Jona2
1Jona dow nami dam mu lak hownia CHAKRAMANG aia kowh Thurai kowi awr chup khai.2Jona tek mih,“Aw CHAKRAMANG, ang ngare mih khin khe ang haw en khai,ang hawk klow dow en ta hanow en uang khowng ang khai.Makowng nimkrüa abüpma mih hownia ang haw en khai,khowng ang kownkow ang haw en khe ang klow en ta khai.3Sata thingh, tui abüpma kowi en kuak ang khai.Nami khin khe tui ahuma ang riaret kowi uowi khai;en kowh tuilowng maten dow ang luk kowi uang hawr khai.4‘En mik khi hownia alakma kowi en prütta ang khai bowt;nachepaw en kowh kim chimsaima prakowi ang plan dang iawk kown,’ ang pakhai.5Sata tui dow pawta ang asak kownkow nipla ang khai;sata tui dow umta ang lut khai,nakowi kowh mawh dow piata ang lu khai.6Sata tui kowi ang tamir khai,ang tamir kowh hungh tut kowi pat ang kowting khai.Kowng miuüa uowi rah iawng mih kowi ang cham uowi khai,achowngma vüi kowi ang cham takhang khai.Nachenganchepaw aw ang kowh CHAKRAMANG Thurai,nami hownia en uang lawtla ang khai.7Aw CHAKRAMANG, ang sak that ngialia khe ang ka tuak en khai,ang chup en mih dow en chupra kim chimsaima kowi uang ting khai.Nami dow en tut-e uang towm khai.8Anowm nadowi mih arup aren maten kowi chup miuüa dow en saksing sanara nowngia ka kown chowdiah.Tawkchedow en kowh achur uowi dowi mih sakraura nau büah dowi chekhai.9Lawngra lup dow CHAKRAMANG kowh ngengche chekhai.Naiawng rakowi awmrawm meng ang natek en kown,tawncher hown ang naphuchua en kown.Ang takhamah mih ang nachang en kown,” pakhai.10Nami kung kowi dow CHAKRAMANG mih dam kowi peah ana khai, now dam dow Jona kowi süng akangma kowi kowowrta khai bowt.
The Seed Company