng khai.7Midianuüa changah anowng apowng kowh CHAKRAMANG tut-e Israeluüa awr kar khai rakowi CHAKRAMANG mih uang chin pe risi lowk ia khai. Nami risi tek pe Israeluüa mih, “CHAKRAMANG Israeluüa kowh Thurai tek mih maiawng, ‘Aigupta pren kowi kowh nar lup changra hownia uang lawtla enni mih dow ang chekhai.9Aiguptauüa rut hownia hai chang enni anowng apowng miuüa rut hownia dow ang uang lawngla enni khai. Kananuüa kowi enni pur hownia ang prütah hanow amatni kowh pren mih ang pe enni khai.10Ang CHAKRAMANG chowtaih enni kowh Thurai pami ang tek enni khowk. Now enni uowiah mih pren kowi kowh Amawruüa kowh thuraiuüa kowi natawi chupiia dowi kown mih paw ang tek enni khowk. Nachenganchepaw ang laiklow enni sünta dowi chekhai,’ pakhai,” pape khai.11Akat khe CHAKRAMANG kowh kramamu mih Ofra marow kowi uang khai, now Joas kowh sasua singh tut kowi uang chowm khai. Joas dow Abiezer krungchak chekhai. Joas kowh chapa Gideawn dow Midianuüa hownia naia petla püm kownkow nami re-e kowh grep thuara kowi kukpa thua püm khai.12Nami khin khe CHAKRAMANG kowh kramamu mih Gideawn tut-e uang tatüng hanow tek pe mih, “Aw tasen kürma mih maru, CHAKRAMANG mih tawi uowila en reng chekhai!” pakhai.13Gideawn tek pe kramamu mih, “Chakramang, anging tut-e CHAKRAMANG tawi uowi e tawngplawng kowchow maiawngün anging luk kowi uang tuk phaw khai? Anging kowh pipu-uüa chiala anging mih CHAKRAMANG kowh awdara lup tawng kowi chow cham kowi khai? Anging kowh pipu-uüa kowi Aigupta pren hownia uang lawtla mih dow CHAKRAMANG ngengche chekhai pami amatni chiala anging khai. Nachenganchepaw kawmat dow CHAKRAMANG nuata anging khai bowt. Aia dow Midianuüa rut kowi ap anging khai,” pakhai.14CHAKRAMANG dow Gideawn prakowi haidangah hanow tek pe mih, “En matia kowh kür hown tarü diah, now Midianuüa rut hownia Israeluüa kowi uang lawngla diah. Tawngplawng kowchow panow ang matia ngengche chin en khowk,” pakhai.15Gideawn tek pe mih, “Nachenganchepaw aw CHAKRAMANG, tawng iawng chow Israeluüa kowi ang nalawngah kown? Ang krungchak dow Manase krungchakuüa pungmadawng kowi kowh lang sowm mih krungchak chekhai. Now ang matia paw anging kimchakuüa pungmadawng kowi kowh alow tawi uowi dowi mih maru chekhai,” pape khai.16CHAKRAMANG tek pe Gideawn mih, “Ang natawi uowila en reng kown taih. Now Midianuüa maten kowi maru lowk iachow kowi kowh iawng en nanowngta kown,” pakhai.17Gideawn tek pe mih, “En che saksing sana ang khai hanow ang hown taklang mih dow CHAKRAMANG ching chekhai pami natukla kownkow tüng ang amatra lowk diah.18Ang uang plan kowh en pur kowi ang uang ap en uanap dowi mowr sakrauma hown hang powt diah,” pakhai.
CHAKRAMANG tek pe mih, “En uang plan dowi mowr ang hawt chawng en kown taih,” pape khai.19Now Gideawn dow kim kowi kowkowi khai, now kowngen rua chah apum hanow engah khai. Now kawmdi hamüt set ngia hown the pe tuah dowi mih kawm thawpah sangrum khai. Aia dow chaknga sek mih kharang kowi lang towah khai, now kan tui dow puh kowi lang towah khai. Naiawngün dow sasua singh tut kowi CHAKRAMANG kowh kramamu pur kowi aia uang towah khai.20Nakhowk khe Thurai kowh kramamu tek pe Gideawn mih, “Chaknga hai the pe tuah dowi mih kawm mami huaklu luk kowi towah diah, now kan tui dow naiawngün luk kowi iu klaiah diah,” pakhai. Gideawn dow CHAKRAMANG tek iawng chang khai.21CHAKRAMANG kowh kramamu rut kowi dow raitua uowi lowk chekhai. Now aia dow nami raitua towr hown chaknga hai the pe tuah dowi mih kawm kowi iu kakah khai. Nahanow huaklu hownia maih awr lün hanow nami chaknga hai kawm dow kam khai. Nami kung kowi dow CHAKRAMANG kowh kramamu mih tama khai bowt.22Nakhowk khe nami maru dow CHAKRAMANG kowh kramamu chekhai pami Gideawn tuk khai bowt. Now aia dow takrow se tek mih, “Aw lang kri lang kraing mih CHAKRAMANG! En kowh kramamu kowi achingma ang khi khai!” pakhai.23Nachenganchepaw CHAKRAMANG tek pe mih, “Thaulangma uowi diah! Hangkow kram diah! En kowng dowi tham!” pape khai.24Now Gideawn dow CHAKRAMANG vüi nami re-e thawp phuchuara lowk khai. Aming dow Jehova-Salawm pahai chap pe khai. (Jehova-Salawm pami dow “CHAKRAMANG chowtaih thaulangra” pami chekhai). Nami phuchuara dow Abiezeruüa kowh uowi rah Ofra kowi kawmat pat paw uowi reng tak chekhai.25Nami iak khe CHAKRAMANG tek pe Gideawn mih, “En pa kowh chiala pre pum mih hownia ranit ning mih chiala kowpaw apum diah. Nami kung kowi dow akroma mih arah kowi kowh Baal thurai vüi en pa thawpah mih phuchuara kowpiakta diah, now aria aret kowi kowh Asera limpu paw kowkripta bowk diah.26Now nami arah kowi dow CHAKRAMANG en kowh Thurai vüi kaneuma kowthawp phuchuara lowk diah. Nami kung kowi dow nami phuchuara kowi mih en kripah mih Asera limpu hown changla maih hanow chiala hown tikah mih uanap changla diah,” pakhai.27Naiawng rakowi Gideawn dow aia kowh naruüa pungmadawng hownia lang ruiah hamüt ia khai, now amatni dow CHAKRAMANG laiklow iawng chang khai. Aia dow naiawngün lup mih ni-e chang dowi kowi iak-e changah khai. Tawngplawng kowchow panow aia dow amatni kimchakuüa hai marowchakuüa kowi kram kowh chekhai.28Now auai rau marowchakuüa awr rü hanow Baal thurai kowh phuchuara piakta pe mih hai aria aret kowi kowh Asera limpu kripta pe mih dow khi büah khai. Nami klen kowi nami arah kowi plan thawp phuchuara lowk hanow chiala hown chang pe phuchua mih paw khi büah khai.29Nakhowk khe amatni dow lowkkowlowk talünta mih, “Mami lup amia chow chang?” pabüah khai. Now amatni mih kaneuma krawi paw satang hanow naiawngün lup dow Joas kowh chapa Gideawn chang mih chekhai pami tuk büah khai.30Now marowchakuüa dow Joas tut-e kowkowiah hanow tek pe mih, “En kowh chapa kowi uang lawtla! Aia kowi nakowngta kown takla. Aia dow Baal thurai kowh phuchuara piakta khai, now aria aret kowi kowh Asera limpu paw kripta khai,” pabüah khai.31Nachenganchepaw aia tut-e uang miuüa kowi Joas tek pe mih, “Baal thurai kowi enni tangila mih bow? Aia kowi enni nalawngah kown mih bow? Aia kowi tawi tangila mih maru kowi dow tharau rau-e nakowngta kown. Baal che thurai ching chekhai hanow aia kowh phuchuara piakta pe khowk chedow aiamat pacham talawng lah!” pape khai.32Nami ni hownia dow Gideawn kowi mih Jerub-Baal pahai Joas rük pe ming khai. (Jerub-Baal pami dow “Baal thurai matia pacham talawng lah” pami chekhai). Tawngplawng kowchow panow Joas tek mih, “Baal thurai kowh phuchuara dow Gideawn piakta pe khai; naiawng rakowi Baal thurai mih aiamat pacham talawng lah,” pakhai.33Nami kung kowi dow Midianuüa, Amalekuüa hai satlawt pra kowh prenchakuüa mih arasang takua talawm büah khai. Now amatni dow nakowsen Israeluüa kownkow haipown Jawrdan aw hanow Jezrel lawngrawi kowi kowkhup tangbung khai.34CHAKRAMANG kowh lümla mih Gideawn kowi kruitownah khai. Now aia dow Abiezeruüa kowi hawah kownkow tum baw khai. Now Abiezeruüa dow aia re-e uang takua talawm khai.35Nami klen kowi aia dow Manase, Aser, Zebulun hai Naptali krungchakuüa tut-e paw krawi phowngla pe satang khai. Now naiawngün krungchak maru-uüa paw Gideawn re-e uang takua talawm khai.36Nami khin khe Gideawn tek pe Thurai mih, “Israeluüa kowi nakowlawngah kownkow en tawi khowng ang kown pami en kham ang khai. Nami laikham iawng en nachang kown mih natukla kownkow tüng ang amatra diah. Aiak mih cha thuara kowi ang natowla ruapur pawi kown. Now tharau rau-e khe nami ruapur pawi kowi krowngchow nang tui mih pe klaah diah, now akeng mih rah kowi dow akang khawngma changah diah. Nahanow Israeluüa kowi nakowlawngah kownkow en natawi khowng ang kown pami ang natuk kown towbowt,” pakhai.38Now nami iawng dow uang phaw khai. Gideawn dow auai rau murpa awr rü hanow ruapur pawi hownia kowpet nang tui khai. Nami nang tui dow biatum lowk mih tek mawp khai.39Nami kung kowi dow Gideawn plan tek pe Thurai mih, “Hauang kunmarau ang diah; ang plan tek en pakatchow tak. Sakrauma hown ruapur pawi hown pe chaing ang akatchow iawk diah. Khaleng dow ruapur pawi mih akang khawngma changah diah, now krawng luk kowi nang tui pe klaah diah,” pakhai.40Nami iak paw Gideawn tek iawng Thurai chang pe khai. Nahanow ruapur pawi krowngchow dow akang khawngma chekhai. Nachenganchepaw krawng kowi dow nang tui uang kla khai.
CHAKRAMANG tek pe mih, “En uang plan dowi mowr ang hawt chawng en kown taih,” pape khai.19Now Gideawn dow kim kowi kowkowi khai, now kowngen rua chah apum hanow engah khai. Now kawmdi hamüt set ngia hown the pe tuah dowi mih kawm thawpah sangrum khai. Aia dow chaknga sek mih kharang kowi lang towah khai, now kan tui dow puh kowi lang towah khai. Naiawngün dow sasua singh tut kowi CHAKRAMANG kowh kramamu pur kowi aia uang towah khai.20Nakhowk khe Thurai kowh kramamu tek pe Gideawn mih, “Chaknga hai the pe tuah dowi mih kawm mami huaklu luk kowi towah diah, now kan tui dow naiawngün luk kowi iu klaiah diah,” pakhai. Gideawn dow CHAKRAMANG tek iawng chang khai.21CHAKRAMANG kowh kramamu rut kowi dow raitua uowi lowk chekhai. Now aia dow nami raitua towr hown chaknga hai the pe tuah dowi mih kawm kowi iu kakah khai. Nahanow huaklu hownia maih awr lün hanow nami chaknga hai kawm dow kam khai. Nami kung kowi dow CHAKRAMANG kowh kramamu mih tama khai bowt.22Nakhowk khe nami maru dow CHAKRAMANG kowh kramamu chekhai pami Gideawn tuk khai bowt. Now aia dow takrow se tek mih, “Aw lang kri lang kraing mih CHAKRAMANG! En kowh kramamu kowi achingma ang khi khai!” pakhai.23Nachenganchepaw CHAKRAMANG tek pe mih, “Thaulangma uowi diah! Hangkow kram diah! En kowng dowi tham!” pape khai.24Now Gideawn dow CHAKRAMANG vüi nami re-e thawp phuchuara lowk khai. Aming dow Jehova-Salawm pahai chap pe khai. (Jehova-Salawm pami dow “CHAKRAMANG chowtaih thaulangra” pami chekhai). Nami phuchuara dow Abiezeruüa kowh uowi rah Ofra kowi kawmat pat paw uowi reng tak chekhai.25Nami iak khe CHAKRAMANG tek pe Gideawn mih, “En pa kowh chiala pre pum mih hownia ranit ning mih chiala kowpaw apum diah. Nami kung kowi dow akroma mih arah kowi kowh Baal thurai vüi en pa thawpah mih phuchuara kowpiakta diah, now aria aret kowi kowh Asera limpu paw kowkripta bowk diah.26Now nami arah kowi dow CHAKRAMANG en kowh Thurai vüi kaneuma kowthawp phuchuara lowk diah. Nami kung kowi dow nami phuchuara kowi mih en kripah mih Asera limpu hown changla maih hanow chiala hown tikah mih uanap changla diah,” pakhai.27Naiawng rakowi Gideawn dow aia kowh naruüa pungmadawng hownia lang ruiah hamüt ia khai, now amatni dow CHAKRAMANG laiklow iawng chang khai. Aia dow naiawngün lup mih ni-e chang dowi kowi iak-e changah khai. Tawngplawng kowchow panow aia dow amatni kimchakuüa hai marowchakuüa kowi kram kowh chekhai.28Now auai rau marowchakuüa awr rü hanow Baal thurai kowh phuchuara piakta pe mih hai aria aret kowi kowh Asera limpu kripta pe mih dow khi büah khai. Nami klen kowi nami arah kowi plan thawp phuchuara lowk hanow chiala hown chang pe phuchua mih paw khi büah khai.29Nakhowk khe amatni dow lowkkowlowk talünta mih, “Mami lup amia chow chang?” pabüah khai. Now amatni mih kaneuma krawi paw satang hanow naiawngün lup dow Joas kowh chapa Gideawn chang mih chekhai pami tuk büah khai.30Now marowchakuüa dow Joas tut-e kowkowiah hanow tek pe mih, “En kowh chapa kowi uang lawtla! Aia kowi nakowngta kown takla. Aia dow Baal thurai kowh phuchuara piakta khai, now aria aret kowi kowh Asera limpu paw kripta khai,” pabüah khai.31Nachenganchepaw aia tut-e uang miuüa kowi Joas tek pe mih, “Baal thurai kowi enni tangila mih bow? Aia kowi enni nalawngah kown mih bow? Aia kowi tawi tangila mih maru kowi dow tharau rau-e nakowngta kown. Baal che thurai ching chekhai hanow aia kowh phuchuara piakta pe khowk chedow aiamat pacham talawng lah!” pape khai.32Nami ni hownia dow Gideawn kowi mih Jerub-Baal pahai Joas rük pe ming khai. (Jerub-Baal pami dow “Baal thurai matia pacham talawng lah” pami chekhai). Tawngplawng kowchow panow Joas tek mih, “Baal thurai kowh phuchuara dow Gideawn piakta pe khai; naiawng rakowi Baal thurai mih aiamat pacham talawng lah,” pakhai.33Nami kung kowi dow Midianuüa, Amalekuüa hai satlawt pra kowh prenchakuüa mih arasang takua talawm büah khai. Now amatni dow nakowsen Israeluüa kownkow haipown Jawrdan aw hanow Jezrel lawngrawi kowi kowkhup tangbung khai.34CHAKRAMANG kowh lümla mih Gideawn kowi kruitownah khai. Now aia dow Abiezeruüa kowi hawah kownkow tum baw khai. Now Abiezeruüa dow aia re-e uang takua talawm khai.35Nami klen kowi aia dow Manase, Aser, Zebulun hai Naptali krungchakuüa tut-e paw krawi phowngla pe satang khai. Now naiawngün krungchak maru-uüa paw Gideawn re-e uang takua talawm khai.36Nami khin khe Gideawn tek pe Thurai mih, “Israeluüa kowi nakowlawngah kownkow en tawi khowng ang kown pami en kham ang khai. Nami laikham iawng en nachang kown mih natukla kownkow tüng ang amatra diah. Aiak mih cha thuara kowi ang natowla ruapur pawi kown. Now tharau rau-e khe nami ruapur pawi kowi krowngchow nang tui mih pe klaah diah, now akeng mih rah kowi dow akang khawngma changah diah. Nahanow Israeluüa kowi nakowlawngah kownkow en natawi khowng ang kown pami ang natuk kown towbowt,” pakhai.38Now nami iawng dow uang phaw khai. Gideawn dow auai rau murpa awr rü hanow ruapur pawi hownia kowpet nang tui khai. Nami nang tui dow biatum lowk mih tek mawp khai.39Nami kung kowi dow Gideawn plan tek pe Thurai mih, “Hauang kunmarau ang diah; ang plan tek en pakatchow tak. Sakrauma hown ruapur pawi hown pe chaing ang akatchow iawk diah. Khaleng dow ruapur pawi mih akang khawngma changah diah, now krawng luk kowi nang tui pe klaah diah,” pakhai.40Nami iak paw Gideawn tek iawng Thurai chang pe khai. Nahanow ruapur pawi krowngchow dow akang khawngma chekhai. Nachenganchepaw krawng kowi dow nang tui uang kla khai.
The Seed Company