Josua19
1Pre kat kowi kowh kuak plang khe dow Simiawn krungchakuüa kowh ming uang tatüng khai, now amatni kowi mih ret pe krawng bawn khai. Amatni kowi kowh peah mih krawng bawn dow Juda krungchakuüa kowh süng kowi tawi taphang khai.2Simiawn krungchakuüa kaah mih krawng bawn kowi kowh marow dow Ber-Seba, Molada, Hazar-Sual, Bala, Ezem, Eltolad, Bethul, Hawrma, Ziklak, Bet-Markabawt, Hazar-Susa, Bet-Lebawt hai Saruhen chekhai. Naiawngün marow dow bowkbowk kowi 13 buk chekhai. Now marow riaret kowi kowh kua maten paw kala bowk büah khai.7Nami klen kowi Ain, Rimawn, Ether hai Asan marow paw Simiawn krungchakuüa kala khai. Nami marow tali klüng hai Negeb kowi kowh Rama marow mowr aria aret kowi kowh kua maten paw Simiawn krungchakuüa kala khai. Naiawngün dow nachangla dawngthawnguan kownkow Simiawn krungchakuüa kaah mih chekhai.9Naiawngün krawng bawn dow Juda krungchakuüa kowh krawng bawn hownia Simiawn krungchakuüa tawi pawah mih chekhai. Tawngplawng kowchow panow Juda krungchakuüa dow amatni lakkeah mih lak-e achütma ka krawng bawn khai.10Sum kat kowi kowh kuak plang khe dow Zebulun krungchak ming uang tatüng khai, now amatni kowi mih ret pe krawng bawn khai. Amatni kowi kowh peah mih krawng bawn rihi dow Sarid marow hownia uownah khai.11Satkup pra kowh rihi dow Sarid hownia Marala marow mowr, now nami hownia Dabeset marow iawng panow Jawkneam marow re-e kowh aw kowi kowchur khai.12Now satlawt pra kowh rihi dow Sarid hownia awr takui hanow Kislawt-Tabawr marow kowi kowtowm khai. Nami hownia Daberat marow iawng panow Jafia marow kowi kowpün khai.13Nami hownia dow Gat-Hepher marow iawng panow Et-Kazin marow mowr kowting khai. Nami kung kowi dow Neah marow prakowi kowtakui now Rimawn marow kowi kowtowm khai.14Rimawn hownia tawngphak prakowi kowtakui now Hanathawn marow kowi kowtowm khai, now Iptahel lawngrawi kowi kowchur khai.15Zebulun süng kowi kowh marow pungmadawng kowi dow Katat, Nahalal, Simrawn, Idala hai Bethlehem marow paw tawi taphang khai. Amatni kaah mih marow dow bowkbowk kowi 12 marow chekhai, now naiawngün marow riaret kowi kowh kua maten paw kala büah khai.16Naiawngün marow hai aria aret kowi kowh kua maten dow nachangla dawngthawnguan kownkow Zebulun krungchakuüa kaah mih chekhai.17Tali kat kowi kowh kuak plang khe dow Isakar krungchakuüa kowh ming uang tatüng khai, now amatni kowi mih ret pe krawng bawn khai.18Amatni kaah mih süng kowi tawi taphang mih marow dow Jezrel, Kesulawt, Sunem,19Hapharaim, Siawn, Anaharat,20Rabit, Kisiawn, Ebez,21Remet, Enganim, En-Hada hai Bet-Pazez chekhai.22Amatni kowh süng rihi dow Tabawr, Sahazuma, Bet-Semes marow iawng panow Jawrdan aw kowi kowchur khai. Amatni kowh süng kowi tawi taphang mih marow dow bowkbowk kowi 16 marow chekhai, now naiawngün marow riaret kowi kowh kua maten paw kala büah khai.23Naiawngün marow hai aria aret kowi kowh kua maten dow nachangla dawngthawnguan kownkow Isakar krungchakuüa kaah mih chekhai.24Tanga kat kowi kowh kuak plang khe dow Aser krungchakuüa kowh ming uang tatüng khai, now amatni kowi mih ret pe krawng bawn khai.25Amatni kaah mih süng kowi tawi taphang mih marow dow Helkat, Hali, Beten, Aksaf,26Alamelek, Amad hai Misal chekhai. Satkup pra amatni kowh rihi dow Karmel hungh hai Sihawr-Libnat marow mowr chekhai.27Now nami hownia satlawt prakowi awr takui hanow Bet-Dagawn kowi kowtowm khai. Nami hownia Zebulun krungchakuüa kowh süng hai Iptahel lawngrawi iawng panow Kabul marow lakuai pra towla kowh tawngphak pra kowh Bet-Emek hai Neiel marow mowr kowting khai.28Nami hownia tawngphak pra kowh Abdawn, Rehawb, Hamawn hai Kana marow iawng panow Sidawn marow kri mowr kowtowm khai.29Nami kung kowi dow Rama marow prakowi kowtakui now tap uowi mih Tura marow kowi kowtowk khai. Nami kung kowi dow nami hownia Hosa prakowi kowtakui now Mediteranean sata kowi kowdowh khai. Amatni kowh süng kowi dow Mahalab, Akzib, Umma, Afek hai Rehawb marow paw tawi taphang khai. Aser krungchakuüa süng kowi tawi taphang mih marow dow bowkbowk kowi 22 marow chekhai, now naiawngün marow riaret kowi kowh kua maten paw kala büah khai.31Naiawngün marow hai aria aret kowi kowh kua maten dow nachangla dawngthawnguan kownkow Aser krungchakuüa kaah mih chekhai.32Taruk kat kowi kowh kuak plang khe dow Naptali krungchakuüa kowh ming uang tatüng khai, now amatni kowi mih ret pe krawng bawn khai.33Amatni kowh süng rihi dow Helef hownia uownah now Zananim kowi kowh sasua singh mowr kowting khai. Nami hownia dow Adami-Nekeb hai Jabnel marow iawng panow Lakum marow kowi kowtowm khai, now Jawrdan aw kowi kowchur khai.34Nami kung kowi dow nami rihi mih satkup prakowi iu takui kowh Aznawt-Tabawr iawng panow Hukawk marow kowi kowtowk khai. Now mrawkphak pra amatni kowh rihi dow Zebulun krungchak rihi mowr, satkup prakowi dow Aser krungchak rihi mowr, now satlawt prakowi dow Jawrdan aw re-e kowh Juda krungchak rihi mowr chekhai.35Amatni kaah mih marow dow bowkbowk kowi 19 marow chekhai, now marow riaret kowi kowh kua maten paw kala bowk büah khai. Naiawngün pungmadawng kowi tap uowi mih marow dow Zidim, Zer, Hamat, Rakat, Kineret,36Adam, Rama, Hazawr,37Kedes, Edrei, En-Hakawre,38Irawn, Migdalel, Horem, Bet-Anat hai Bet-Semes chekhai.39Naiawngün marow hai aria aret kowi kowh kua maten dow nachangla dawngthawnguan kownkow Naptali krungchakuüa kaah mih chekhai.40Ranit kat kowi kowh kuak plang khe dow Dan krungchakuüa kowh ming uang tatüng khai, now amatni kowi dow ret pe krawng bawn khai.41Amatni kaah mih süng kowi tawi taphang mih marow dow Zora, Estaawl, Irsemes,42Salabim, Aijalawn, Itla,43Elawn, Timna, Ekrawn,44Elteke, Gibethawn, Baalat,45Jehud, Bene-Berak, Gat-Rimawn,46Mejarkawn, Rakawn Jopa pur kowi kowh süng ün chekhai.47Naiawngün marow hai aria aret kowi kowh kua maten dow nachangla dawngthawnguan kownkow Dan krungchakuüa kaah mih chekhai. Nachenganchepaw Dan krungchakuüa vüi bak kowi kowh krawng bawn dow ransu-uüa uang khünta pe ne khai. Naiawng rakowi amatni dow Lais marowchakuüa kowi kowsenah now kowsaita bowk büah khai, now nami marow dow powngta büah khai. Nami kung kowi amatni dow Lais marow kowi uowi büah khai, now amatni kowh pipu-uüa ming iawng nami marow kowi Dan marow pahai plan chap pe ming khai.49Pren mih ki tabakta büah bowk hanow CHAKRAMANG ana pek iawng Nun kowh chapa Josua kowi paw nami pren kowi Israeluüa retla pe krawng bawn khai. Amatni dow aia lüah iawng Timnat-Sera marow mih Josua kowi peah khai. Nami marow dow Efraim krungchakuüa kowh krawng bawn pungmadawng kowi kowh hungma mawngma süng kowi chekhai. Nami marow mih asar plan thawpah hanow nakowi mih Josua uowi khai.51Naiawng hown uamow Eleazar, Nun kowh chapa Josua hai Israel krungchak kowi kowh aluchowuüa maten mih Silo marow kowi Israeluüa kowi ret pe krawng bawn khai. Amatni dow taklowp taklangra te plawt re-e kuak pe plang hanow Israeluüa kowi ret pe krawng bawn khai. Naiawng hown amatni taret krawng bawn mih dow chur khai.
The Seed Company