Josua9
1Jawrdan aw satkup prakowi kowh uowi mih manguüa dow Jeriko marow hai Ai marow kowi Israeluüa awngta mih satang tawi ta khai. Naiawng rakowi amatni dow takrüpah hanow Israeluüa kowi nasenah kownkow arasang takua talawm büah khai. Naiawngün manguüa dow Hituüa, Amawruüa, Kananuüa, Perizuüa, Hivuüa hai Jebusuüa kowh mang chekhai. Amatni uowi mih dow hungma mawngma süng kowi, dowm nai kowi hai Mediteranean sata pang maten hownia Lebanawn hungh mowr chekhai.3Jeriko marow hai Ai marow kowi Josua senah mih lawnguan tata hanow Gibeawn marow kowi kowh Hivuüa dow Israeluüa kowi kuanah kownkow chang prengia khai. Amatni dow amatni kowh marow hownia maru sangrum kowi Josua tut-e kowchinah khai. Amatni dow sala tuh hown kowh thawpah mih uanthup hai chak pik hown kowh thawpah mih grep tui towk rah im atuma panow atüknama mih kawrngaramchük luk kowi tangla büah khai.5Amatni dow atuma mih hai asownnama mih phanaikhawk kruala büah khai, now tawnguat paw aprimma mih khupla büah khai. Now tiama rawng kowi kowh chakkham iawng hai pawla büah mih kawm dow mawd kowh tadi nak mih chekhai.6Naiawng hai amatni dow Gilgal kowi kowh Israeluüa tangbung khup rah kowi Josua tut-e kowting khai. Amatni dow Josua hai Israeluüa kowi tek pe mih, “Anging dow pren lakma hownia kowh uang mih chekhai; anging hown tatow taking tasangra sangbowk laitawm büa diah,” pakhai.7Nakhowk khe Hivuüa kowi Israeluüa tek pe mih, “Anging hown atawnchow enni uowi mih amia chow tuk? Anging hown atawnchow che enni uowi hanow enni hown anging ia tatow sangbowk laitawm dowi tham,” pape khai.8Hivuüa tek pe Josua mih, “Anging dow en kowh nar chowtaih,” pakhai.
Nakhowk khe Hivuüa kowi Josua lüntaah mih, “Mia chow enni? Tawng hownia kowh enni uang mih chow?” pakhai.9Now Hivuüa klangah mih, “CHAKRAMANG en kowh Thurai ming iung nang iung ta kowh pren lakma hownia en naruüa uang mih chekhai. Aigupta pren kowi CHAKRAMANG en kowh Thurai changah mih satang paw anging ta chekhai.10Nami klen kowi Jawrdan aw paipra pown kowi kowh Hesbawn marow mang Sihun hai Astarte marow kowi kowh uowi mih Basan pren mang Awk iüah kowi CHAKRAMANG changah mih satang paw anging ta chekhai.11Naiawng rakowi tiama rawng kowi nachaah kown mih chakkham pawla now enni hown nauang takrum kownkow anging kowh lawngtang aluchowuüa hai anging prenchakuüa pe anging ana khai. Now anging hown enni natatow sangbowk laitawm kown mih laiklow natek enni kown mih paw krawi pe anging ana khai.12Enni hown nauang takrum kownkow kim hownia anging uang lawt khe dow tiama rawng kowi nachaah kownkow anging uang pawla mih kawm adenchow chowdiah. Nachenganchepaw kawmat dow naiawngün kawm mih mawd kowh tadi bowk khowk; mow sam mü büah madiah.13Now anging uang pawla mih im paw asarma chowdiah. Nachenganchepaw kawmat dow maiawngün im paw tapük bowk khowk. Anging uang tarüla mih arah la lai rakowi anging uang kruala mih phanaikhawk hai uang khupla mih tawnguat paw tuh bowk khowk,” pakhai.14Israeluüa mih chakkham dow hawt mü pe khai. Nachenganchepaw Thurai naukrang dow Thurai tut-e lüntala büah dowi chekhai.15Josua mih Hivuüa hown tatow taking tasangra sangbowk laitawm khai. Aia dow amatni kowi nasaiah dowi kownkow amatni tut-e kham sawi khai. Israel aluchowuüa paw nami lawnguan kowi tawi kham sawi khai.16Tatow sangbowk laitawm mih sum ni kung kowi dow amatni riaret kowi taih Hivuüa uowi pami Israeluüa tukta khai bowt.17Naiawng rakowi amatni dow kowkrawi mü Hivuüa uowi rah kownkow tarü khai bowt. Now sum ni kowh ni khe dow Hivuüa kowh marow kowi kowtowm büah khai. Hivuüa uowiah mih marow dow Gibeawn, Chephira, Berawt hai Kiriat-Jearim chekhai.18Nachenganchepaw Israeluüa mih Hivuüa kowi senah dowi chekhai. Tawngplawng kowchow panow amatni kowh aluchowuüa mih Hivuüa hown CHAKRAMANG Israeluüa kowh Thurai ming hown tatow sangbowk laitawm khowk chekhai. Naiawng rakowi Israeluüa mih amatni kowh aluchowuüa luk kowi sak-ih dowi chekhai.19Naiawng kowh Israeluüa kowi amatni kowh aluchowuüa tek pe mih, “CHAKRAMANG Israeluüa kowh Thurai ming hown amatni tut-e anging towta sangbowk laitawm khai bowt. Naiawng rakowi amatni luk kowi tawngpaw a-i nowng chang dowi bowt chekhai.20Amatni kowi che a-i saita hanow a-i khamta sawi mih piakta rakowi CHAKRAMANG nakunmarau a-i kown chekhai. Naiawng rakowi amatni kowi dow a-i nasaiah kown nadowi.21Amatni kowi a-i pe singah towbowt. Tawkchedow amatni kowi a-i kowh sawp pawk mih hai tui towng mih a-i nachangla kown,” pakhai.22Nami kung kowi Hivuüa kowi hawah now Josua tek pe mih, “Enni hown alakma anging uowi pami tawngplawng kowchow enni tuk tek anging khai? Anging ria kowi taih lowmow enni uowi.23Naiawng enni dai rakowi kawmat mih enni ka piati khowk. Enni mih ang kowh Thurai kim vüi kowi kowh tui towng mih hai sawp pawk mih nachowng kown. Maiawng mih nar lup chang hownia tawng nam khe paw enni nakhalat kown nadowi bowt,” pape khai.24Nakhowk khe Josua kowi Hivuüa klangah mih, “Mami pren paprenma nape enni kownkow hai mami prenchak maten kowi nachumta bowk kownkow CHAKRAMANG en kowh Thurai mih aia nar Mosi kowi peah ana khai. Nami satang anging paw achima tawi ta chekhai. En rakowi anging kram kowng kowh maiawng mih lup anging chang mih chekhai.25Kawmat dow en rut kowi towbowt anging uowi. En nau iawng chang anging towbowt,” pakhai.26Naiawng rakowi Israeluüa rut hownia amatni kowi mih Josua lawngah khai. Amatni kowi dow saiah büah dowi chekhai.27Nami ni hownia now Israeluüa vüi hai CHAKRAMANG kowh phuchuara vüi napaw sawp kown mih hai natowng tui kown mih Hivuüa kowi Josua peah ana khai. Naiawng rakowi ani mowr paw amatni dow nami lup chang reng tak chekhai.
Nakhowk khe Hivuüa kowi Josua lüntaah mih, “Mia chow enni? Tawng hownia kowh enni uang mih chow?” pakhai.9Now Hivuüa klangah mih, “CHAKRAMANG en kowh Thurai ming iung nang iung ta kowh pren lakma hownia en naruüa uang mih chekhai. Aigupta pren kowi CHAKRAMANG en kowh Thurai changah mih satang paw anging ta chekhai.10Nami klen kowi Jawrdan aw paipra pown kowi kowh Hesbawn marow mang Sihun hai Astarte marow kowi kowh uowi mih Basan pren mang Awk iüah kowi CHAKRAMANG changah mih satang paw anging ta chekhai.11Naiawng rakowi tiama rawng kowi nachaah kown mih chakkham pawla now enni hown nauang takrum kownkow anging kowh lawngtang aluchowuüa hai anging prenchakuüa pe anging ana khai. Now anging hown enni natatow sangbowk laitawm kown mih laiklow natek enni kown mih paw krawi pe anging ana khai.12Enni hown nauang takrum kownkow kim hownia anging uang lawt khe dow tiama rawng kowi nachaah kownkow anging uang pawla mih kawm adenchow chowdiah. Nachenganchepaw kawmat dow naiawngün kawm mih mawd kowh tadi bowk khowk; mow sam mü büah madiah.13Now anging uang pawla mih im paw asarma chowdiah. Nachenganchepaw kawmat dow maiawngün im paw tapük bowk khowk. Anging uang tarüla mih arah la lai rakowi anging uang kruala mih phanaikhawk hai uang khupla mih tawnguat paw tuh bowk khowk,” pakhai.14Israeluüa mih chakkham dow hawt mü pe khai. Nachenganchepaw Thurai naukrang dow Thurai tut-e lüntala büah dowi chekhai.15Josua mih Hivuüa hown tatow taking tasangra sangbowk laitawm khai. Aia dow amatni kowi nasaiah dowi kownkow amatni tut-e kham sawi khai. Israel aluchowuüa paw nami lawnguan kowi tawi kham sawi khai.16Tatow sangbowk laitawm mih sum ni kung kowi dow amatni riaret kowi taih Hivuüa uowi pami Israeluüa tukta khai bowt.17Naiawng rakowi amatni dow kowkrawi mü Hivuüa uowi rah kownkow tarü khai bowt. Now sum ni kowh ni khe dow Hivuüa kowh marow kowi kowtowm büah khai. Hivuüa uowiah mih marow dow Gibeawn, Chephira, Berawt hai Kiriat-Jearim chekhai.18Nachenganchepaw Israeluüa mih Hivuüa kowi senah dowi chekhai. Tawngplawng kowchow panow amatni kowh aluchowuüa mih Hivuüa hown CHAKRAMANG Israeluüa kowh Thurai ming hown tatow sangbowk laitawm khowk chekhai. Naiawng rakowi Israeluüa mih amatni kowh aluchowuüa luk kowi sak-ih dowi chekhai.19Naiawng kowh Israeluüa kowi amatni kowh aluchowuüa tek pe mih, “CHAKRAMANG Israeluüa kowh Thurai ming hown amatni tut-e anging towta sangbowk laitawm khai bowt. Naiawng rakowi amatni luk kowi tawngpaw a-i nowng chang dowi bowt chekhai.20Amatni kowi che a-i saita hanow a-i khamta sawi mih piakta rakowi CHAKRAMANG nakunmarau a-i kown chekhai. Naiawng rakowi amatni kowi dow a-i nasaiah kown nadowi.21Amatni kowi a-i pe singah towbowt. Tawkchedow amatni kowi a-i kowh sawp pawk mih hai tui towng mih a-i nachangla kown,” pakhai.22Nami kung kowi Hivuüa kowi hawah now Josua tek pe mih, “Enni hown alakma anging uowi pami tawngplawng kowchow enni tuk tek anging khai? Anging ria kowi taih lowmow enni uowi.23Naiawng enni dai rakowi kawmat mih enni ka piati khowk. Enni mih ang kowh Thurai kim vüi kowi kowh tui towng mih hai sawp pawk mih nachowng kown. Maiawng mih nar lup chang hownia tawng nam khe paw enni nakhalat kown nadowi bowt,” pape khai.24Nakhowk khe Josua kowi Hivuüa klangah mih, “Mami pren paprenma nape enni kownkow hai mami prenchak maten kowi nachumta bowk kownkow CHAKRAMANG en kowh Thurai mih aia nar Mosi kowi peah ana khai. Nami satang anging paw achima tawi ta chekhai. En rakowi anging kram kowng kowh maiawng mih lup anging chang mih chekhai.25Kawmat dow en rut kowi towbowt anging uowi. En nau iawng chang anging towbowt,” pakhai.26Naiawng rakowi Israeluüa rut hownia amatni kowi mih Josua lawngah khai. Amatni kowi dow saiah büah dowi chekhai.27Nami ni hownia now Israeluüa vüi hai CHAKRAMANG kowh phuchuara vüi napaw sawp kown mih hai natowng tui kown mih Hivuüa kowi Josua peah ana khai. Naiawng rakowi ani mowr paw amatni dow nami lup chang reng tak chekhai.
The Seed Company