Tara chet miuüa13
1Israeluüa dow CHAKRAMANG mik kowi angakma mih lup plan chang khai iawk. Naiawng rakowi CHAKRAMANG mih 40 ning mowr amatni kowi Filistinuüa nimkrüa kowi towah khai.2Nami khin khe Zora marow kowi Manoa pami maru uowi lowk ia. Aia dow Dan krungchak chekhai. Amasi dow atingma rakowi katpaw ka chah dowi.3Akat khe CHAKRAMANG kowh kramamu mih Manoa kowh masi tut-e uang tatüng khai. Now tek pe mih, “En dow atingma rakowi ka chah dowi chekhai. Nachenganchepaw en nakum nau hanow en naka kachakuüa chah lowk ia kown.4Tawkchedow kaneuma en nauowi kown takla. Grep tui lah, arak lah, asür alawkma mih chap ün en naia cha kown nadowi.5En nakaah kown mih chapa kowi katpaw en nakep pe sam kown nadowi. Tawngplawng kowchow panow uang dia krowngchow hownia aia dow CHAKRAMANG vüi nachowng Nazaret kown mih chekhai. Aia dow Filistinuüa rut hownia Israeluüa kowi nalawngah kown mih lup nauown chang kown,” pakhai.6Nakhowk khe nami masiuüa dow ahua tut-e kowkowiah now tek pe mih, “Ang tut-e Thurai maru uang lowk ia. Aia kowh powm dow Thurai kowh kramamu powm iawng; aia kowi khi now lainowmma kramra uowi. Tawkchedow tawng hownia chow aia uang mih ang lüntaah dowi, now aia paw aia kowh ming tek ang dowi chekhai.7Aia tek ang mih, ‘En nakum nau hanow en naka kachakuüa chah lowk ia kown. Naiawng rakowi kawmat hownia grep tui lah, arak lah, asür alawkma mih chap lah en naia cha naia kham kown nadowi. Tawngplawng kowchow panow uang dia krowngchow hownia kowng dowi mowr aia dow CHAKRAMANG vüi nachowng Nazaret kown mih chekhai,’ pakhai,” pape khai.8Nami laiklow tata now Manoa mih maiawng CHAKRAMANG tut-e awr lü khai, “Aw CHAKRAMANG, en uang chin angching mih Thurai maru kowi sakrauma hown uang chin angching iawk diah. Angching nakaah kown mih chah kowi tawng iawng chow achang takla mih aia dow pauang sang angching lah,” pakhai.9Thurai dow Manoa awr lü mih sünta pe khai, now Thurai kowh kramamu dow Manoa masi tut-e uang plan uang khai iawk. Thurai kowh kramamu uang khe aia dow dowm kowi chowm phülü khai. Tawkchedow nami khin khe ahua Manoa mih aia re-e tawi uowi dowi chekhai.10Naiawng rakowi aia dow lenlenma kowkowiah now ahua kowi kowtek pe mih, “Mani nani khe kowh ang tut-e uang mih maru uang iawk khowk,” pakhai.11Nami laiklow tata hanow Manoa mih amasi hown kowtawi khai. Now kramamu re-e kowtatawnah hanow tek pe mih, “Ang masi kowi kowh uang klangah mih en chowbowt bow?” pakhai.
Nakhowk khe kramamu klangah mih, “Ow, ang chowbowt,” pape khai.12Manoa lüntaah mih, “En tekah iawng uang phaw mih khin khe tawng iawng chow nami chah nauowi kown takla, now aia kowh lup dow tawng chow?” pakhai.13CHAKRAMANG kowh kramamu klangah mih, “En masi kowi ang tek pe mih srui pacham chünah kaneu lah.14Grep ruih hownia kowh phaw mih chap maten tawngpaw aia mih naia cha kown nadowi. Grep tui, arak hai asür alawkma mih chap matiow aia mih naia cha naia kham kown nadowi. Aia kowi ang peah mih ana maten aia nachün kown takla,” pape khai.15Nakhowk khe CHAKRAMANG kowh kramamu kowi Manoa tek pe mih, “Sakrauma hai uowi nawng diah ba. Angching ngen en rua chah lowk tak; chala hawm kan diah,” pakhai.16CHAKRAMANG kowh kramamu klangah mih, “Enching town ang chepaw enching kowh chakkham ang nacha enching kown nadowi. Nachenganchepaw enching che nau hanow CHAKRAMANG vüi tikah mih uanap phai chang iüa diah,” pape khai. Nami maru dow CHAKRAMANG kowh kramamu chekhai pami Manoa hing tuk dowi chekhai.17Nami kung kowi dow CHAKRAMANG kowh kramamu kowi Manoa lüntaah mih, “En ming mia chow? En tekah iawng uang phaw mih khin khe angching natüng en ringkawra kown nau,” pakhai.18Nakhowk khe CHAKRAMANG kowh kramamu klangah mih, “Tawngplawng kowchow en tuk lünta ang ming khai? Ang kowh ming dow awdara uowima; tek en chepaw en tukta dowi tham,” pape khai.19Nakhowk khe Manoa mih rua chah hown akeng mih kawmdi uanap pawla now huaklu luk kowi tangah khai. Now naiawngün dow CHAKRAMANG kowi aia phuchuala khai. Nakhowk khe CHAKRAMANG kowh kramamu dow Manoa iüah huaiu kowi tüng pe awdara lup lowk khai.20Phuchuara kowi kowh maih lün bia laplap mih hown CHAKRAMANG kowh kramamu paw kuang prakowi awr tawi pün khai. Naiawng phaw mih khita now Manoa iüah huaiu mih krawng kowi tabawk krawm se chupah khai.21Now nami maru dow CHAKRAMANG kowh kramamu chowbowt pami Manoa tuk khai bowt. Nami kung kowi dow CHAKRAMANG kowh kramamu mih amatchi tut-e uang tatüng dowi bowt chekhai.22Nakhowk khe amasi kowi Manoa tek pe mih, “Thurai kowi achi khi khai bowt. Naiawng rakowi achi dow nakowng ngengche kown chekhai,” pakhai.23Nakhowk khe amasi klangah mih, “CHAKRAMANG che saita achi kown nau e dow tikah mih uanap hai kawmdi uanap paw achi kown bow? Now awdara lup ün natüng achi kown bow? Nami klen kowi achi luk kowi nauang ting kown mih laiklow paw natek achi kown bow?” pape khai.24Nami kung kowi dow Manoa masi mih ka kachakuüa chah lowk ia khai, now aming dow Simsawn pahai rük pe khai. Simsawn dow awr iuk khai, now aia kowi dow Thurai peah prasi khai.25Zora hai Estaawl marow takra kowi kowh Mahane-Dan pami arah kowi uowi khe Simsawn kowi dow CHAKRAMANG kowh lümla mih uang peah kür khai bowt.
Nakhowk khe kramamu klangah mih, “Ow, ang chowbowt,” pape khai.12Manoa lüntaah mih, “En tekah iawng uang phaw mih khin khe tawng iawng chow nami chah nauowi kown takla, now aia kowh lup dow tawng chow?” pakhai.13CHAKRAMANG kowh kramamu klangah mih, “En masi kowi ang tek pe mih srui pacham chünah kaneu lah.14Grep ruih hownia kowh phaw mih chap maten tawngpaw aia mih naia cha kown nadowi. Grep tui, arak hai asür alawkma mih chap matiow aia mih naia cha naia kham kown nadowi. Aia kowi ang peah mih ana maten aia nachün kown takla,” pape khai.15Nakhowk khe CHAKRAMANG kowh kramamu kowi Manoa tek pe mih, “Sakrauma hai uowi nawng diah ba. Angching ngen en rua chah lowk tak; chala hawm kan diah,” pakhai.16CHAKRAMANG kowh kramamu klangah mih, “Enching town ang chepaw enching kowh chakkham ang nacha enching kown nadowi. Nachenganchepaw enching che nau hanow CHAKRAMANG vüi tikah mih uanap phai chang iüa diah,” pape khai. Nami maru dow CHAKRAMANG kowh kramamu chekhai pami Manoa hing tuk dowi chekhai.17Nami kung kowi dow CHAKRAMANG kowh kramamu kowi Manoa lüntaah mih, “En ming mia chow? En tekah iawng uang phaw mih khin khe angching natüng en ringkawra kown nau,” pakhai.18Nakhowk khe CHAKRAMANG kowh kramamu klangah mih, “Tawngplawng kowchow en tuk lünta ang ming khai? Ang kowh ming dow awdara uowima; tek en chepaw en tukta dowi tham,” pape khai.19Nakhowk khe Manoa mih rua chah hown akeng mih kawmdi uanap pawla now huaklu luk kowi tangah khai. Now naiawngün dow CHAKRAMANG kowi aia phuchuala khai. Nakhowk khe CHAKRAMANG kowh kramamu dow Manoa iüah huaiu kowi tüng pe awdara lup lowk khai.20Phuchuara kowi kowh maih lün bia laplap mih hown CHAKRAMANG kowh kramamu paw kuang prakowi awr tawi pün khai. Naiawng phaw mih khita now Manoa iüah huaiu mih krawng kowi tabawk krawm se chupah khai.21Now nami maru dow CHAKRAMANG kowh kramamu chowbowt pami Manoa tuk khai bowt. Nami kung kowi dow CHAKRAMANG kowh kramamu mih amatchi tut-e uang tatüng dowi bowt chekhai.22Nakhowk khe amasi kowi Manoa tek pe mih, “Thurai kowi achi khi khai bowt. Naiawng rakowi achi dow nakowng ngengche kown chekhai,” pakhai.23Nakhowk khe amasi klangah mih, “CHAKRAMANG che saita achi kown nau e dow tikah mih uanap hai kawmdi uanap paw achi kown bow? Now awdara lup ün natüng achi kown bow? Nami klen kowi achi luk kowi nauang ting kown mih laiklow paw natek achi kown bow?” pape khai.24Nami kung kowi dow Manoa masi mih ka kachakuüa chah lowk ia khai, now aming dow Simsawn pahai rük pe khai. Simsawn dow awr iuk khai, now aia kowi dow Thurai peah prasi khai.25Zora hai Estaawl marow takra kowi kowh Mahane-Dan pami arah kowi uowi khe Simsawn kowi dow CHAKRAMANG kowh lümla mih uang peah kür khai bowt.
The Seed Company