Jona3
1Nami kung kowi paw CHAKRAMANG laiklow mih Jona tut-e uang ting khai iawk.2CHAKRAMANG tek pe Jona mih, “Awr rü hanow Ninevi marow aiukma mih kowi kowkowi diah. Now ang natek en kown mih laiklow kowphuang pe diah,” pakhai.3Now Jona dow awr rü hanow CHAKRAMANG laiklow iawng Ninevi marow kowi kowkowi khai bowt. Ninevi dow marow aiukma chekhai; aphia krang paw sum ni mang rawng chekhai.4Jona dow nami marow kowi kowkup hanow pani mang rawng kowmang khai. Nahanow aia dow, “Kawmat hownia likawm ni kung kowi Ninevi marow dow napiak kown,” padow kowkrawi phuang khai.5Nakhowk khe Ninevi marowchakuüa dow Thurai kowh laiklow kowi owm büah khai. Naiawng rakowi amatni dow nakhang hawm kownkow phuang büah khai, now angak hownia amatni tarip mih krang natüng büah kownkow aiuk asowm sala uan khup büah khai.6Nakhowk khe naiawngün laiklow dow Ninevi marow mang paw tawi ta khai. Nahanow aia dow aia kowh mang chowm rah hownia awr rü now aia kowh mang tawnguat mih klüpta khai. Now angak hownia tarip mih krang natawi tüng kownkow sala uan tawi khup hanow plawi kowi tawi chowm khai bowt.7Now aia dow lawt ana hanow aia kowh maru iukuüa hown Ninevi marow lak kowi maiawng krawi phuang khai,
“Maru maten mih tawngpaw hang pacham cha hang pacham kham lah. Nami klen kowi chia hawmh hai ruapur hawmh kowi paw hang pacham thingah lah.8Maru hai tawncher mih sala uan pacham khup lah. Maru maten mih kür uowi mowr Thurai kowi pacham haw lah, now lup ngak hai kuk damra lup maten pacham towta lah.9A-i napiakla dowi kownkow Thurai dow aia kunmarau lün pluplup mih hownia naplanta sak chepaw naia, amia chow tuk,” pakhai.10Nahanow amatni kowh angak hownia tawng iawng chow uang plan mih hai amatni chang mih krang ün khi hanow Thurai dow planta sak khai. Now naripah kown pahai aia tekta khowk mih dow ripah dowi bowt chekhai.
“Maru maten mih tawngpaw hang pacham cha hang pacham kham lah. Nami klen kowi chia hawmh hai ruapur hawmh kowi paw hang pacham thingah lah.8Maru hai tawncher mih sala uan pacham khup lah. Maru maten mih kür uowi mowr Thurai kowi pacham haw lah, now lup ngak hai kuk damra lup maten pacham towta lah.9A-i napiakla dowi kownkow Thurai dow aia kunmarau lün pluplup mih hownia naplanta sak chepaw naia, amia chow tuk,” pakhai.10Nahanow amatni kowh angak hownia tawng iawng chow uang plan mih hai amatni chang mih krang ün khi hanow Thurai dow planta sak khai. Now naripah kown pahai aia tekta khowk mih dow ripah dowi bowt chekhai.
The Seed Company