Jona4
1Nachenganchepaw Jona dow naiawng phaw mih mapaw sak-ih dowi rakowi lainowmma kunmarau khai.2Naiawng kowh aia dow CHAKRAMANG kowi awr tek pe mih, “Aw CHAKRAMANG, maiawng naown kown mih anging pren kowi ang uowi khe hownia ang tuk chowdiah. Tarsis marow prakowi ang powt mih dow naiawng rakowi chekhai. En dow saksing sanara atekma mih Thurai, en dow kunmarau naklak dowi, en kowh achur uowi dowi mih sakraura dow katpaw khowk dowi, napeah ripra kown mih lawnguan kowi planta saktuak reng pami ang tuk chowdiah.3Aw CHAKRAMANG, sing uowi kown mih lak-e kowng mih ang vüi lang iung chekhai. Naiawng rakowi kawmat pawta ang asak diah,” pakhai.4Nakhowk khe CHAKRAMANG klangah mih, “En kunmarau mih tawngpaw auan uowi dowi,” pape khai.5Nami kung kowi Jona dow marow uat satlawt prakowi kowkowiah hanow kowthawp te lowk khai, now nami klim kowi kowchowm khai. Aia dow marow kowi tawng chow phaw kown mih khila kownkow chawngah khai.6Nakhowk khe CHAKRAMANG Thurai mih nakowi dow dum pe ruah atut khai. Nami ruih dow awr iuk hanow Jona kawm mih na-ela kownkow aia lu kowi peah klim khai. Naiawng rakowi Jona dow nami ruih luk kowi lainowmma awmrawm khai.7Tawkchedow auai ni murpa Thurai uang chin pe dungh khai; nami dungh dow ruih kowi krawi kremta now ruih dow keu khai.8Now sat uang lawt hanow Thurai mih satlawt li adenma mih uang pe uangah khai; nahanow nami sat dow Jona lu kowi adenma uang iu denah khai. Naiawng rakowi aia dow maw ngialia own khai. Aia dow kowng kown nau rakowi tek mih, “Sing uowi kown mih lak-e kowng mih che ang vüi lang iung rowt,” pakhai.9Nakhowk khe Jona kowi Thurai tek pe mih, “Paimi dum rakowi en kunmarau mih tawngpaw auan uowi dowi,” pape khai.
Now Jona klangah mih, “Ang kunmaraula mih auan uowi, kowng pat ang nakunmarau kown,” pape khai.10Nachenganchepaw CHAKRAMANG tek pe mih, “Mami dum kowi kawm paw en kawmah dowi, khet paw en khetah dowi, nachepaw en sanaah khai. Nami dow aiak sang uang awr ru hanow aiak sang kowng khai.11Nachenganchepaw Ninevi kowi dow 120,000 ia lak-e hu hawmlawm lakuai tuk dowi tak mih ngeuüa uowi. Nami klen kowi chia hai ruapur paw ahuma uowi. Nahanow tawng chow ang nachangah kown? Nami marow aiukma mih kowi ang sanaah dowk ü?” pape khai.
Now Jona klangah mih, “Ang kunmaraula mih auan uowi, kowng pat ang nakunmarau kown,” pape khai.10Nachenganchepaw CHAKRAMANG tek pe mih, “Mami dum kowi kawm paw en kawmah dowi, khet paw en khetah dowi, nachepaw en sanaah khai. Nami dow aiak sang uang awr ru hanow aiak sang kowng khai.11Nachenganchepaw Ninevi kowi dow 120,000 ia lak-e hu hawmlawm lakuai tuk dowi tak mih ngeuüa uowi. Nami klen kowi chia hai ruapur paw ahuma uowi. Nahanow tawng chow ang nachangah kown? Nami marow aiukma mih kowi ang sanaah dowk ü?” pape khai.
The Seed Company